نائیجیریا ‘ ریاست بورنو میں شدت پسند تنظیم بوکوحرام کے حملے میں 43 افراد ہلاک ‘ درجنوں گھروں کو آگ لگا دی گئی

ہفتہ 13 جون 2015 12:49

ابوجا (اُردو پوائنٹ اخبار تازہ ترین۔ 13 جون۔2015ء) نائیجیریا کی ریاست بورنو میں شدت پسند تنظیم بوکوحرام کے حملے میں 43 افراد ہلاک ہوگئے۔ درجنوں گھروں کو آگ لگادی گئی جبکہ نائیجیریا سمیت پڑوسی ممالک نے بوکو حرام کے خلاف مشترکہ فوج کے قیام کا فیصلہ کرلیا۔نائیجیریامیں شدت پسند تنظیم بوکوحرام نے بورنو ریاست کے چھ گاوٴں پر حملہ کیا حملے میں 43 افراد ہلاک ہوگئے حملہ آوروں نیاندھا دھند فائرنگ کی اور متعدد گھروں کوآگ لگادی۔

(جاری ہے)

درجنوں افراد لاپتہ ہیں مرنے والوں میں زیادہ تعداد نوجوانوں کی ہے۔ دوسری جانب نائجیریا ‘چاڈ ‘ کیمرون اور نائیجر کے رہنماوٴں کے مابین ایک روزہ اجلاس ہوا، اجلاس میں نائیجریا اور پڑوسی ممالک نے شدت پسند تنظیم بوکو حرام کے خلاف ایک مشترکہ فوج تیار کرنے کا فیصلہ کیا ۔مشترکہ فوج کا مرکز چاڈ کے دارالحکومت نیامے میں ہو گا اور مشترکہ فوج کے قیام کا عمل تیس جولائی تک مکمل کر لیا جائے گا۔ نائجیریا کے نئے صدرمحمد بخاری نے بوکو حرام کے خلاف سخت اقدامات کا عزم ظاہر کیا تھا۔

Facebook Twitter Google + Share on Whatsapp

نائیجیریا ‘ ریاست بورنو میں شدت پسند تنظیم بوکوحرام کے حملے میں 43 افراد ہلاک ‘ درجنوں گھروں کو آگ لگا دی گئی

متعلقہ عنوان :

مزید بین الاقوامی خبریں