سرمایہ کاری کے وسیع مواقع موجود ہیں،پر امن ماحول فراہم کریں گے،ضیاء اللہ آفریدی
پیر 29 جون 2015 16:21
پشاور(اُردو پوائنٹ اخبار تازہ ترین۔ 29 جون۔2015ء)خیبر پختونخواکے وزیر برائے معدنی ترقی ضیاء اللہ آفریدی نے کہا ہے کہ معدنی سرگرمیوں اور سرمایہ کاری کے فروغ کے لئے جامع ترین پالیسی مرتب کی ہے نئے معدنی ذخائر کی دریافت کے ساتھ ساتھ بین الاقوامی معیار کے میٹل ٹیسٹنگ لیب کا قیام عمل میں لایاجا رہا ہے۔انہوں نے واضح کیا کہ خیبر پختونخوا کے معدنی سیکٹرمیں سرمایہ کاری کے وسیع مواقع موجود ہیں حکومت بیرونی سرمایہ کاروں کو بھرپور تحفظ اور پر امن ماحول فراہم کرے گی۔
ان خیالات کا اظہار انہوں نے پیرکے روز پشاور میں آسٹریلوی ہائی کمشنر یورک جیزک کے ساتھ ملاقات کے دوران بات چیت کرتے ہوئے کیا۔ ڈپٹی سیکرٹری معدنیات سید غضنفر حسین،فوکل پرسن انجینئر عصمت اللہ اور دیگر متعلقہ حکام بھی اس موقع پر موجود تھے۔(جاری ہے)
ملاقات میں دونوں حکومتوں کے درمیان دو طرفہ تعلقات کو مضبوط کرنے کی ضرورت،شعبہ معدنیات میں سرمایہ کاری اور باہمی دلچسپی کے دیگر امور پر تفصیلی تبادلہ خیالات کیا گیا۔
اس موقع پر ہائی کمشنر یورک جیزک کو خیبر پختونخوا میں معدنی وسائل،سرمایہ کاری کے مواقع اور موجودہ حکومت کی معدنی پالیسی سے متعلق بریف کیا گیا۔ ضیاء اللہ آفریدی نے واضح کیاکہ موجودہ صوبائی حکومت معدنی ترقی کو یقینی بنانے اور سرمایہ کاری کو فروغ دینے کے لئے بہترین لائحہ عمل اختیار کئے ہوئے ہے اور اس نے پاکستان کی پہلی معدنی پالیسی بھی مرتب کی ہے انہوں نے کہا کہ خیبر پختونخوا معدنی وسائل سے مالا مال صوبہ ہے لہذا حکومت نہ صرف بیرونی سرمایہ کاروں کو خوش آمدید کہے گی بلکہ انہیں پر امن ماحول بھی فراہم کرے گی۔انہوں نے مزید واضح کیاکہ حکومت اس سلسلے میں دوبئی میں بہترین انویسٹمنٹ روڈ شو کا انعقادکر چکی ہے جبکہ لندن،امریکہ اور اٹلی میں بالترتیب مذکورہ شو کے ا نعقاد کا ارادہ رکھتی ہے۔ آسٹریلوی ہائی کمشنر یورک جیزک نے اس موقع پر گفتگوکرتے ہوئے صوبائی حکومت کے ترقی دوست اقدامات اور معدنی پالیسی کو سراہتے ہوئے کہا کہ وہ نہ صرف مذکورہ لیب کے قیام اور سرمایہ کاری کے فروغ میں بھرپور معاونت کریں گے بلکہ دونوں حکومتوں کے درمیان دو طرفہ تعلقات کو بھی مزیدمضبوط بنانے کی کوشش کریں گے۔ضیاء اللہ آفریدی نے یورک جیزک کے خیر سگالی کے جذبات اور معاونت فراہم کرنے کی یقین دہانی پر انکا شکریہ ادا کرتے ہوئے واضح کیاکہ خیبر پختونخواحکومت بھی آسٹریلیا کیساتھ بہترین تعلقات استوار کرنے کی خواہاں ہے مگر اس کوعملی جامہ پہنانے کے لئے دونوں حکومتوں کے اعلیٰ حکام کے درمیان باہمی روابط کو فروغ دینے کی ضرورت ہے۔مزید اہم خبریں
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.