سانحہ ماڈل ٹاؤن پر جے ٹی آئی رپورٹ کو مسترد کرتے ہیں ہم نے کبھی جے ٹی آئی کو تسلیم ہی نہیں کیا، رحیق عباسی
رپورٹ وز یراعلیٰ پنجاب اور دہشت گردوں کے سرغنہ رانا ثنااللہ کو بچانے کے لئے ہے اس رپورٹ میں کسی ذمہ دار کا تعین نہیں کیا گیا ، صحافیوں سے گفتگو
ہفتہ 13 جون 2015 18:03
دیپالپور ( اُردو پوائنٹ اخبار تازہ ترین۔ 13 جون۔2015ء) پاکستان عوامی تحریک کے مرکزی صدر ڈاکٹر رحیق احمد عباسی نے کہا ہے کہ سانحہ ماڈل ٹاؤن پر جے ٹی آئی کی رپورٹ کو مسترد کرتے ہیں ہم نے کبھی جے ٹی آئی کو تسلیم ہی نہیں کیا اور اس انویسٹی گیشن ٹیم کی بنائی گئی رپورٹ وز یراعلیٰ پنجاب میاں شہباز شریف اور دہشت گردوں کے سرغنہ رانا ثنااللہ کو بچانے کے لئے ہے اس رپورٹ میں کسی ذمہ دار کا تعین نہیں کیا گیا ن خیالات کا اظہار انہوں نے پاکستان عوامی تحریک سے وابستہ سید زاہد حسین شاہ کی وفات پر تعزیت کے بعد صحافیوں سے خصوصی گفتگو کرتے ہوئے کیا انہوں نے کہا کہ پنجاب پولیس میں دہشت گرد مافیاموجود ہے ماڈل ٹاؤن میں چودہ معصوم لوگوں کو گولیوں سے چھلنی کر دیا گیا فیصل آباد میں پی ٹی آئی کے کارکنان کو قتل کیا ڈسکہ میں وکلاء کو پولیس نے قتل کیا اور اب اوکاڑہ میں صحافی برادری بھی محفوظ نہیں رہی سینئر صحافی آصف خاں کے خلاف دہشت گردی ایکٹ کا مقدمہ درج کرکے تشدد کرنا اور سر بازار تذلیل کرنا پولیس کا صحافی برادری سے شرمنا ک رویہ ہ جس کی بھرپور مذمت کرتے ہیں پاکستان عوامی تحریک ریجنل یونین آف جر نلسٹس کے شانہ بشانہ ہر سطح پر احتجاج کے لئے ہمہ وقت تیار ہے انہوں نے کہا کہ سولہ جون کو ماڈل ٹاؤن میں یوم شہداء منایا جائے گا جہاں قائد ڈاکٹر طاہر القادری آئندہ لائحہ عمل کا اعلان کریں گے انہوں نے کہا کہ سانحہ ماڈل ٹاؤن میں شہید ہونے والے شہداء کا خون رائیگاں نہیں جانے دیں گے عدالتوں سے بھی انصاف نہ ملا تو آخری حد تک جائیں گے ایک سوال کے جواب میں انہوں نے کہا کہ پاکستان عوامی تحریک بلدیاتی انتخابات میں بھرپور حصہ لے گی اور سیاسی دہشت گردوں کا ہر سطح پر مقابلہ کریں گے انہوں نے مطالبہ کیا کہ جس طرح کراچی میں دہشت گردی کے خاتمے کے لئے آپریشن کیا جا رہا ہے دہشت گردوں کو بے نقاب کیا جا رہا ہے منی لانڈرنگ کے کیسوں کو سامنے لایا جا رہا ہے اسی طرح پنجاب میں بھی آپریشن شروع کیا جانا بے حد ضروری ہے پنجاب حکومت میں شامل وزراء بھی دہشت گردوں کی پشت پناہی اور انہیں فنڈنگ فراہم کرنے میں شامل ہیں انہیں بھی قوم کے سامنے بے نقاب کیا جا نا ضروری ہے ۔
`متعلقہ عنوان :
مزید قومی خبریں
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.