نہ صرف رمضان المبارک بلکہ عام دنوں میں بھی اشیائے خورونوش کی قیمتوں اور معیار کو چیک کیا جائے،صوبائی وزیرخوراک حاجی قلندر خان لودھی کی محکمہ خوراک کو ہدایت
جمعرات 2 جولائی 2015 21:32
پشاور(اُردو پوائنٹ اخبار تازہ ترین۔ 02 جولائی۔2015ء ) خیبرپختونخواکے وزیرخوراک حاجی قلندر خان لودھی نے محکمہ خوراک کے حکام کو سختی سے ہدایت کی ہے کہ نہ صرف رمضان المبارک بلکہ عام دنوں میں بھی اشیائے خوراک کی قیمتوں اور معیار کو ذاتی نگرانی میں چیک کرائیں جبکہ ذخیرہ اندوزوں، ناجائز منافع خوروں، ملاوٹ کرنے والوں اور ناقص اشیاء بیچنے والے تاجروں اور دکانداروں کی عبرتناک سرزنش کی جائے انہوں نے واضح کیا کہ رنگے ہاتھوں پکڑے جانے والوں کی عید جیل میں گزرنی چاہئے اور تب تک انہیں دور دراز کے جیلوں میں رکھا جائے تاکہ انہیں اپنے گھناؤنے جرم کا اچھی طرح احساس ہو اس کا اظہار انہوں نے یونیورسٹی ٹاؤن، بورڈ بازار، فیز تھری پشاور، پبی، نوشہرہ، جہانگیرہ اور اکوڑہ خٹک کے بازاروں اور مارکیٹوں پر اچانک چھاپوں کے دوران کیا چھاپوں کے دوران محکمہ خوراک اور متعلقہ ضلعی انتظامیہ کے حکام اور انسپکٹروں کے علاوہ مقامی تاجر و دکاندار برادری کے نمائندے بھی انکے ہمراہ تھے وزیر خوراک نے معائنے کے دوران بعض جنرل سٹوروں میں ناقص غذائی اشیاء اور زائد میعاد جوس برآمد ہونے پر شدید برہمی کا اظہار کرتے ہوئے انکے مالکان کو گرفتار کرنے، بھاری جرمانہ عائد کرنے اور نگرانی کا عمل زیادہ سخت بنانے کی ہدایت کی انہوں نے کہا کہ فرضی گاہکوں کے ذریعے ہر بازار میں اجناس کے نرخوں اور معیار کی جانچ پڑتال ہونی چاہئے جبکہ خلاف ورزی کے مرتکب د کانداروں کے خلاف فوری ایف آئی آر درج ہونی چاہئے حاجی قلندر لودھی پشاور اور نوشہرہ کے دونوں اضلاع میں بازاروں کے دورے کے دوران گوشت، سبزی ، پھلوں اور دیگر غذائی اجناس کا معیار اور نرخ خود معلوم کرنے کے علاوہ گاہکوں سے بھی معلومات حاصل کرتے رہے اور کئی دکانداروں کو اس بناء دھر لیا گیا کہ وہ صوبائی وزیر کو اشیاء کا ریٹ تو صحیح بتاتے مگر جب گاہک کا کیش میمو چیک کیا جاتا تو کافی فرق ہوتا صوبائی وزیر نے بعض دکانوں میں نرخنامے اویزاں نہ ہونے یا چھپا کر رکھنے کا بھی سخت نوٹس لیتے ہوئے ہدایت کی کہ نرخنامے نمایاں جگہ اویزاں نہ کرنے والے دکانداروں اور جنرل سٹور مالکان کو اشیاء چیک کئے بغیر گرفتار اور جرمانہ کیا جائے تاکہ انہیں صارفین کے حقوق کی اچھی طرح سمجھ آ سکے۔
متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.