عمران خان قوم اور ملک کا وقت اور وسائل برباد کرنے پر پوری قوم سے معافی مانگیں‘تحریک انصاف جوڈیشل کمیشن کی کارروائی میں دھاندلی ثابت کرنے میں مکمل طور پر ناکام ہو چکی ہے ‘ جوڈیشل کمیشن کا حتمی فیصلہ عمران خان اور ان کی پارٹی کیلئے شرمندگی اور رسوائی کے سوا کچھ نہ ہو گا‘ وفاقی وزیر چوہدری محمد برجیس طاہر
جمعرات 2 جولائی 2015 22:50
اسلام آباد ۔2 جولائی (اُردو پوائنٹ اخبار تازہ ترین۔ 02 جولائی۔2015ء) وفاقی وزیر برائے امور کشمیر و گلگت بلتستان چوہدری محمد برجیس طاہر نے کہا ہے کہ عمران خان قوم اور ملک کا وقت اور وسائل برباد کرنے پر پوری قوم سے معافی مانگیں‘تحریک انصاف جوڈیشل کمیشن کی کارروائی میں دھاندلی ثابت کرنے میں مکمل طور پر ناکام ہو چکی ہے اور جوڈیشل کمیشن کا حتمی فیصلہ عمران خان اور ان کی پارٹی کیلئے شرمندگی اور رسوائی کے سوا کچھ نہ ہو گا۔
جمعرات کو اپنے ایک بیان میں وفاقی وزیر چوہدری محمد برجیس طاہر نے جوڈیشل کمیشن میں الیکشن کمیشن کی طرف سے جمع کرائے گئے دلائل کا حوالہ دیتے ہوئے کہاکہ الیکشن کمیشن نے اپنے دلائل میں اس بات کی مکمل وضاحت کر دی ہے کہ تحریک انصاف منظم دھاندلی سے متعلق کوئی بھی ثبوت جمع کرانے سے قاصر رہی ہے۔(جاری ہے)
مزید یہ کہ تحریک انصاف نے اضافی بیلٹ پیپر کی اُردو بازار سے چھپائی کے متعلق بھی کوئی ثبوت پیش نہیں کیے اس سے یہ واضح ہوتا ہے کہ تحریک انصاف کا واویلا محض عمران خان اور ان کے نادان مشیران کی اپنی ذہنی اخطراع ہے جس سے حقیقت کا دور تک کا کوئی تعلق نہیں ہے۔
وفاقی وزیر نے کہا کہ دراصل عمران خان خوابوں کی دنیا میں رہنے والے شخص ہیں اور دو دہائیوں سے سیاست میں ہونے کے باوجود وہ پاکستان کے ذہنی حقائق سے ناواقف ہیں۔2013ء کے جنرل الیکشن میں ہار ان سے ہضم نہیں ہوئی جس کے باعث انہوں نے دھاندلی کا شور مچانا شروع کر دیا۔ چوہدری محمد برجیس طاہر نے کہا کہ عمران خان کا ماضی دیکھتے ہوئے مجھے ابھی بھی شدید خدشات ہیں کہ وہ جوڈیشل کمیشن کا فیصلہ تسلیم کرینگے۔ انہوں نے کہا کہ گلگت بلتستان قانون ساز اسمبلی کے الیکشن میں سبق آموز شکست سے عمران خان کی آنکھیں کھل جانی چاہئیں کہ عوام کے مابین کس سیاسی لیڈر کے ایجنڈے کو زیادہ پذیرائی حاصل ہو رہی ہے۔ عوام نے تعمیر و ترقی سے متعلق میاں نواز شریف کے قومی وژن سے مکمل اتفاق کرتے ہوئے مسلم لیگ (ن) کو بھاری کامیابی دلائی۔ وفاقی وزیر نے عمران خان کو مشورہ دیا کہ وہ اپنے گرد موجود نادان مشیران کے حصار سے باہر آئیں اور اپنی تمام تر توجہ خیبرپختونخوا کے لوگوں کی ترقی اور خوشحالی پر گامزن کریں، یہی راستہ بچ گیا ہے جو کہ عمران خان کی سیاست کو دوام بخش سکتا ہے۔متعلقہ عنوان :
مزید اہم خبریں
-
پاکستانی سفیرخلیل ہاشمی کا چینی صوبہ شان ڈونگ کے شہر لینئی کا دورہ ،سرمایہ کاری سمپوزیم سے خطاب کیا
-
ریاستی ناخداؤں کے پاس اب بھی وقت ہے پیچھے ہٹ جائیں، ترجمان پی ٹی آئی
-
سعودی عرب جلد پاکستان میں 5 ارب ڈالر کی سرمایہ کاری کرے گا ، سرمایہ کاری کے فروغ کیلئے ایس آئی ایف سی کا کردار قابل ستائش ہے، احسن اقبال
-
نئی حکومت کے پہلے ماہ میں ایران سے سالانہ بنیادوں پر درآمدات میں 25فیصد کا بڑا اضافہ
-
ایرانی صدر کی لاہور آمد کے پیش نظر سکیورٹی کے غیر معمولی انتظامات
-
میری تو خواہش تھی یہاں پر عوامی اجتماع سے خطاب کرتا ،کچھ وجوہات کی بناء پر ایسا ممکن نہیں ہو سکا‘ ابراہیم رئیسی
-
وزیر قانون اور اٹارنی جنرل سے پاکستان ٹیکس بار ایسوسی ایشن کے صدر اور سیکرٹری کی ملاقات، قانون سازی سے متعلق گفتگو
-
ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ
-
پتا افراد کا معاملہ آسان نہیں، اسکی بہت سی جہتیں، سیاسی حل نکالنا ہے، وزیرقانون
-
ضمنی الیکشن میں پولیس نے مداخلت کی، ملک میں کوئی جمہوریت نہیں، عمران خان
-
نیا آئی ایم ایف بیل آؤٹ جولائی تک متوقع، پاکستانی و زیر خزانہ
-
کسی سے کوئی خفیہ مذاکرات نہیں ہورہے‘ مذاکرات کا کوئی پیغام آیا تو سب کو آگاہ کریں گے.بیرسٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.