بلدیاتی الیکشن میں بیلٹ پیپرز کی تعداد کم کرنے کی تجویز

فہد شبیر اتوار 21 جون 2015 16:28

لاہور (اُردو پوائنٹ اخبارتازہ ترین۔21جون۔2015ء) پنجاب حکومت نے بلدیاتی انتخابات کےحوالےسے بعض ترامیم کی تجاویز دینے کے لئے ا لیکشن کمیشن سے رابطے کا فیصلہ کیاہے ، الیکشن کمیشن کو بیلٹ پیپرز کی تعداد کم کرنے اور اسپشل سیٹوں پر انتخاب کنٹونمنٹ کی طرز پر کرانے کی تجویز دی جائے گی ۔ پنجاب حکومت نے کے پی کے میں ہونے والے بلدیاتی انتخابات میں سامنے آنے والے مسائل کو مدنظر رکھتے ہوئے پنجاب میں بلدیاتی انتخابات میں مسائل سے بچنے کے لئے الیکشن کمیشن سے رابطے کا فیصلہ کیاہے۔

ذرائع کے مطابق پنجاب حکومت الیکشن کمیشن سے بیلٹ پیپرز کی تعداد کم کرنے کی استدعا کرے گی اور اس ضمن میں بلدیاتی انتخابات میں بیلٹ پیپرز کی تعداد چھ سے کم کرکے دو کرنے کی تجویز دی جائے گی ۔

(جاری ہے)

۔ یونین کونسل کی سطح پر ایک بیلٹ پیپر کونسلر ز کے لئے اور ایک چیئرمین وائس چیئرمین کے لئے تجویزکیاجائے گا ۔انفرادی مقابلوں کی بجائے پہلے چھ نمبرز پر آنے والوں کو کونسلر منتخب کرنے کی تجویز دی جائے گی پنجاب حکومت کے مطابق چھ بیلٹ پیپرز کنفیوژ بھی کرتے ہیں اورووٹرز کو ووٹ کاسٹ کرنے میں وقت بھی زیادہ لگتاہے جبکہ پنجاب حکومت اسپشل سیٹوں پر کونسلرز کا انتخاب بھی کنٹونمنٹ کی طرز پر کرانے کی تجویز دینے کا ارادہ رکھتی ہے ۔

کنٹونمنٹ کی طرح منتخب کونسلرز اسپشل سیٹوں پر کونسلرز کا انتخاب کریں ۔الیکشن کمیشن نے پنجاب حکومت کی تجاویز کی منظوری دی تو قانون سازی کی جائے گی۔الیکشن کمیشن کی منظوری کی صورت میں پنجاب میں اٹھائیس جولائی سے پہلے قانون سازی کرلی جائے گی

Facebook Twitter Google + Share on Whatsapp

بلدیاتی الیکشن میں بیلٹ پیپرز کی تعداد کم کرنے کی تجویز

متعلقہ عنوان :

مزید اہم خبریں