وزیر داخلہ کا ای سی ایل، سیکیورٹی ایجنسیز ‘ویزا پالیسی اور ہتھیاروں سے متعلق نئی پالیسی لانے کااعلان
نئی پالیسی کے تحت سیکیورٹی ایجنسیزکوگارڈزکی کلیئرنس ‘ سالانہ اسلحہ ٹریننگ کی تجدید ضروری ہوگی ‘ چوہدری نثار علی خان
جمعرات 30 جولائی 2015 13:47
اسلام آباد (اُردو پوائنٹ اخبار تازہ ترین۔ 30 جولائی۔2015ء) وفاقی وزیرداخلہ چوہدری نثارعلی خان نے ای سی ایل، سیکیورٹی ایجنسیز ‘ویزا پالیسی اور ہتھیاروں سے متعلق نئی پالیسی لانے کااعلان کرتے ہوئے کہا ہے کہ نئی پالیسی کے تحت سیکیورٹی ایجنسیزکوگارڈزکی کلیئرنس ‘ سالانہ اسلحہ ٹریننگ کی تجدید ضروری ہوگی ‘ اسلام آباد میں قحبہ خانے چلانے میں بعض سفارتخانے ملوث ہیں ‘لاکھوں غیرملکی باشندے ملک میں قیام پذیر ہیں جو غیرقانونی سرگرمیوں میں ملوث ہیں ‘ایوان اجازت دے تو رپورٹ تیار کر کے نام پیش کئے جاسکتے ہیں ‘ قواعدوضوابط مکمل کر کے ملک میں آنے جانے پرکوئی پابندی نہیں ‘ پاسپورٹس کے دفاتر کی تعداد دگنا کی جائے گی، نئے پاسپورٹس دفاتر میرٹ پر قائم کئے جائیں گے ‘کراچی میں جاری ٹارگٹڈ آپریشن سے جرائم میں 43 فیصد کمی واقع ہوئی ‘ آپریشن کے دوران 58 ہزار603 جرائم پیشہ افراد، 517 بھتہ خور، 118 اغوا کار اور 630 اشتہاریوں کو گرفتارکیا گیا ہے۔
(جاری ہے)
انہوں نے کہا کہ چند دنوں میں نئی پالیسی لا رہے ہیں جس میں سیکورٹی ایجنسیوں کو چارٹر کے مطابق سروس فراہم کرنے کا پابند کیا جائیگا اس کے علاوہ ملازمین کے تربیت یافتہ ہونے کو بھی یقینی بنایا جائیگا اس سلسلے میں ہم فراہم کرنے کیلئے بھی تیار ہیں، کلائنٹس کو صحیح سروس کی فراہمی اور ملازمین کی تنخواہوں کی ادائیگی کو بھی یقینی بنایا جائیگا، سیکورٹی کمپنیوں کے علاوہ آرمز لائسنس کیلئے بھی نئی پالیسی لا رہے ہیں، نئی ویزہ پالیسی بھی متعارف کرائی جائیگی۔
وزیر داخلہ نے بتایا کہ صوبائی حکومتوں اور وزراء اعلیٰ سے بھی اس سلسلے میں بات کی جائے گی تاکہ صوبوں اور وفاق میں یکساں پالیسیاں متعارف کرائی جا سکیں، سیکورٹی ایجنسیوں کی مانیٹرنگ، سرویلنس صوبوں کی ذمہ داری ہے۔ وزیر داخلہ چوہدری نثار علی خان نے بتایا کہ اسلام آباد کے چوراہوں میں گداگروں کی بھرمار تھی، اقتدار سنبھالتے ہی اس سلسلہ میں اقدامات کئے، مقصد غریب آدمی کو تنگ کرنا نہیں ہے، پیشہ ور گداگروں کو پکڑنا ہے، ضرورت مند بھکاریوں کو پکڑ کر این جی اوز کے حوالے کئے، سینکڑوں کے حساب سے گداگر پیشہ ور ہیں، گداگروں کے پیچھے مالدار ایجنٹس ہوتے ہیں، ان کو پکڑ رہے ہیں، یہی پالیسی وزراء اعلیٰ سے بھی مل کر بنائیں گے تاکہ محتاجوں کے لئے کھانے پینے اور چھت کا بندوبست ہو سکے اور پیشہ ور گداگروں کے خلاف کارروائی ہو سکے۔ چوہدری نثار علی خان نے بتایا کہ پاسپورٹس کے دفاتر میں لمبی قطاروں کو ختم کریں گے اور پاسپورٹس کے نئے دفاتر قائم کریں گے، 29 پاسپورٹ آفس ہیں جو ہماری ضرورت سے کہیں کم ہیں، 65 سالوں میں جتنے پاسپورٹس آفس ہیں ان کو ڈبل کرنے کا فیصلہ کیا گیا ہے، پہلی بار پاسپورٹ آفس سیاسی مصلحتوں کی بنیاد پر نہیں بلکہ میرٹ پر قائم کر رہے ہیں، گزشتہ دور میں چکوک اور ڈیروں میں پاسپورٹس اور سی این آئی سی کے دفاتر قائم کئے گئے، کئی اضلاع میں پاسپورٹس کے دفاتر نہیں، وزراء کے بھائیوں کے ڈیروں پر دفاتر بنائے گئے جن کا وہ کرایہ بھی لے رہے ہیں، 2 ہفتوں میں سوال کا جواب بھی فراہم کر دیا جائے گا اور نئی پالیسی کا اعلان بھی جلد کیا جائے گا۔چودھری نثار علی خان نے انکشاف کیا کہ پاکستان میں قحبہ خانوں کی سرپرستی میں چند سفارتخانے بھی ملوث تھے ،ایسی مکروہ کارروائیوں کو روکا ہے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.