اسلام آباد : ڈاکٹر عمران فاروق قتل کیس، اسکاٹ لینڈ یارڈ کی ٹیم دوبارہ پاکستان آئے گی۔

سمیرا فقیرحسین پیر 6 جولائی 2015 17:23

اسلام آباد(اردو پوائنٹ تازہ ترین اخبار. 06 جولائی 2015 ء) : ڈاکٹر عمران فاروق قتل کیس کی مزید تحقیقات کے لیے اسکاٹ لینڈ یارڈ کی ٹیم دوبارہ پاکستان آئے گی. حکومتی ذرائع کے مطابق اسکاٹ لینڈ یارڈ کی ٹیم رواں ہفتے دوبارہ پاکستان آئے گی جنہیں حکومت پاکستان کی جانب سے عمران فاروق قتل کیس کے تینوں ملزمان تک رسائی دی جائےگی۔

(جاری ہے)

ذرائع کے مطابق برطانوی ٹیم کے پاس موجود شواہد کی روشنی میں ملزمان معظم، خالد شمیم اور محسن سے مزید تفتیش کی جائے گی۔واضح رہے کہ اسکاٹ لینڈ یارڈ کی ٹیم نے پہلے دورے کے دوران ملزمان کے بیانات قلمبند کئے تھے۔