گوجرانوالہ ٹرین حادثہ افسوسناک ہے ،پل انگریز دور کے تعمیر شدہ اور انتہائی خطرناک ہیں، سروے کرایا جائے، تخریب کاری کے خدشے کے حوالے سے تحقیقات ہونی چاہئیں
سابق وفاقی وزیر ریلوے اور مسلم لیگ(ن) کے رہنما سردار یعقوب ناصرکی میڈیا سے گفتگو
جمعرات 2 جولائی 2015 22:56
اسلام آباد (اُردو پوائنٹ اخبار تازہ ترین۔ 02 جولائی۔2015ء) سابق وفاقی وزیر ریلوے اور مسلم لیگ(ن) کے رہنما سردار یعقوب ناصر نے کہا ہے کہ ملک کے مختلف حصوں میں ریلوے کے پل انگریز دور کے تعمیر شدہ اور انتہائی خطرناک ہیں، ان کا سروے کرایا جائے، ہم اب تک اپنے پلوں کے نظام کو جدید نہیں بنا سکے، خواجہ سعد رفیق نے ٹرین حادثے میں تخریب کاری کے جس خدشے کا اظہار کیا ہے اس کی تحقیقات ہونی چاہئیں۔
جمعرات کو میڈیا سے گفتگو کے دوران سردار یعقوب ناصر نے گوجرانوالہ ٹرین حادثے میں قیمتی جانی نقصان پر گہرے افسوس کا اظہار کرتے ہوئے پلوں کے نظام کو جدید بنانے کی ضرورت پر زور دیا۔ انہوں نے کہا کہ میں بھی وزیر ریلوے رہ چکا ہوں اور مجھے اس وقت بتایا گیا کہ یہ پل انگریز دور کے اور 100سال پہلے کے تعمیر شدہ ہیں۔(جاری ہے)
انہوں نے کہا کہ یہ انتہائی خطرناک ہیں، بعض پل 100سال قبل بنے تو بعض 1940 کی دہائی میں بنے، اب یہ انتہائی خستہ ہو چکے ہیں اور بوجھ اٹھانے کے قابل نہیں۔
انہوں نے کہا کہ ملک بھر میں ان پلوں اور ان کے اوپر ریلوے پٹڑیوں کا سروے ہونا چاہیے تا کہ مسافروں کو جانی تحفظ فراہم کیا جا سکے۔ یعقوب ناصر نے کہا کہ بدقسمتی سے ہم پلوں کے اس نظام کو اپ ڈیٹ نہیں کر سکے۔ انہوں نے کہا کہ گوجرانوالہ ٹرین حادثے میں تخریب کاری کے پہلو کو بھی دیکھنا چاہیے اور اس کو نظر انداز نہیں کرنا چاہیے۔ وفاقی وزیر ریلوے خواجہ سعد رفیق نے جو کہا ہے اس حوالے سے بھی تحقیقات ہونی چاہئیں۔مزید اہم خبریں
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
-
سولرپینل بنانے والوں کو 10 سالہ مراعات دینے کی پالیسی تیار
-
پاکستان ایران نئے معاہدوں پرپیشرفت ہوئی تو پابندیاں لگ سکتی ہیں، امریکہ کی پھردھمکی
-
صدرزرداری سینیٹ کا اجلاس کل جمعرات کی شام طلب کرلیا
-
سولر پینل بنانے والوں کو 10 سالہ مراعات دینے کی پالیسی تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.