یرقان سکینڈل، سندھ ہائی کورٹ نے توہین آمیز ریمارکس پرایڈوکیٹ جنرل کی رپورٹ مسترد کر دی
تین دن کے اندر ملزم کی نشاندہی، رپورٹ پیش کرنے کا حکم
بدھ 29 جولائی 2015 17:30
کراچی (اُردو پوائنٹ اخبار تازہ ترین۔ 29 جولائی۔2015ء) سندھ ہائی کورٹ کے جج جسٹس محمد شفیع صدیقی نے یرقان کی ادویہ کی غیر قانونی خریداری کے مقدمہ میں عدالت کے خلاف توہین آمیز ریمارکس پر ایڈوکیٹ جنرل سندھ کی انکوائری رپورٹ مسترد کرتے ہوئے انھیں تین دن کے اندر جامع رپورٹ پیش کرنے کا حکم جاری کر دیا ۔تفصیلات کے مطابق محکمہ صحت سندھ کی جانب سے یرقان کی دوا کی خریداری میں بے قائدگیوں کی سماعت کے دوران عدالت کے خلاف توہین آمیز ریمارکس دینے پرپندرہ جولائی کو ایڈوکیٹ جنرل سندھ عبد الفتح ملک کو تین دن میں رپورٹ پیش کرنے کا حکم دے دیا گیاتھا۔
انھیں قابل اعتراض بیان حلفی لکھنے والے شخص کو بھی عدالت میں پیش کرنے کی ہدایت کی گئی تھی۔ ایڈوکیٹ جنرل نے گزشتہ روز عدالت میں رپورٹ پیش کی جس میں پروگرام منیجر عبدالخالق شیخ اور ایڈیشنل ایڈوکیٹ جنرل سندھ مکیش کمار کو مورد الزام ٹہرایا گیا مگر عدالت نے انکا استدلال مسترد کر دیا۔(جاری ہے)
جسٹس محمد شفیع صدیقی نے کہا کہ ان دونوں افراد کے سابقہ بیانات کے مطابق انھوں نے بیان حلفی نہیں لکھا اسلئے تین دن کے اندربیان لکھنے والے کا پتہ لگا کر عدالت میں رپورٹ پیش کی جائے۔
یاد رہے کہ ایک مقامی ادویہ ساز ادارے گیٹز فارماکی جانب سے محکمہ صحت سندھ اور دو ملٹی نیشنل کمپنیوں کے خلاف یرقان کی ادویہ کی خریداری میں کرپشن کے مقدمہ کی سماعت کے دوران پروگرام کے منیجرعبد الخالق شیخ نے عدالت کی جانب سے یرقان کی ادویہ کی خریداری پر پابندی سے مریضوں کی زندگی کو خطرات لاحق ہونے پر عدالت نے نوٹس لیتے ہوئے اسے توہین آمیز قرار دیا تھا۔ گزشتہ روز سماعت کے دوران اسسٹنٹ ایڈوکیٹ جنرل مکیش کمار نے عدالت سے قابل اعتراض ریمارکس پر معافی مانگی جس پر جسٹس محمد شفیع صدیقی نے کہا کہ جب آپ نے بیان حلفی تحریر نہیں کیا تو معافی کیوں مانگ رہے ہیں۔تاہم انھوں نے معافی مشروط طور پر قبول کرتے ہوئے اسے ریکارڈ کا حصہ بنانے کا حکم جاری کیا۔ انھوں نے کہا کہ ایسا قابل اعتراض بیان حلفی کوئی وکیل تحریر نہیں کر سکتا اور ایڈوکیٹ جنرل کو تین دن کے اندر تحقیقات کر کے رپورٹ کرنے کا حکم جاری کیا تھا جسے موجودہ سماعت کے دوران مسترد کر دیا گیا۔متعلقہ عنوان :
مزید اہم خبریں
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
پی ٹی آئی نے ججز کے خط کی تحقیقات کیلئے حکومت کے انکوائری کمیشن کو مسترد کردیا
-
الزامات عمومی نوعیت کے ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.