جماعۃ الدعوۃ کراچی کے تحت شہر میں 45 سے زائد مساجد میں اعتکاف کے لیے خصوصی انتظامات مکمل کرلیے گئے
منگل 7 جولائی 2015 18:40
کراچی (اُردو پوائنٹ اخبار تازہ ترین۔ 07 جولائی۔2015ء) جماعۃ الدعوۃ کراچی کے تحت شہر میں 45 سے زائد مساجد میں اعتکاف کے لیے خصوصی انتظامات مکمل کرلیے گئے۔ معتکفین آج 20 رمضان المبارک کی شام مغرب کی نماز مسجد میں ادا کریں گے، جبکہ عیدالفطر کاچاند نظرآنے پر اعتکاف ختم کیاجائے گا۔ جماعۃ الدعوۃ کے زونل مرکز التقویٰ گلشن اقبال سمیت دیگر بڑی مساجد میں رمضان کے آغاز سے ہی رجسٹریشن شروع کردی گئی تھی۔
جامع مسجد خالد بن ولید پی ای سی ایچ سوسائٹی، جامع مسجد نمرہ نارتھ ناظم آباد، جامع مسجد ریاض الجنہ نارتھ کراچی، مرکز حنین قائد آباد، جامع مسجد باب الاسلام ڈالمیا سمیت دیگر بڑی مساجد میں انتظامات کو حتمی شکل دے دی گئی ہے۔ مساجد انتظامیہ کا کہنا ہے کہ امسال نوجوان معتکفین کی تعداد میں زبردست اضافہ دیکھنے میں آ رہا ہے۔(جاری ہے)
جماعۃ الدعوۃ شعبہ دعوت و اصلاح کراچی کے مسؤل حافظ محمد امجد کا کہنا ہے کہ جماعۃ الدعوۃ کراچی کے تحت 45 سے زائد مساجد میں اعتکاف کے خصوصی انتظامات کیے گئے ہیں۔
جماعۃ الدعوۃ کے زونل مرکز التقویٰ گلشن اقبال میں امسال چار سو سے زائد مرد و خواتین اعتکاف کی سعادت حاصل کریں گے۔ جہاں قاری محمد رضوان زاہد امامِ حرم الشیخ سعود الشریم کی طرز پر نماز تراویح پڑھا رہے ہیں۔ خواتین کے لیے مرکز تقویٰ کے علاوہ دیگر بڑی مساجد میں مکمل باپردہ انتظام کیا گیا ہے۔ حافظ محمد امجد کا کہنا ہے کہ معتکفین کی تعداد میں گزشتہ سال کی بہ نسبت امسال زیادہ اضافہ دیکھنے میں آرہا ہے، جن میں نوجوان طبقہ سرفہرست ہے۔ انہوں نے کہا کہ جماعۃ الدعوۃ کے مساجد و مراکز میں معتکفین کے لیے سحر و افطار کا اہتمام جماعۃ الدعوۃ کرتی ہے۔ جبکہ طاق راتوں میں لیلۃ القدر کی تلاش کے لیے بھی معتکفین کو موقع و ماحول فراہم کیا جاتا ہے۔ ان کا کہنا ہے کہ معتکفین کی دینی رہنمائی کے لیے جید علماء کرام کے علمی و اصلاحی دروس کا شیڈول بھی مرتب کیا گیا ہے۔ معتکفین علماء کرام کی نگرانی میں اپنے شب و روز بسر کرتے ہیں اور اﷲ کی عبادت میں مصروف رہتے ہیں۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.