بارش سے متاثرہ علاقوں کی عوام کی بھرپور مدد، بحالی کیلئے تمام وسائل بروئے کار لائے جائینگے، وزیر داخلہ بلوچستان
ش
جمعرات 30 جولائی 2015 22:15
کوئٹہ ( اُردو پوائنٹ اخبار تازہ ترین۔ 30 جولائی۔2015ء ) صوبائی وزیر داخلہ وپی ڈی ایم اے میر سرفراز بگٹی نے کہا ہے کہ صوبے کے بارش سے متاثرہ علاقوں کے عوام کی بھر پور امداد کرتے ہوئے انکی امداد و بحالی کے لئے تمام وسائل بروئے کا ر لائے جائیں گے اور انہیں مشکل کی اس گھڑی میں تنہا نہیں چھوڑا جائیگا۔ ان خیالات کا اظہار انہوں نے لورالائی ، موسیٰ خیل اور بارکھان اضلاع کے بارشوں سے متاثرہ علاقوں کے دورے کے دوران متاثرین سے بات چیت کرتے ہوئے کیا جبکہ انہوں نے مذکورہ علاقوں میں امدادی و بحالی کی جاری سرگرمیوں کا جائزہ بھی لیا جہاں انہیں متعلقہ ڈپٹی کمشنر وں اور دیگر متعلقہ حکام کی جانب سے بریفینگ دی گئی ۔
ڈائریکٹر جنرل پی ڈی ایم اے طاہر منیر منہاس اور کمشنر ژوب ڈویژن بھی ان کے ہمراہ تھے ۔(جاری ہے)
صوبائی وزیر کا کہنا تھا کہ قدرتی آفات کے سامنے انسان بے بس ہے ۔ تاہم ہمت ، بہادری اور تحمل کے ساتھ ان آفات کا مقابلہ کر کے مشکلات کو کم ضرور کیا جا سکتا ہے ۔جبکہ حفاظتی اقدامات کے ذریعے نقصانات کو بھی کم سے کم سطح پر رکھنا ممکن ہے ۔ صوبائی وزیر نے کہا کہ متاثرین مطمین رہیں۔
حکومت ان کے ساتھ امداد اور انکی بحالی کے لئے کوئی دقیقہ فرو گزاشت نہیں کیا جائے گا ۔انفرادی طور پر پہنچنے والے نقصانات کے ازالے کے ساتھ ساتھ متاثرہ بنیادی ڈھانچے کو بھی فوری طور پر فعال بنایا جائے گا ۔صوبائی وزیر نے کہا کہ متاثرہ علاقوں کے ان کے دورے کا مقصد نقصانات کا جائزہ لے کر امداد و بحالی کی سرگرمیوں کو مزید موثر اور وسیع بنانا ہے جس کی رپورٹ و ہ وزیر اعلیٰ کو پیش کرینگے۔اس موقع پر متاثرین کی جانب سے صوبائی وزیر کو بعض مشکلات و مسائل سے آگاہ کیا گیا جس پر صوبائی وزیر نے ان کے حل کی یقین دہانی کرائی ۔ دورے کے دوسرے مرحلے میں صوبائی وزیر ژوب روانہ ہو گئے ۔متعلقہ عنوان :
مزید اہم خبریں
-
قدرتی آفات سے پیداہونے والی صورتحال سے نمٹنے اور لوگوں کے ریسکیو و مدد کےلئے جامع لائحہ عمل ضروری ہے،امداد کو شفاف انداز سے لوگوں تک پہنچایا جائے،حالیہ طوفانی بارشوں کے متاثرین کو کسی قیمت اکیلا ..
-
پنجاب کابینہ نے عمران خان اور شاہ محمود قریشی کے اڈیالہ جیل میں ٹرائل کی منظوری دے دی
-
پاکستان میں حملے سے جانی نقصان پر گہرا افسوس ہے، امریکا
-
لانگ مارچ توڑ پھوڑکیس، عمران خان کی 2کیسز میں بریت کی درخواست منظور
-
رواں مالی سال 4.8 ارب ڈالر کا انتظام کرنا ہے،گورنر سٹیٹ بینک
-
شوکت یوسفزئی نے 15 کروڑ ہرجانہ کیس کا فیصلہ چیلنج کردیا
-
حکومت کی پوری توجہ معیشت کو درست کرنے پر مرکوز ہے ، وفاقی وزیر قانون اعظم نذیر تارڑ
-
اسرائیل کاشام کے دارالحکومت دمشق پر فضائی حملہ‘ دشمن کے کچھ راکٹوں کو مار گرایا.دمشق
-
ہم وہ ہوتے ہیں جو ہم کھاتے ہیں
-
ایران: اس سال نوروز کے تہوار کے لیے عوام قناعت پر مجبور
-
روشن ڈیجیٹل اکائونٹس کے ذریعے سمندر پارپاکستانیوں کی ترسیلات زرکاحجم 7.478 ارب ڈالر سے تجاوزکرگیا
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.