صوبے کے آٹھ اضلاع میں سیلاب سے بچاؤ کیلئے آٹھ ارب روپے سے زائد لاگت کے منصوبے زیر تکمیل ہیں جن سے دریائے کابل، جندی، دیر اور سوات کے اردگرد آبادیوں کو سیلاب سے محفوظ بنایا جا سکے گا ،چترال میں سیلاب سے متاثر ہونے والے بند راستے عارضی طور پر بحال کرنے میں دس سے پندرہ روز لگیں گے
عمران خان نے کالا باغ ڈیم پر کوئی بیان نہیں دیا،پی ٹی آئی کا موقف ہے کہ چاروں صوبوں کے اتفاق رائے کے بغیر کالا باغ ڈیم پر بات نہیں کی جائے گی وزیرا علیٰ خیبرپختونخوا پرویز خٹک کی نوشہرہ پریس کلب کے عہدیداروں سے گفتگو
بدھ 29 جولائی 2015 22:17
نوشہرہ (اُردو پوائنٹ اخبار تازہ ترین۔ 29 جولائی۔2015ء ) وزیرا علیٰ خیبرپختونخوا پرویز خٹک نے بتایا کہ پشاور، نوشہرہ، چارسدہ، دیر اور سوات سمیت آٹھ ضلعوں میں سیلاب سے بچاؤ کیلئے آٹھ ارب روپے سے زائد لاگت کے منصوبے زیر تکمیل ہیں جن سے دریائے کابل، جندی، دیر اور سوات کے اردگرد آبادیوں کو سیلاب سے محفوظ بنایا جا سکے گا اُنہوں نے کہاکہ چترال میں سیلاب سے متاثر ہونے والے بند راستے عارضی طور پر بحال کرنے میں دس سے پندرہ روز لگیں گے جبکہ بڑی شاہراہوں سمیت تمام سڑکیں اور پل چھ ماہ کے اندر مکمل طور پر بحال کر دیئے جائیں گے وزیراعلیٰ نے کہاکہ پی ٹی آئی کے چیئرمین عمران خان نے کالا باغ ڈیم پر کوئی بیان نہیں دیا اور اس مسئلے پر پی ٹی آئی کا یہ موقف بالکل واضح ہے کہ چاروں صوبوں کے اتفاق رائے کے بغیر کالا باغ ڈیم پر بات نہیں کی جائے گی وہ سی ایم سیکرٹریٹ میں نوشہرہ پریس کلب کے عہدیداروں سے بات چیت کررہے تھے جنہوں نے پریس کلب کے صدر مشتاق احمد پراچہ کی قیادت میں وزیراعلیٰ سے ملاقات کی صوبائی وزیر ایکسائز اینڈ ٹیکسیشن میاں جمشید الدین کا کا خیل اور وزیراعلیٰ کے معاون خصوصی خلیق الرحمن بھی ملاقات میں موجود تھے وزیراعلیٰ پرویز خٹک نے اس موقع پر نوشہرہ پریس کلب کیلئے اعلان کردہ80 لاکھ روپے کی گرانٹ جاری کرنے اور نوشہرہ کی میڈیا کالونی کاکام تیز کرنے کی ہدایت کی جس کیلئے صوبائی حکومت نے ایک کروڑ تین لاکھ 80 ہزار روپے کی منظوری دے رکھی ہے جبکہ پریس کلب کی عمارت کی تعمیر و مرمت کا منصوبہ بھی جلد مکمل کرنے کیلئے متعلقہ محکموں کو ہدایات جاری کیں وزیراعلیٰ نے وفد سے گفتگو کرتے ہوئے کہا کہ چترال میں قبل از وقت گلشیئر پگھلنے سے سیلاب آیاجبکہ ندی نالوں اور پانی کی دیگر گذر گاہ کے اندر تعمیر شدہ گھروں کے باعث لوگوں کا جانی و مالی نقصان ہوا اُنہوں نے بتایا کہ کہ صوبائی حکومت ایک قانون سازی پر سنجیدگی سے غور کر رہی ہے جس کے تحت آبی گزر گاہوں کی حد بندی کرکے ان کی واضح اور مستقل نشاندہی کی جائے گی اور ان گزرگاہوں کے اندر یا خطرناک کناروں پر تعمیرات کی ممانعت ہو گی انہوں نے کہاکہ سیلاب لوگوں کے پیچھے نہیں آتا بلکہ پانی کے راستے میں گھر تعمیر کرنے والے لوگ سیلاب کے آگے آجاتے ہیں جس سے نہ صرف لوگوں کی جان و مال کا نقصان ہوتا ہے بلکہ حکومت کو بھی بھاری نقصان برداشت کرنا پڑتا ہے پرویز خٹک نے بتایا کہ سیلاب سے بچاؤ کیلئے مستقبل کی منصوبہ بندی بھی جاری ہے جس کے تحت مختلف منصوبوں پر کام جاری ہے انہوں نے بتایا کہ فلڈ کمیشن 2013 کی رپورٹ میں سیلاب سے بچاؤ کے حفاظتی اقدامات کے حوالے سے خیبرپختونخوا حکومت کے بارے میں مثبت تاثرات درج ہیں جو سیلاب کے حفاظتی اقدامات میں صوبائی حکومت کی سنجیدگی اور عملی اقدامات کا مظہر ہیں۔
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.