صدر مملکت ممنون حسین کی قومی کرکٹ ٹیم کو مبارکباد

منگل 7 جولائی 2015 20:49

اسلام آباد ۔ 07 جولائی (اُردو پوائنٹ اخبار تازہ ترین۔ 07 جولائی۔2015ء) صدر مملکت ممنون حسین نے قومی کرکٹ ٹیم کو سری لنکا کے خلاف ٹیسٹ سیریز جیتنے پر مبارکباد دی ہے۔ پاکستان نے منگل کو سری لنکا کے خلاف تیسرے اور آخری ٹیسٹ میں 7 وکٹوں سے کامیابی حاصل کر کے سیریز میں 2-1 سے کامیابی حاصل کی۔

(جاری ہے)

صدر ممنون حسین نے اپنے تہنیتی پیغام میں کہا کہ قومی ٹیم نے پیشہ وارانہ مہارت اور صلاحیتوں کا مظاہرہ کرتے ہوئے سری لنکا کو شکست دی جس پر ٹیم کے تمام کھلاڑی تحسین کے مستحق ہیں۔ صدر نے امید ظاہر کی کہ پاکستانی ٹیم مستقبل میں بھی فتوحات کا سلسلہ جاری رکھے گی۔ انہوں نے ٹیسٹ میچ میں بڑا سکور کرنے پر بلے بازوں کی کارکردگی کو بھی سراہا۔

Facebook Twitter Google + Share on Whatsapp

صدر مملکت ممنون حسین کی قومی کرکٹ ٹیم کو مبارکباد

متعلقہ عنوان :

مزید اہم خبریں