انڈیا دوست نہیں دشمن ملک ہے، وزیراعظم نوازشریف بھارتی دھمکیوں کیخلاف متفقہ طور پر پالیسی ترتیب دیں ‘پروفیسر حافظ محمد سعید
حکومت کو بھارتی قومی پالیسی کو سامنے رکھ کر اپنی پالیسی بنانی چاہئے،بھارت کواسکی زبان میں جواب دیے بغیر جنوبی ایشیا میں امن قائم نہیں ہو گا جماعۃ الدعوۃبھارتی دھمکیوں کیخلاف ملک میں زبردست اتحاد کی فضا بنائیگی،16جون کو ایوان اقبال میں کنونشن میں قومی قیادت شریک ہو گی‘ امیر جماعۃ الدعوۃ کا خصوصی افراد کی ایک تقریب سے خطاب
ہفتہ 13 جون 2015 22:22
لاہور (اُردو پوائنٹ اخبار تازہ ترین۔ 13 جون۔2015ء) امیر جماعۃ الدعوۃپاکستان پروفیسر حافظ محمد سعید نے کہا ہے کہ وزیراعظم نوازشریف بھارتی دھمکیوں کے خلاف متفقہ طور پر پالیسی ترتیب دیں کہ انڈیا دوست نہیں دشمن ملک ہے، جماعۃ الدعوۃبھارتی دھمکیوں کے خلاف ملک میں زبردست اتحاد کی فضا بنائے گی،16جون کو ایوان اقبال میں ہونے والے کنونشن میں قومی قیادت شریک ہو گی،حکومت کو بھارتی قومی پالیسی کو سامنے رکھ کر اپنی پالیسی بنانی چاہئے،بھارت کواسکی زبان میں جواب دیے بغیر جنوبی ایشیا میں امن قائم نہیں ہو گا۔
ان خیالات کا اظہار انہوں نے گزشتہ روز مقامی شادی ہال میں خصوصی افراد کی ایک تقریب سے خطاب کرتے ہوئے کیا۔حافظ محمد سعید نے کہا کہ بھارت نے برما میں کاروائی کرکے پاکستان کو دھمکی بھی دی کہ ہم ایسے سرجیکل سٹرائیکس پاکستان میں بھی کریں گے۔(جاری ہے)
میں مودی کو یاد دلاتا ہوں کہ 2002میں جب مجھے گرفتار کیا گیا تواس وقت بھی بھارت میں بی جے پی کی حکومت تھی۔
بھارت نے سات ماہ تک اپنی فوج بارڈر پر رکھی لیکن اسے حملہ کی جرا ت نہیں ہوئی۔2008میں ایک بار پھر ممبئی حملوں کا نام لے کربھارت نے کہا کہ ہم سرجیکل سٹرائیک کریں گے۔ایک بھارتی جہاز جب آیالیکن پاکستان نے اس کو بھگادیا۔ ہم صاف طور پر کہتے ہیں کہ وہ کبھی بھی پاکستان پر حملہ کی جرات نہیں کرے گا۔انہوں نے کہا کہ بھارتی دھمکیوں پر منتخب وزیراعظم نواز شریف نے جواب دیا خوشی ہوئی لیکن معاملہ بہت آگے جا چکا ہے۔مسئلہ صرف مودی کے پاکستان توڑنے کے بیان کا نہیں بلکہ دھمکیاں دینے کا ہے۔ انڈیا مسلسل پاکستان کو نقصانات سے دوچارکرنے کی کوششیں کر رہا ہے۔ انڈیا سے تجارت میں اربوں ڈالر کا نقصان پاکستان نے برداشت کیالیکن اب پانی سر سے گزر چکا ۔ وزیراعظم نواز شریف اقوام متحدہ،سیکورٹی کونسل میں بھارت کے خلاف مقدمہ دائر کریں ۔اب کسی ثبوت کی ضرورت نہیں مودی کی ڈھاکہ والی تقریر ہی انڈیا کو دہشت گرد ملک قرار دینے کے لئے کافی ہے۔انہوں نے کہا کہ وزیراعظم نواز شریف افغان صدر اشرف غنی کو کہیں کہ جب تک انڈیا افغانستان میں ہے دہشت گردی ختم نہیں ہو سکتی اسے وہاں سے نکالا جائے۔پاک فوج کا ضرب عضب آپریشن کامیابی سے جاری ہے جس سے انڈیا کے خواب چکنا چور ہوئے اور انکی دشمنی زبانوں پر آ گئی۔انہوں نے کہا کہ ممبئی حملوں کو لے کر انڈیا نے سات سال پروپیگنڈہ کیا لیکن وہ پاکستان کے خلاف کوئی ثبوت نہیں دے سکا اور نہ ہی آئندہ کبھی دے سکے گا۔اس واقعہ کوبنیاد بنا کر انڈیا نے پاکستان میں اپنی دہشت گردی کے راستے ہموار کئے ۔مودی کہتاتھاکہ کراس بارڈر ہو رہا ہے تو اب اس نے خود کراس بارڈر ٹیررازم کا اعتراف کیااور دہشت گردی کی کاروائی قبول کی ہے۔اب واضح ہو گیا کہ انڈیا ایک دہشت گرد ملک ہے کیونکہ کراس بارڈر دنیا کا سب سے بڑا جرم اور دہشت گردی ہے جس کا اعتراف مودی نے کیاہے۔حافظ محمد سعیدنے کہا کہ بھارت دہشت گرد ملک ہے۔سلامتی کونسل کی سیٹ نہیں لے سکتا۔بھارتی حکمرانوں کو کچھ سجھائی نہیں دے رہا کہ انہیں کرنا کیا ہے؟ وہ چاہتے ہیں کہ جس طرح امریکہ ڈرون حملے کرتا ہے وہ بھی ہمسایہ ملکوں میں گھس کر کاروائیاں کرناشروع کردے لیکن اسے یہ بات ضرور یاد رکھنی چاہیے کہ پاکستان اﷲ کے فضل و کرم سے ایٹمی قوت ہے اور بھارتی جارحیت کامنہ توڑ جواب دینا جانتا ہے ۔متعلقہ عنوان :
مزید اہم خبریں
-
احتساب عدالت نے عمران خان اور اہلیہ بشریٰ بی بی کا اینڈسکوپی ٹیسٹ 2روزمیں کرانے کا حکم
-
اسلام آباد ہائیکورٹ کی پمز ہسپتال کے میڈیکل بورڈ کو پرویز الٰہی کی صحت کا دوبارہ جائزہ لینے کا حکم
-
بلوچستان کی 14 رکنی کابینہ نے حلف اٹھا لیا
-
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
-
فیض آباد دھرنا کمیشن کو شہباز شریف کا دیا گیا بیان سامنے آگیا
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.