انٹرنیشنل ڈینگی ڈے کے موقع پر رکن صوبائی اسمبلی کی قیادت میں انسداد ڈینگی آگہی واک
پیر 15 جون 2015 16:38
لاہور ۔15 جون (اُردو پوائنٹ اخبار تازہ ترین۔ 15 جون۔2015ء) رکن صوبائی اسمبلی چوہدری یاسین سوہل نے کہا ہے کہ وزیراعلی محمد شہباز شریف کی پرعزم قیادت میں صوبے کے تمام محکموں ، سکولوں ، کالجوں اور شہریوں نے عوامی قیادت کے ساتھ مل کر ماضی میں بھی ڈینگی کو شکست دی تھی اور اس سال بھی مربوط روابط، انتھک محنت اور مشترکہ لائحہ عمل سے لوگوں کو اس موذی مچھر سے محفوظ رکھنے کے لئے کوئی دقیقہ فروگذاشت نہیں کریں گے-انہوں نے یہ بات پیر کے روز انٹرنیشنل ڈینگی ڈے کے موقع پر باب پاکستان والٹن سے ڈیفنس موڑ تک انسداد ڈینگی آگہی واک کی قیادت کرتے ہوئے کہی-واک میں کینٹ ، لاہور کنٹونمنٹ اور والٹن کنٹونمنٹ بورڈز کی علاقائی قیادت، ڈی ڈی او (ہیلتھ) کینٹ ڈاکٹر آصف اقبال، سینئر انٹامالوجسٹ سعید الرحمن، انوائرمنٹ انسپکٹرز، محکمہ سوشل ویلفیئر، تعلیم، صحت ، کوآپریٹو، فشریز کے نمائندوں ، طلباء و اساتذہ اور شہریوں کی بڑی تعداد نے شرکت کی-واک کے علاوہ کینٹ ، لاہور اور والٹن کنٹونمنٹ بورڈ کے مختلف محکموں اور تعلیمی اداروں میں ڈینگی آگہی سیمینار بھی منعقد ہوئے جن میں تعطیلات کے باوجود طلبا و طالبات ، اساتذہ اور والدین نے کثیر تعداد میں شرکت کی- ایم پی اے یاسین سوہل نے کہا کہ ڈینگی طبی سے زیادہ ایک سماجی مسئلہ ہے جس کے تدارک کے لئے عملی اقدامات اسی صورت میں کامیاب ہوسکتے ہیں جب عوام میں ڈینگی سے بچاؤ کے اقدامات اور حفظان صحت کے اصولوں کو اپنانے بارے شعور اجاگر کیا جائے- یاسین سوہل نے کہا کہ حکومت پنجاب کی ہدایات کی روشنی میں ڈینگی لاروا کی تلفی ، ان ڈور اور آؤٹ ڈور سرویلنس ، گھر گھر جا کر شعور بیدار کرنے ، سیمینارز، واک اور پمفلٹس کی تقسیم سمیت انسداد ڈینگی مہم کی کامیابی کے لئے تمام اقدامات پورے جوش و خروش سے جاری ہیں جن کے مثبت نتائج برآمد ہورہے ہیں-
متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.