موجودہ حکومت کی شہرت کسی سکینڈل سے مجروح نہیں ہوئی، ملک صحیح سمت گامزن ہے ،مجموعی اقتصادی صورتحال مستقبل قریب میں مزید بہتر ہوگی ، آڈیٹر جنرل عوامی اہمیت کے معاملات ، بدعنوانی کے خاتمے میں اہم کردار ادا کریں
صدر ممنون حسین کی آڈیٹرجنرل پاکستان رانا اسد امین سے ملاقات میں بات چیت
جمعرات 2 جولائی 2015 17:41
اسلام آباد ( اُردو پوائنٹ اخبار تازہ ترین۔ 02 جولائی۔2015ء ) صدر مملکت ممنون حسین نے آڈیٹر جنرل کو ہدایت کی ہے کہ وہ عوامی اہمیت کے معاملات ، بدعنوانی کے خاتمے، سرکاری شعبے کی کارکردگی میں بہتری اور عوام کو معیاری خدمات کی فراہمی کے سلسلے میں اپناکردار ادا کریں۔صدرمملکت نے انہیں نئی تقرری پر مبارکباد دیتے ہوئے کہا کہ آڈیٹر جنرل آف پاکستان کا ادارہ دیانتداری، معیار اور شفافیت کی اعلیٰ اقدار کے فروغ میں اہم کردار کا حامل ہے۔
صدر نے اس امر پر اطمینان کا اظہار کیا کہ موجودہ حکومت کی شہرت کسی سکینڈل سے مجروح نہیں ہوئی، اب ملک صحیح سمت میں گامزن ہے اور مجموعی اقتصادی صورتحال مستقبل قریب میں مزید بہتر ہوگی۔ وہ جمعرات کو یہاں ایوان صدر میں آڈیٹرجنرل آف پاکستان رانا اسد امین سے ملاقات کے دوران بات چیت کررہے تھے ۔(جاری ہے)
صدر مملکت نے آڈٹ کے شعبہ میں فرانزک، ماحولیات اور آئی ٹی آڈیٹنگ جیسے جدید ترین رجحانات کو بروئے کار لاتے ہوئے آڈٹ ڈیپارٹمنٹ اور سرکاری شعبہ سے بدعنوانی اور نااہلی کو جڑ سے اکھاڑنے کے لئے مربوط کوششیں بروئے کار لانے کی ضرورت پر زور دیا ہے۔
انہوں نے کہا کہ پبلک اکاؤنٹس کمیٹی، وزارت خزانہ اور کنٹرولر جنرل آف اکاؤنٹس کے ساتھ آڈیٹر جنرل کے ڈیپارٹمنٹ کا قریبی رابطہ سرکاری مالیاتی مینجمنٹ، حکومتی اہلکاروں کے موثر احتساب اور پارلیمانی نگرانی کو تقویت دینے کے لئے ایک ناگزیر عنصر ہے۔ آڈیٹر جنرل نے صدر مملکت کو میرٹ، شفافیت اور احتساب کو یقینی بنانے کے لئے اپنے محکمے کی کارکردگی کی بہتری کے لئے اٹھائے جانے والے متعدد اقدامات کے بارے میں آگاہ کیا۔متعلقہ عنوان :
مزید اہم خبریں
-
پاکستان کو بے گناہ فلسطینیوں کے قتل ، اسرائیلی فوج کی جانب سے بڑے پیمانے پر نسل کشی پر گہری تشویش ہے، آصف علی زر داری
-
بھارت 5 اگست 2019 اور اس کے بعد لیے گئے تمام غیر قانونی اقدامات واپس لے ، آصف زر داری
-
چین پاکستان اقتصادی راہداری کی تکمیل سمیت مشترکہ اہداف کے فروغ کیلئے چین کے ساتھ کام کرتے رہیں گے، صدر مملکت
-
صدر کا مشکل وقت میں پاکستان کا ساتھ دینے پر دوست ممالک بالخصوص سعودی عرب، متحدہ عرب امارات، چین، ترکی اور قطر کا شکریہ
-
دہشتگردی کا عفریت پھر اپنا گھناؤنا سر اٹھا رہا ہے، پڑوسی ممالک سے دہشتگرد گروہوں کا سختی سے نوٹس لینے کی توقع ہے ، صدر زر داری
-
سعد رفیق نے ’ایکس‘ پر پابندی ختم کرنے کا مطالبہ کردیا
-
ٹی ایل پی سے معاہدہ پہلے ہوا اور وزیراعظم کو بعد میں دکھایا گیا،احسن اقبال کا نیا انکشاف
-
ہمارا مینڈیٹ چرانے والوں کے ساتھ مفاہمت تو دور ، بیٹھا بھی نہیں جاسکتا
-
دہشتگردی سے نمٹنے کیلئے پاکستانی کوششوں کی حمایت کرتے ہیں، امریکہ
-
وزیرداخلہ کی زیرصدارت نادرا ہیڈ کوارٹر میں اہم اجلاس
-
نومئی کے حملہ آور آج ملکی مفاد پرحملہ آور ہیں، عطاء اللہ تارڑ
-
آئی ایم ایف مذاکرات کے دوران روپے کی قدر میں کمی کا امکان نہیں، وزیر خزانہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.