ملک سے پولیو کے خاتمے کا سفر حتمی منزل مقصود تک پہنچنے کیلئے اضافی کوششیں کرنے کا تقاضاکرتا ہے، وزیرمملکت سائرہ افضل تارڑ
بدھ 29 جولائی 2015 21:37
اسلام آباد ۔ 29 جولائی (اُردو پوائنٹ اخبار تازہ ترین۔ 29 جولائی۔2015ء) وزیرمملکت برائے نیشنل ہیلتھ سروسزریگولیشنز اینڈ کوآرڈینیشن سائرہ افضل تارڑ نے کہا ہے کہ ملک سے پولیو کے خاتمے کا سفر کبھی بھی آسان نہ تھا یہ سفرہم اب حتمی منزل مقصود تک پہنچنے کے لئے اضافی کوششیں کرنے کا تقاضاکرتا ہے۔ انہوں نے یہ بات پولیوکے خاتمہ کیلئے منصوبہ بندی کی 3روزہ ورکشاپ برائے نیشنل ایمرجنسی ایکشن پلان کے اختتامی سیشن سے خطاب کرتے ہوئے کہی۔
انہوں نے کہا کہ پولیو کے پروگرام کو درپیش سب سے بڑا چیلنج عدم سیکورٹی اور رسائی نہ ہونے کا تھا۔ ضرب عضب آپریشن کی کامیابی اور پولیو کے قطرے پلانے کی مہموں پر عمل درآمد میں مسلح افواج کی معاونت کے باعث چیلنج پر قابو پالیا گیا اور اب کوئی وجہ نہیں ہے کہ ہم پولیو وائرس کے پھیلاؤ کی مکمل طورپر روک تھام کا ہدف حاصل نہ کرسکیں۔(جاری ہے)
انہوں نے صوبائی حکومتوں کی طرف سے کی جانے والی کوششوں کو سراہا اور کہا کہ صوبوں اور اضلاع میں پولیو کے خاتمہ کی سرگرمیوں کے دوران پیش آنے والے چیلنجز پر قابو پانے کی کوششیں بھی قابل ستائش ہیں۔
وزیر مملکت نے کہا کہ اگرچہ پاکستان کے زیادہ تر حصے میں پولیو کے وائرس کا خاتمہ کردیا گیا ہے اور ہم اس حقیقت سے بھی پوری طرح آگاہ ہیں کہ کسی ایک بھی ریزرویئر پر توجہ نہ دینے کا مطلب ہے کہ ہم وائرس کو پھیلنے پھولنے اور دوسرے باقی علاقوں کو بھی انفیکشن زدہ کرنے کا موقع دے رہے ہیں ۔ انہوں نے مزید کہا کہ ہمارے پاس خاص طورپر وائرس زدہ علاقہ میں اعلیٰ معیار کی پولیو مہمیں چلانے کے علاوہ کوئی راستہ نہیں ہے مجھے یقین ہے کہ اس ورکشاپ سے 12اہم ترین اضلاع کیلئے آپریشنل لائحہ عمل بناے میں خاطر خواہ مدد ملی ہے اور ان اضلاع میں پولیو مہموں کی کامیابی بڑی اہمیت اختیار کر گئی ہے۔وفاقی وزارت برائے نیشنل ہیلتھ سروسز، ریگو لیشنز اینڈ کوآرڈینشن نے پولیو کے ایمر جنسی پروگرام کو عملی جامہ پہنانے کی اپنی ذمہ داری نبھاتے ہوئے ملک بھر میں پولیو کے خاتمہ کی مہموں کی پائیداری کیلئے وسائل کی بلاتعطل فراہمی کو یقینی بنانے کیلئے ہرممکن کوششیں کی ہیں۔ وزارت صحت بہادر کارکنوں کو درپیش سیکورٹی کے چیلنچ پر قابو پانے کیلئے سیکورٹی ایسٹیبلشمنٹ کے ساتھ قریبی طورپر کام کرتی رہی ہے۔وزیر مملکت نے کہا کہ ہمیں نیشنل ایمرجنسی ایکشن پلان پر عمل درآمد کے ضمن میں ذرہ بھر بھی غفلت برداشت نہ کئے جانے کو یقینی بنانا ہوگا۔صوبائی رابطہ کاروں کو پولیو کے قطروں سے رہ جانے والے علاقوں اور گھروں کی نشاندہی اور قطرے پلانے کو یقینی بنانے کیلئے انتھک کوششیں کرنا ہوں گی۔ انہوں نے کہا کہ اب معمول کے طابق کام نہیں کرنا بلکہ حکومت اور تمام شراکت داروں کو ہر سطح پر مل کرکام کرنا ہوگا اور ہر ایک کو حفاظتی ٹیکہ جات اور پولیو کے زیادہ سے زیادہ قطرے پلانے کیلئے اپنا اپنا کردارادا کرنا ہوگا۔ پرائم منسٹرز فوکل پرسن برائے پولیو پروگرام عائشہ رضا فاروق نے اجلاس سے خطاب کرتے ہوئے کہا کہ یہ امر قابل ستائش ہے کہ زیادہ تر علاقہ پولیو سے پاک ہے۔ تاہم ہمیں ان علاقوں پر جہاں پولیو وائرس موجود ہے خصوصی توجہ دینا ہو گی تاکہ پولیو وائرس دوبارہ سے پولیو پاک علاقوں میں داخل نہ ہو سکے اور اس کی افزائش کو روکا جائے ۔ انہوں نے مذید کہا کہ اس ضمن میں ویکسینیشز سے رہ جانے والے بچوں پرخصوصی توجہ دینا ہو گی اور مسلسل رہ جانے والے علاقوں کی نشاندہی کرنا ہو گی۔متعلقہ عنوان :
مزید اہم خبریں
-
"رینٹ اے پرائم منسٹر"
-
پی ٹی آئی کی تحریکوںملکی معیشت کو ناقابل تلافی نقصان پہنچا،شیری رحمان
-
سپریم کورٹ کا نسلہ ٹاور کی زمین بیچ کر الاٹیز کو معاوضہ ادا کرنے کا حکم
-
اگلے 5 دنوں میں طوفانی بارشوں کے باعث کسانوں کا بے تحاشہ نقصان ہونے کا خدشہ
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.