پنگریو اور گر دونواح کے علاقوں میں ہیپاٹائٹس کا مرض انتہائی تشویشناک صورت اختیار کر گیا
منگل 7 جولائی 2015 18:13
پنگریو( اُردو پوائنٹ اخبار تازہ ترین۔ 07 جولائی۔2015ء)پنگریو اور گر دونواح کے علاقوں میں ہیپاٹائٹس کا مرض انتہائی تشویشناک صورت اختیار کر گیا ہے نواحی گاؤں حیات خاصخیلی کا رہائشی نوجوان محمد سلیم خاصخیلی ہیپاٹائٹس سی کے مرض کے باعث فوت ہو گیا جس سے علاقے میں ہیپا ٹائٹس کے مرض سے ہو نے والی اموات کی تعداد دو سو ہو گئی ہے جبکہ علاقے کے شہروں،قصبوں اور دیہاتوں میں ہیپاٹائٹس سے متاثرہ مزید درجنوں مریض اپنی زندگی کی آخری سانسیں گن رہے ہیں پنگریو اور ضلع بدین کے دیگر علاقوں میں وزیر اعلیٰ سندھ کے ہیپاٹائٹس کنٹرول پروگرام کے تحت متاثرہ مریضوں کو دی جانے والی ویکسین کئی ماہ قبل بند کر دی گئی تھی جس کے بعد متاثرہ مریضوں کی ہلاکتوں کی تعداد میں تیزی سے اضافہ ہو رہا ہے ایک سروے کے مطابق پنگریو شہر اور ملحقہ علاقوں میں ہیپاٹائٹس بی اورسی کے متاثرہ مریضوں کی تعداد سینکڑوں میں ہے جنہیں سرکاری طور پر ملنے والی ویکسین بند کر دی گئی ہے ہیپاٹائٹس کی ویکسین انتہائی مہنگی ہو نے کے باعث غریب اور متوسط طبقے سے تعلق رکھنے والے مریض یہ ویکسین مارکیٹ سے خریدنے کی استطاعت نہیں رکھتے وزیر اعلیٰ سندھ کے ہیپاٹائٹس کنٹرول پروگرام کے تحت ہی ان مریضوں کا علاج کیا جا رہا تھا جوکہ بجٹ نہ ہو نے کے باعث بند کر دیا گیا ہے جس کی وجہ سے نہ صرف پنگریو بلکہ ضلع بدین اور اندرون سندھ کے دیگر اضلاع کے مریضوں کی زندگیاں بھی خطرے میں پڑ گئی ہیں مختلف سماجی تنظیموں اور محکمہ صحت کے سروے کے مطابق ضلع بدین اور زیریں سندھ کے دیگر علاقوں میں ہیپاٹائٹس کی شرح بہت زیادہ ہے جس کی بڑی وجہ آلودہ پانی کا استعمال اور نا خواندگی ہے سروے کے مطابق زیریں سندھ کے علاقوں میں شرح خواندگی کم ہو نے کے باعث لوگوں میں ہیپاٹائٹس کے مرض کے پھیلاؤ کے اسباب اور اس مرض سے بچاؤ کے لئے احتیاطی تدابیر کے بارے میں شعور اور آگہی نہ ہو نے کے برابر ہے سروے کے دوران ہیپاٹائٹس سے متاثرہ مریضوں نے سرکاری طور پر ملنے والی ویکسین بند ہو نے پر شدید تشویش کا اظہار کیاا ور کہا کہ وہ بازار سے مہنگی ویکسین خریدنے سے قاصر ہیں سرکاری طور پر ملنے والی ویکسین بند ہو نے کے باعث وہ دن بدن خود کو موت کے قریب جاتا ہوا محسوس کر رہے ہیں سماجی تنظیم وی ڈی اے کے صدر محمد ارشد کمبوہ ایڈووکیٹ نے سروے کے دوران بتایا کہ پنگریو شہر اور ملحقہ قصبوں و دیہاتوں میں ہیپاٹائٹس سے متاثرہ مریض سرکاری طور پر ملنے والی ویکسین بند ہو نے کے بعد بستر پر بے یارو مددگارپڑے ہوئے ہیں ان مریضوں کے پاس پرائیویٹ مارکیٹ سے ویکسین خریدنے کی رقم نہیں ہے جس کی وجہ سے ان مریضوں کی زندگیاں خطرے میں پڑ گئی ہیں انہوں نے کہا کہ پنگریو اور ملحقہ علاقوں میں ہیپاٹائٹس کا مرض انتہائی تشویشناک صورتحال اختیار کر چکا ہے اعلیٰ حکام اس کا نوٹس لیں اور متاثرہ مریضوں کو فوری پر ویکسین فراہم کر کے ان کی زندگیاں بچائی جائیں۔
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.