جڑواں شہروں اور پنجاب کے مختلف شہروں میں گردآلود ہوائیں اور موسلادھار بارش ، موسم خوشگوارہوگیا، شہریوں کی بڑی تعداد نے تفریحی مقامات کا رخ کرلیا، ملتان میں 60میل فی گھنٹہ کی رفتار سے چلنے والی آندھی سے کھمبے اور بورڈز اکھڑ گئے، آم کے باغات کو شدید نقصان
اتوار 14 جون 2015 19:04
اسلام آباد/راولپنڈی/ملتان (اُردو پوائنٹ اخبارتازہ ترین - آئی این پی۔14 جون۔2015ء) جڑواں شہروں اور مری سمیت پنجاب کے مختلف شہروں میں گردآلود ہوائیں اور موسلادھار بارش سے موسم خوشگوار ہو گیا، اسلام آباد اور ملکہ کوہسار مری میں بھی تیز بارش اور ژالہ باری کے بعد پہاڑوں کا حسن نکھر گیا، چھٹی کا دن ہونے کے باعث شہریوں کی بڑی تعداد نے فیملیز کے ہمراہ تفریحی مقامات کا رخ کرلیا، ملتان میں 60میل فی گھنٹہ کی رفتار سے چلنے والی آندھی نے بجلی کے پول اکھاڑ دیئے، آندھی سے آم اور پھلوں کے دیگرباغات کو بھی شدید نقصان پہنچا۔
تفصیلات کے مطابق اتوار کو جڑواں شہروں میں سہ پہر دیکھتے ہی دیکھتے آسمان کو گہرے سیاہ بادلوں نے ڈھانپ لیا اور تیز گرد آلود ہوائیں چلنے لگیں، جس سے گرمی کازور ٹوٹ گیا۔(جاری ہے)
بعد ازاں اسلام آباد ،راولپنڈی اور گردونواح میں تیز بارش اور ژالہ باری کے بعد شہر کا حسن نکھر گیا۔ چھٹی کا دن ہونے کے باعث شہریوں نے فیملیز کے ہمراہ تفریحی مقامات کا رخ کرلیا اور بارش کا خوب مزا لیتے رہے، منچلوں کی ٹولیاں بھی سڑکوں پر نکل آئیں،بارش سے مارگلہ کی پہاڑیوں کا حسن بھی نکھر گیا،ملکہ کوہسار مری اور اس کے گردونواح میں بھی تیز بارش کے باعث موسم انتہائی خوشگوار ہو گیا، پنجاب کے مختلف شہروں، ملتان، وہاڑی، بورے والا میں بھی تیز آندھی کے ساتھ شدید بارشوں نے نظام زندگی معطل کر دیا، ملتان میں 60میل فی گھنٹہ کی رفتار سے چلنے والی آندھی نے بجلی کے پول اکھاڑ دیئے، آندھی سے آم کے درختوں کو بھی شدید نقصان پہنچا۔
بنوں اور ڈیرہ بگٹی کے علاقوں میں بھی بارشوں کے بعد موسم خوشگوار ہو گیا جبکہ سندھ کے شہری بارش کو ترستے رہے اوربیشتر شہروں میں درجہ حرارت 40 سینٹی گریڈ سے اوپر رہا۔ دوسری طرف محکمہ موسمیات نے پیش گوئی کی ہے کہ اسلام آباد ، راولپنڈی، مری، مالاکنڈ، ہزارہ ، آزاد کشمیر اور پنجاب کے کئی شہروں میں کل (پیر) کی شام بھی تیز ہواؤں کے ساتھ بارش ہونے کا امکان ہے جبکہ دن کے اوقات میں سخت دھوپ متوقع ہے۔مزید اہم خبریں
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
-
آرمی چیف جنرل سید عاصم منیر سے ترک چیف آف جنرل اسٹاف جنرل متین گیوراک کی ملاقات ، باہمی دلچسپی، دفاعی، تربیت اور علاقائی امن و استحکام کو فروغ دینے سمیت دیگر امور پر تبادلہ خیال
-
وزیرِ اعظم محمد شہباز شریف کی زیرِ صدارت بجلی شعبے کے حوالے سے اقدامات کے جائزہ پر اعلیٰ سطحی اجلاس کا دوسرا دور
-
وزیراعظم سے یورپی یونین کی سفیر کی ملاقات
-
وزیراعظم محمد شہباز شریف سے پاکستان میں یورپی یونین کی سفیر کی ملاقات
-
وزیرِ اعظم کی زیرِ صدارت بجلی شعبے کے حوالے سے اقدامات کے جائزے پر اعلی سطحی اجلاس کا دوسرا دور، بجلی کے ترسیلی نظام پر بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.