کراچی : ایرانی ڈیزل سے بھری 3لانچیں پکڑی گئیں‘غیرملکیوں سمیت 10ملزم گرفتار

عمر جمشید منگل 28 جولائی 2015 13:42

کراچی (اُردو پوائنٹ اخبار تازہ ترین۔ 28 جولائی۔2015ء) پولیس نے پہلی بار کھلے سمندر میں کارروائی کرکے ایرانی ڈیزل سے بھری تین لانچیں پکڑی لیں، چارغیرملکیوں سمیت چھ ملزم گرفتار کرلئے۔ کیماڑی پولیس نے کھلے سمندر میں کارروائی کرکے ایرانی ڈیزل سمگل کرنے کی کوشش ناکام بنادی، کارروائی میں تین لانچیں پکڑی گئیں جن میں ایک لاکھ لیٹر ایرانی ڈیزل موجود تھا۔

پولیس نے چار غیرملکیوں سمیت چھ ملزم گرفتار کرلئے۔

(جاری ہے)

پولیس کے مطابق گرفتارملزم کا تعلق انٹرنیشنل سمگلرز کے گروہ سے تھا۔دوسری جانب کراچی پولیس نے کارروائی کرتے ہوئے 6ملزم گرفتار کر لئے جن سے اسلحہ بھی برآمد ہوا ہے جبکہ سڑک کنارے مشکوک بیگ کی موجودگی نے پولیس کی دوڑیں لگوا دیں۔ اتحادٹاوٴن میں پولیس سے مقابلے میں دو ملزم علی رضا اور جمال زخمی ہوگئے جنہیں گرفتارکرکے اسلحہ قبضے میں لے لیا گیا۔ پولیس کے مطابق ملزم ٹارگٹ کلنگ اور بھتہ خوری سمیت متعدد سنگین وارداتوں میں مطلوب تھے۔ گلشن اقبال بلاک سیون میں بھی پولیس مقابلے میں دو ملزم زخمی حالت میں گرفتارکرلئے گئے۔

Facebook Twitter Google + Share on Whatsapp

کراچی : ایرانی ڈیزل سے بھری 3لانچیں پکڑی گئیں‘غیرملکیوں سمیت 10ملزم گرفتار

متعلقہ عنوان :

مزید اہم خبریں