صوبے کی قد آور سیاسی شخصیات صوبائی حکومت کے ایجنڈے سے متاثر ہو کر پی ٹی آئی میں شمولیت اختیار کر رہی ہیں،پرویزخٹک
پی ٹی آئی میں شامل ہر فرد کو صوبے میں حق اورانصاف کا بول بالا کرنے میں اپنا کردار ادا کرنے کا موقع مل رہا ہے،وزیراعلی خیبرپختونخوا
ہفتہ 13 جون 2015 22:34
پشاور(اُردو پوائنٹ اخبار تازہ ترین۔ 13 جون۔2015ء) چارسدہ کی معروف سیاسی شخصیت اور پاکستان پیپلز پارٹی چارسدہ کے صدر محمد نعیم خان عمرزئی نے وزیراعلیٰ ہاؤس خیبرپختونخوا میں وزیراعلیٰ پرویز خٹک سے ملاقات کی اور ان سے صوبے کی سیاسی صورتحال اور خصوصاً بلدیاتی انتخابات کے حوالے سے تفصیلی تبادلہ خیال کیا۔ صوبائی وزیر معدنیات ضیاء اﷲ آفریدی اور پاکستان تحریک انصاف کے صوبائی آرگنائزر فضل محمد خان بھی اس موقع پر موجود تھے۔
وزیراعلیٰ خیبر پختونخوا پرویز خٹک نے نعیم خان عمر زئی کو پاکستان تحریک انصاف میں شمولیت کی دعوت دی جو انہوں نے قبول کر لی۔ تاہم پی ٹی آئی میں باقاعدہ شمولیت کا اعلان وہ آئندہ ہفتے بنی گالہ اسلام آباد میں پی ٹی آئی کے چیئرمین عمران خان سے ملاقات میں کریں گے۔(جاری ہے)
وزیراعلیٰ پرویز خٹک نے اس موقع پر گفتگو کرتے ہوئے پیپلز پارٹی چارسدہ کے رہنماء نعیم خان عمر زئی کو پی ٹی آئی کی صوبائی حکومت کے اصلاحات کے ایجنڈے کی تفصیلات سے آگاہ کیا اور ان اقدامات پر روشنی ڈالی جو صوبائی حکومت عمران خان کے وژن کے مطابق صوبے میں عام آدمی اور خصوصاً غریب اور کمزور طبقوں کی فلاح و بہبود اور ان کے حقوق کیلئے کر رہی ہے۔
وزیراعلیٰ نے کہا کہ صوبے کی قد آور سیاسی شخصیات صوبائی حکومت کے ایجنڈے سے متاثر ہو کر پی ٹی آئی میں شمولیت اختیار کر رہی ہیں جو پاکستان تحریک انصاف اور صوبے کے عوام کیلئے حوصلہ افزاء بات ہے۔ انہوں نے کہا کہ پی ٹی آئی میں شامل ہر فرد کو صوبے میں حق اورانصاف کا بول بالا کرنے میں اپنا کردار ادا کرنے کا موقع مل رہا ہے۔وزیراعلیٰ نے کہا کہ حالیہ بلدیاتی انتخابات میں پی ٹی آئی کی شاندار کامیابی اس بات کی دلیل ہے کہ صوبائی حکومت کی پالیسیوں کو عوام کا اعتماد حاصل ہے جس کا انہوں نے دو سال کے اندر دوسری بار ووٹ کے ذریعے برملا اظہار کیا ہے۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.