اسپین کی شہزادی کرسٹینا پر دھوکہ دہی کا الزام ، شاہی لقب واپس لے لیا گیا
بند کریں
تازہ ترین ایڈ یشن کے لیے ابھی کلک کریں
ہفتہ جون

مزید بین الاقوامی خبریں

وقت اشاعت: 13/06/2015 - 12:15:14 وقت اشاعت: 13/06/2015 - 12:15:14 وقت اشاعت: 13/06/2015 - 12:10:23 وقت اشاعت: 13/06/2015 - 12:10:23 وقت اشاعت: 13/06/2015 - 12:10:23 وقت اشاعت: 13/06/2015 - 12:07:34 وقت اشاعت: 13/06/2015 - 12:07:33 وقت اشاعت: 13/06/2015 - 12:07:33 وقت اشاعت: 13/06/2015 - 12:04:18 وقت اشاعت: 13/06/2015 - 12:04:18 وقت اشاعت: 13/06/2015 - 10:47:51
پچھلی خبریں -

اسپین کی شہزادی کرسٹینا پر دھوکہ دہی کا الزام ، شاہی لقب واپس لے لیا گیا

بارسلونا( اُردو پوائنٹ اخبار تازہ ترین۔ 13 جون۔2015ء ) اسپین کے موجودہ بادشاہ فلپ اے ششم نے اپنی بہن شہزادی کرسٹینا سے ان کا شاہی لقب ’ڈوئچے آف پالما مایورکا‘ واپس لے لیا ہے، یہ اقدام شہزادی کرسٹینا پر دھوکہ دہی کا الزام لگنے کے بعد کیا گیا۔ میڈیا رپورٹس کے مطابق 49سالہ شہزادی کرسٹینا اپنے شوہر ’اناکی ارداگارن‘ کے ساتھ دھوکہ دہی کے مقدمے میں شامل تفتیش ہیں، جنہیں منی لانڈرنگ، غبن اور دھوکہ دہی جیسے الزامات کا سامنا ہے۔

اس مقدمے کی وجہ سے شہزادی کے شوہر اناکی ارداگارن پہلے ہی اپنا شاہی لقب ’ڈیوک‘ کھو چکے ہیں۔ عدالت کی طرف سے اس شاہی جوڑے کے مقدمے کی سماعت رواں سال کے آخر میں شروع ہونے کا امکان ہے۔ شہزادی کرسٹینا کے وکیل ’میکائیل روکا‘ کے مطابق شہزادی نے خط کے ذریعے بادشاہ سے اپنا لقب واپس لینے کی اپیل کی تھی، جبکہ شاہی محل کے ذرائع کے مطابق موجودہ بادشاہ اور شہزادی کے بھائی خط ملنے سے پہلے ہی اپنی بہن کا شاہی لقب واپس لینے کا فیصلہ کر چکے تھے اور اس فیصلے کے متعلق شہزادی کو بادشاہ نے فون کر کے آگاہ کر دیا تھا۔

1975میں اسپین کی شاہی سلطنت کی بحالی کے بعد شہزادی کرسٹینا اس خاندان کی پہلی فرد ہیں، جن پر عدالت میں مقدمہ چلانے کا حکم دیا گیا ہے، الزامات ثابت ہونے کی صورت میں شہزادی کرسٹینا کو 4سال قید، جبکہ ان کے شوہر اور سابق اولمپئین گولڈ میڈلسٹ ہینڈ بال کو 19سال تک کی جیل ہو سکتی ہے۔ شہزادی کے شوہر پر الزام ہے کہ انہوں نے اپنے شاہی رتبے کا فائدہ اٹھاتے ہوئے، اپنے کاروبار کے ذریعے 6ملین یورو کا غبن کیا ہے، اس مقدمے میں مزید 15افراد کے ملوث ہونے کا امکان بھی ہے

13/06/2015 - 12:07:34 :وقت اشاعت