مظفر گڑھ ، پولیس مقابلے میں کالعدم لشکر جھنگوی کے سربراہ ملک اسحاق سمیت کالعدم تنظیموں کے 14 ملزمان مارے گئے
بدھ 29 جولائی 2015 11:50
مظفر گڑھ/ملتان (اُردو پوائنٹ اخبار تازہ ترین۔ 29 جولائی۔2015ء ) مظفر گڑھ کے علاقہ شاہ والا میں مبینہ پولیس مقابلے میں کالعدم لشکر جھنگوی کے سربراہ ملک اسحاق اور ان کے 2 بیٹوں سمیت کالعدم تنظیموں کے 14 ملزمان مارے گئے ،پولیس مقابلہ میں 6پولیس اہلکار زخمی ہوئے ۔بدھ کو پولیس نے دعویٰ کیاہے کہ آٹھ افراد کی ٹارگٹ کلنگ کے الزام میں حراست میں لیے گئے ملک اسحاق اوران کے بیٹوں کو اسلحہ کی نشاندہی کیلئے مظفرگڑھ کے علاقہ شاہ والا کے قریب لے جایاگیاجہاں موجود ان کے ساتھیوں نے طاقت کے زور پر ملزمان چھڑانے کی کوشش کی جس پر مقابلے میں مارے گئے ۔
ہلاک ہونیوالوں میں ملک اسحاق ، دوبیٹے عثمان ، حق نوازاور سرگرم ساتھی غلام رسول شاہ سمیت 14افرادشامل تھے جن کا تعلق کالعدم تنظیم سے تھا اور لاشوں کو ڈی ایچ کیو ہسپتال منتقل کردیاگیا۔(جاری ہے)
پولیس کے مطابق ملزمان سے چار دستی بم ، کلاشنکو ف، تین پستول ،بارود سے بھرے تین کولر، تین سو سے زائد گولیاں اور بارہ بیٹریاں برآمد کرلی گئیں جبکہ چھ افراد فرار ہونے میں کامیاب ہوگئے۔
پولیس کے مطابق مقابلے میں شعبہ انسداددہشتگردی کے چھ اہلکار زخمی بھی ہوئے۔ مارے جانیوالے بیشتر افراد اشتہاری ملزم تھے۔مرنیوالوں میں غلام رسول شاہ کا بیٹا بھی شامل ہے تاہم پولیس نے تصدیق نہیں کی۔ پولیس حکام نے کہا کہ ہلاک ہونے والے ملزمان میں زیادہ تر کی عمریں 25 سے 30 سال کے درمیان تھیں۔پولیس حکام کا کہنا ہے کہ ملک اسحاق کو چند روز قبل گرفتار کیا گیا تھا اور ملک اسحاق کو اسلحے کی نشاندہی اور دیگر ملزمان کی گرفتاری کے لئے ملتان سے مظفر گڑھ لایا جایا جا رہا تھا کہ شاہ والا کے قریب ملزمان کے ساتھیوں کے انھیں چھڑانے کی کوشش کی جس پر ملزمان سے مقابلہ ہو گیا اور تمام ملزمان ہلاک ہو گئے۔ سی ٹی ڈی پولیس کا کہنا ہے کہ ملزمان کے ساتھی موٹر سائیکلوں پر آئے۔مبینہ پولیس مقابلے میں ہلاک ہونے والے ملزمان کی لاشیں ڈی کیوہسپتال منتقل کردی گئی جب کہ کشیدگی کے خدشے کے پیش نظر ڈی کیوہسپتال کے تمام داخلی و خارجی دروازے بند کر دیئے گئے ۔متعلقہ عنوان :
مزید اہم خبریں
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
-
اسٹیٹ بینک آف پاکستان کی جانب سے صارفین کے اعتماد کے اعشاریے جاری کر دیئے گئے
-
پی ٹی آئی نے ضمنی انتخاب کے چند گھنٹے بعد فارم 47 کا جاری ہونا حیرت انگیز قرار دے دیا
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
-
جب گندم کی قلت ہوگی تو پھر روٹی 16 کی بجائے 30 روپے سے اوپر جائے گی
-
سپیکرایازصادق سے سعودی سفیر کی ملاقات ،تعلقات کو مزید وسعت دینے کا اعادہ
-
غزہ سے متعلق اصولی موقف پر پاکستان کو سراہتے ہیں، ایرانی صدرابراہیم رئیسی
-
آئی ٹی برآمدات میں 339 ملین ڈالر کا اضافہ ریکارڈ
-
ملک میں آئین قانون معطل ہو تو پھر ملک میں غیرملکی سرمایہ کاری کیسے آسکتی ہے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.