انٹر ڈسٹرکٹ رائٹ ٹو پلے پیس فٹ بال ٹورنامنٹ مردان فٹ بال کلب نے جیت لیا

ہفتہ 13 جون 2015 20:56

چارسدہ ( اُردو پوائنٹ اخبار تازہ ترین۔ 13 جون۔2015ء ) انٹر ڈسٹرکٹ رائٹ ٹو پلے پیس فٹ بال ٹورنامنٹ مردان فٹ بال کلب نے جیت لیا ۔ فائنل میچ کے موقع پر ہزاروں تماشائیوں نے دلچسپ میچ سے محظوظ ہو گئے ۔ ٹورنامنٹ میں خیبر پختونخواہ اور فاٹا کے 16ٹیموں نے حصہ لیا۔تفصیلات کے مطابق انٹر ڈسٹرکٹ رائٹ ٹو پلے پیس فٹ بال ٹورنامنٹ کا فائنل میچ مردان فٹ بال کلب نے سوات کلب کوچار کے مقابلے میں پانچ گولوں سے شکست دے کر جیت لی۔

(جاری ہے)

مقررہ وقت تک دونوں ٹیموں نے ایک ایک گول کیاجس کے بعد میچ کا فیصلہ پلنٹی کک پر ہوا۔ مردان کلب نے چار کے مقابلے میں پانچ گول کرکے ٹائٹل اپنے نام کر لیا۔ فائنل میچ کے موقع پر ہزاروں تماشائیوں دلچسپ میچ سے محظوظ ہو گئے ۔ فائنل میچ کے موقع پر ایم این اے مولانا سید گوہر شاہ اور نو منتخب ضلعی ممبر غزن خان نے کھلاڑیوں میں انعامات اور نقدرقومات تقسیم کئے ۔ اس موقع پر رائٹ ٹو پلے کے نمائندہ گان ولی خان، خیرالامین ، حماد اور ڈی ایف اے مردان کے چیئر مین علی گوہر بھی موجود تھے۔

Facebook Twitter Google + Share on Whatsapp

انٹر ڈسٹرکٹ رائٹ ٹو پلے پیس فٹ بال ٹورنامنٹ مردان فٹ بال کلب نے جیت لیا

مزید کھیلوں کی خبریں