چار جولائی تک ٹیکس ادا کرو ورنہ جائیداد ضبط ، ایف بی آر نے ایان علی کے بینک اکاﺅنٹس کی تفصیلات کیلئے نادرا کو خط لکھ دیا

بدھ 1 جولائی 2015 12:27

اسلام آباد(اُردو پوائنٹ اخبار تازہ ترین۔یکم جولائی2015ء) ایف بی آر نے ماڈل ایان علی کے بینک اکاو¿نٹس کی تفصیلات کےلئے نادرا کو خط لکھ دیا۔ دیگر قانون نافذ کرنے والے اداروں سے بھی مدد مانگ لی گئی۔ تفصیلات کے مطابق ایف بی آرنے ماڈل ایان علی کے دیگربنک اکاونٹس کی چھان بین شروع کردی ہے۔ آرٹی او کراچی نے نادرا اوردیگر قانون نافذ کرنے والے اداروں سے معاونت مانگ لی ہے۔

(جاری ہے)

ایف بی آر انٹیلی جنس ونگ نے نادرا کو لکھے گئے خط میں ماڈل ایان علی کے شناختی کارڈ پر کھولے گئے بنک اکاونٹس کی تفصیلات فراہم کرنے کا مطالبہ کیا ہے جبکہ قانون نافذ کرنے والے دیگر اداروں سے بھی درخواست کی گئی ہے کہ وہ کرنسی سمگلنگ میں ملوث ماڈل ایان علی کے بنک اکاونٹس کی چھان بین میں ایف بی آر کی مدد کریں۔ ایف بی آر حکام کا کہنا ہے کہ ماڈل ایان علی کو انکم ٹیکس جمع کرانے کےلئے دیا جانیوالا ایک ماہ کا وقت چار جولائی کو ختم ہوجائے گا۔ ایان علی کے خلاف چارجولائی کے بعد ایک کروڑ 88 لاکھ روپے کا ٹیکس ادا نہ کرنے پر مزید کارروائی کی جائے گی۔ ایان علی کے نام پرڈیفنس کراچی میں دو فلیٹس ہیں۔ ٹیکس ادا نہ کرنے پر کراچی کے فلیٹس کسی بھی وقت تحویل میں لے لیے جائیں گے۔