`بچے ہمارا مستقبل ہیں ،ڈاکٹر احسان صادق
بچوں پر خصوصی توجہ سے قوم تیزی سے ترقی کرتی ہے،آر پی او بہاولپور`
ہفتہ 13 جون 2015 21:06
بہاولپور(اُردو پوائنٹ اخبار تازہ ترین۔ 13 جون۔2015ء)ریجنل پولیس آفیسر بہاول پور ڈاکٹر احسان صادق نے کہا ہے کہ بچے ہمارا مستقبل ہیں اور جس معاشرے میں بچوں کی تعلیم وتربیت پر خصوصی توجہ دی جاتی ہے وہ قوم تیزی سے ترقی کرتی ہے۔ وہ یہاں پولیس لائن میں بچوں کا ایک دن پولیس کے ساتھ منعقدہ اختتامی تقریب سے خطاب کر رہے تھے جس میں ڈی پی اوسرفراز احمد فلکی، پولیس شہری رابطہ کمیٹی کے چیئر مین ڈاکٹر رانا محمد طارق اور مختلف سکولوں کے بچوں نے شرکت کی۔
آر پی او نے خطاب کرتے ہوئے کہا کہ پاکستان کا مستقبل روشن ہے اور ہماری نئی نسل کو اس سے مایوس نہیں ہونا چاہئے۔ انہوں نے کہا کہ دنیا بھر میں دہشت گردی کے واقعات رونما ہوتے رہتے ہیں لیکن ہمیں اس سے گھبرانے کی بجائے دہشت گردوں کا جرأت سے مقابلہ کرنا ہوگا۔(جاری ہے)
انہوں نے کہا کہ پاکستان میں دہشت گردی ختم ہو رہی ہے اور حکومت نے قانون نافذ کرنے والے تمام اداروں سے مل کر ایسا ٹھوس اور مربوط لائحہ عمل مرتب کیا ہے جس کے ذریعے ہم دہشت گردی کو ختم کر کے دم لیں گے۔
انہوں نے کہا کہ ہمارا عزم ہے کہ پاکستان کو پرامن، خوشحال ملک بنائیں گے۔انہوں نے کہا کہ نئی نسل حضرت قائد اعظم اور علامہ اقبال کے افکار پر عمل کرتے ہوئے پاکستان کو ایک مضبوط اور مستحکم ملک بنانے میں اپنا کردار ادا کرے۔ڈی پی او سرفراز احمد فلکی نے کہا کہ آج کے بچوں نے کل ملک کی باگ دوڑ سنبھالنی ہے اور انہوں نے مختلف ملکی اداروں میں خرابیوں کو ختم کرنا ہے۔ تقریب میں بچوں کو ٹریفک قوانین اور قواعد و ضوابط سے بھی آگاہ کیا گیا۔اس موقع پر بچوں نے مختلف ٹیبلوز بھی پیش کئے۔ قبل ازیں بچوں نے تھانہ بغداد الجدید، 15 اور ڈی پی او آفس کا بھی دورہ کیا۔شہری رابطہ کمیٹی کے چیئر مین ڈاکٹر رانا محمد طارق نے مہمانوں کا شکریہ ادا کیا۔ اسٹیج سیکرٹری کے فرائض ممتاز سماجی رہنما جمشید کریم نے سرانجام دیئے۔ آخر میں تقریب میں شرکت کرنے والے بچوں میں تحائف اور انعامات تقسیم کئے گئے`مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.