پاکستانی تربیت یافتہ ڈاکٹرز بھارت میں جوتے فروخت کرتے ہیں ‘ بھارتی میڈیا
پیر 29 جون 2015 13:21
نئی دہلی (اُردو پوائنٹ اخبار تازہ ترین۔ 29 جون۔2015ء) بھارتی میڈیا نے اپنی رپورٹ میں کہا ہے کہ پاکستانی تربیت یافتہ ڈاکٹرز بھارت میں جوتے فروخت کرتے ہیں، کوئی موبائل ریپئرنگ کی دکان پر اور کوئی اسپتال کے مردہ خانے میں نعشوں کو ٹھکانے لگاتا ہے، تو کوئی میڈیکل اسٹور پر اور کوئی خیراتی ہسپتال میں سیوا کرتا ہے۔ پاکستان کی بہترین میڈیکل یونیورسٹیوں سے فارغ التحصیل ایم بی بی ایس پاکستان میں ماہانہ لاکھوں کمانے والے بھارت میں چند ہزار روپے کی خاطر معمولی سی نوکری کیلئے دھکے کھا رہے ہیں۔
بھارتی شہریت نہ ہونے اور میڈیکل کونسل کی طرف سے اجات نہ ملنے کی وجہ سے وہ طبی شعبے میں خدمات انجام نہیں دے سکتے۔ بھارتی گجرات میں 200پاکستانی ڈاکٹر اسی طرح کی صورت حال سے دو چار ہیں۔(جاری ہے)
بھارتی اخبار ”ٹائمز آف انڈیا“ کی رپورٹ کے مطابق پاکستان سے تربیت یافتہ ڈاکٹر بھارتی شہر احمد آباد میں جوتے فروخت کرتے ہیں 2001میں 38سالہ دشراتھ کیلا نے بطور ڈاکٹر اپنے کیرئیر کا آغاز ماہانہ 25ہزار تنخواہ سے کیا۔
9سال بعد اب وہ مانی نگر میں اپنے کزن کے جوتوں کے اسٹور پر اسسٹنٹ ہیں اور ماہانہ 15ہزار وصول کرتے ہیں دشراتھ کیلا نے کراچی یونیورسٹی سے ایم بی بی ایس کیا اور2006 میں اپنی اور اپنے خاندان کی حفاظت کے خوف سے پاکستان چھوڑ گیا۔ وہ بھارت میں ڈاکٹری کی پریکٹس اس لئے نہیں کرسکتے کہ ان کے پاس بھارت کا میڈیکل کونسل ایم سی آئی کا سرٹیفکیٹ نہیں ہے۔ بھارتی گجرات میں پاکستان اور خصوصاً سندھ سے تعلق رکھنے والے 200کے قریب ڈاکٹرز ہیں، ان کے پاس طبی تعلیم اور مہارت ہے،لیکن ان کے ہاتھ بھارتی شہریت کی بے یقینی صورت حال اور سرخ فیتہ کی وجہ سے بندھے ہوئے ہیں۔ انڈین میڈیکل کونسل کی اجازت کے بغیر وہ طبی شعبے میں پریکٹس نہیں کرسکتے، یہی وجہ ہے کہ پاکستانی ڈاکٹرز بھارت میں میڈیکل اسٹورز، موبائل ریپئرنگ کی دکانوں پر کام کرتے ہیں، جس سے انہیں بہت کم معاوضہ ملتا ہے۔
ان میں سے کچھ ہسپتالوں میں قبرستان شفٹ میں کام کرتے ہیں اور اپنی خدمات رضاکارانہ یا خیراتی انداز میں پیش کرتے ہیں، کیونکہ ان کی قانونی طور پر خدمات حاصل نہیں کی جاسکتی۔ زیادہ تر پاکستانی ڈاکٹرز اپنے جان کے خوف سے گجرات چلے گئے ہیں۔ وہ یہ الزام دیتے ہیں کہ سماج دشمن عناصر کی طرف سے پاکستان میں مقیم ہندو برادری کی لڑکیوں کے اغوا اور بھتہ خوری کا سامنا ہے۔ احمد آباد میں نقل مکانی کرنے والی سندھی آبادی اب اپنے قیام کو زیادہ پرسکون سمجھتی ہے۔ 46سالہ ڈاکٹر جیارام لوہانہ 2012میں بھارت آنے سے قبل سندھ میں ماہانہ 1لاکھ روپے کماتے تھے، ان کا کہنا ہے کہ پاکستان میں مریض انہیں دیوتا کا روپ سمجھتے ہیں، یہاں بھارت میں زندہ رہنے اور ملازمت کے لیے بھیک مانگنے پر مجبور ہیں۔ اب وہ ائیرپورٹ کے نزدیک اپنے کزن کی موبائل ریپئرنگ شاپ پر کام کرتے ہیں۔ انہوں نے کہاکہ ہم دہشتگردوں کے خوف سے یہاں آئے اور یہاں تحفظ پایا تاہم کوئی بھی یہاں مدد دینے کو تیار نہیں۔ لوہانا اب20000 ماہانہ پر ایک خیراتی ہسپتال میں سیوا کرتے ہیں۔ انہوں نے دیہی علاقے میں ایک میڈیکل افسر کی ملازمت کیلئے درخواست دی ان کی درخواست میڈیکل کونسل آف انڈیا کے پاس تصدیق کے لئے بھیجی گئی تاہم درخواست کی تصدیق کرنے سے اس لئے انکار کردیا گیا، کیونکہ وہ بھارتی شہری نہیں ہیں۔ میڈیکل کونسل آف انڈیا کے چیئرمین ڈاکٹر جے شری مہیتہ کے مطابق ایک غیر ملکی تعلیم یافتہ ڈاکٹر کو بھارتی شہریت حاصل کرنی پڑتی ہے اور بھارت میں ڈاکٹری پریکٹس کیلئے لازمی اسکریننگ ٹیسٹ کے عمل سے گزرنا پڑتا ہے۔ قواعد کے مطابق پاکستانی سات سال بھارت میں قیام کے بعد بھارتی شہریت کیلئے درخواست دے سکتے ہیں۔ اس عمل میں2 سے3 سال کا عرصہ لگتا ہے اور پھر ایم سی آئی میں سرخ فیتہ کا سامنا کرنا پڑتا ہے 42سالہ ڈاکٹر گردہری لال سنچانی نے1997 میں کراچی سے ایم بی بی ایس کیا اور2001 میں بھارت آئے فروری 2014میں انہیں بھارتی شہریت مل گئی تاہم اب انہیں میڈیکل کونسل آف انڈیا کی منظوری کا 14ماہ سے انتظار ہے۔ انہوں نے کہاکہ ہم یہاں بہتر زندگی کے لیے آئے تھے، یہاں تحفظ تو ہے لیکن باقی ملازمت ہے نہ کوئی کاروبار کرسکتے ہیں، نہ ہی انہیں جائداد خریدنے کی اجازت ہے۔متعلقہ عنوان :
مزید اہم خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.