ملک کو دہشت گردی سے پاک کرنے کے مقصد کے حصول تک آپریشن جاری رکھیں گے، جنرل راحیل شریف
دہشتگردوں اور ان کے مددگاروں کیخلاف کسی مصلحت کے بغیر بلاامتیاز کارروائی کی جائیگی آرمی چیف کا شمالی وزیرستان کی وادی شوال کو عسکریت پسندوں سے پاک کرنے پرسیکیورٹی فورسز کوخراج تحسین فوجی آپریشنوں کی کامیابی کے ثمرات عام لوگوں تک منتقل کئے جائیں،بے گھر افراد کی قربانیاں قابل ستائش، تمام لوگوں کو بے گھر افراد کی بحالی ،عزت اور وقار کیساتھ ان کی واپسی میں حکومت کی مدد کرنی چاہئے، پاک فوج کے سربراہ کا شمالی وزیرستان کے دورے کے موقع پر خطاب آرمی چیف کی پاک افغان سرحد کے قریب فوجیوں سے ملاقاتیں ،مقامی کمانڈروں نے آپریشن ضرب عضب میں پیشرفت ، شوال کے علاقوں سے دہشت گردوں کو پاک کرنے کے مستقبل کے منصوبوں پربریفنگ دی
جمعہ 3 جولائی 2015 20:12
راولپنڈی (اُردو پوائنٹ اخبار تازہ ترین۔ 03 جولائی۔2015ء) چیف آف آرمی سٹاف جنرل راحیل شریف نے پاکستان کو دہشت گردی سے پاک کرنے کے مقصد کے حصول تک آپریشن جاری رکھنے اور دہشتگردوں اور ان کے مددگاروں کیخلاف کسی مصلحت کے بغیر بلاامتیاز کارروائی کرنے کے عزم کا اظہار کرتے ہوئے شمالی وزیرستان کی وادی شوال کو عسکریت پسندوں سے پاک کرنے پرسیکیورٹی فورسز کو سراہا ہے اور فوجی آپریشنوں کی کامیابی کے ثمرات عام لوگوں تک منتقل کرنے پر زور دیتے ہوئے کہا ہے کہ آپریشنز کے نتیجے میں علاقے میں پائیدار امن بحال ہوگا ۔
جمعہ کو شمالی وزیرستان کے دورے کے دوران آرمی چیف کو بتایا گیا کہ شوال کے اردگرد تمام پہاڑیوں کو مسلح افراد سے پاک کردیا گیا ہے ۔ جنرل راحیل شریف نے فوجیوں کی پیشہ وارانہ مہارت ان کے مورال ، قربانیوں اور کامیابیوں کو سراہا ۔(جاری ہے)
آئی ایس پی آر کے مطابق پاک فوج کے سربراہ نے کہا کہ انہیں ایک ایسی فوج کی سربراہی پر فخر ہے جس نے مشکل جنگ میں اس قدر کامیابیاں حاصل کیں، انہوں نے انٹیلی جنس کی بنیاد پر پاکستان کے شہری علاقوں میں منظم کارروائی کی بھی تعریف کی اور کہا کہ ان آپریشنز کی بنیاد پر دہشت گردوں کے مراکز اور شہری علاقوں سے دہشت گردوں کے دور دراز علاقوں میں ان کے اپنے لوگوں کیساتھ رابطوں کو ختم کردیا گیا ہے ۔
انہوں نے تمام متعلقہ اداروں کو یہ آپریشنز جاری رکھنے کے احکامات جاری کئے تاکہ دہشت گردوں ، ان کے سہولت کاروں ، پناہ دینے والوں اور مالی مدد کرنیوالوں کوپکڑا جاسکے۔ انہوں نے کہا کہ ان عناصر کیخلاف پورے ملک میں بلاامتیاز کارروائی جاری رکھی جائیگی اور اس سلسلے میں کسی بھی مصلحت کو مدنظر نہیں رکھا جائیگا۔ جنرل راحیل شریف نے اعلان کیا کہ پاکستان کو دہشت گردی سے پاک کرنے کے مقصد کے حصول تک آپریشن نہیں روکے جائینگے ، شمالی وزیرستان کے دورے کے دوران آرمی چیف نے پاک افغان سرحد کے قریب فوجیوں سے ملاقاتیں کیں اس موقع پر انہیں مقامی کمانڈروں نے آپریشن ضرب عضب میں پیش رفت اور شوال کے کچھ علاقوں سے دہشت گردوں کو پاک کرنے کے مستقبل کے منصوبوں پر انہیں بریف کیا ۔سیکیورٹی اہلکاروں کا خیال ہے کہ باقی شدت پسند وں نے شوال کی پہاڑیوں میں پناہ لی ہے جہاں گھنے جنگلوں کی وجہ سے وہ بمباری سے بچنے کی کوشش کررہے ہیں۔ آرمی چیف نے جنوبی وزیرستان کے وانا کا بھی دورہ کیا جہاں انہیں جاری آباد کاری اور اس کے علاقے پر مثبت اثرات سے آگاہ کیا گیا، آرمی چیف کو بتایا گیا کہ بحالی کے کاموں سے علاقے کے رہائشیوں کی زندگی پر مثبت اثرات مرتب ہو رہے ہیں، انہیں بتایا گیا کہ علاقے میں بہت سے سماجی ، چھوٹے اور بڑے پیمانے پر منصوبے مکمل کئے گئے ہیں، جنرل راحیل شریف نے فوجی آپریشنوں کی کامیابی کے ثمرات عام لوگوں تک منتقل کرنے پر زور دیتے ہوئے کہا کہ آپریشنز کے نتیجے میں علاقے میں پائیدار امن بحال ہوگا، انہوں نے بے گھر افراد کی قربانیوں کو بھی سراہا اور کہا کہ تمام لوگوں کو بے گھر افراد کی بحالی اور عزت اور وقار کیساتھ ان کی واپسی میں حکومت کی مدد کرنی چاہئے۔ انہوں نے کہا کہ واپس آنیوالے افراد کو بحالی کے کاموں سے ایک مثبت تبدیلی نظر آئیگی،انہوں نے کہا کہ فوج بحالی کے کاموں میں بھرپور حصہ لے گی اور بروقت تمام منصوبوں کی تکمیل کو یقینی بنایا جائیگا ۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.