گورنرخیبرپختونخوا نے چاریونیورسٹیوں کے سالانہ بجٹ کی منظوری دیدی
یونیورسٹیوں کی انتظامیہ محکمہ خزانہ کی مشاورت سے بہترفنانشل مینجمنٹ پلان تیار کرکے وسائل میں اضافہ ،غیرضروری اخراجات میں کمی لاکر خسارے کو بھی کم کریں،سردارمہتاب احمد کاسالانہ بجٹ بارے اجلاس سے خطاب
جمعہ 12 جون 2015 18:43
پشاور(اُردو پوائنٹ اخبار تازہ ترین۔ 12 جون۔2015ء) گورنرخیبرپختونخوا سردارمہتاب احمدخان نے پبلک سیکٹر یونیورسٹیوں کی انتظامیہ کوہدایت کی ہے کہ وہ محکمہ خزانہ کی مشاورت سے بہترفنانشل منیجمنٹ پلان تیار کرکے ایک ایساوسیع اور موثر میکنزم اپنائیں کہ وہ اپنے وسائل میں اضافہ کرسکیں اور غیرضروری اخراجات میں کمی لاکر خسارے کو بھی کم کریں اوراپنے وسائل میں رہتے ہوئے اپنے ملازمین کی تنخواہوں میں اضافہ بھی خودکریں کیونکہ یہ خودمختار ادارے ہیں اوریونیورسٹی ایکٹ کے تحت وہ ان تمام امورمیں بااختیار ہیں۔
وہ گذشتہ روزپبلک سیکٹر کی چاریونیورسٹیوں کے سالانہ بجٹ کی منظوری سے متعلق الگ الگ سینٹ اجلاسوں سے خطاب کررہے تھے جوان کی صدارت میں گورنر ہاوس پشاور میں منعقد ہوئے۔(جاری ہے)
ان جامعات میں گومل یونیورسٹی ڈیرہ اسماعیل خان، یونیورسٹی آف پشاور ، ایگریکلچر یونیورسٹی پشاوراورخیبرمیڈیکل یونیورسٹی پشاورشامل تھے۔ گورنر کو ان جامعات کی سابقہ،رواں اوراگلے مالی سال کے سالانہ بجٹ کی تخمینہ جات،اخراجات اورآمدنی سے متعلق بریفنگ دی گئیں۔
اس موقع پرصوبائی وزیر برائے اعلی تعلیم مشتاق احمدغنی اور وزیر زراعت اکرام اﷲ گنڈا پور، صوبائی سیکرٹری خزانہ، سیکرٹری اعلی تعلیم ، سیکرٹری زراعت، سیکرٹری صحت اور ہائرایجوکیشن کمیشن کے نمائندے بھی موجود تھے۔ اس موقع پرگورنرنے چاروں یونیورسٹیوں کے سالانہ بجٹ کی منظوری بھی دی۔ گورنرنے کہا کہ یونیورسٹیاں خود مختارادارے ہیں وہ یونیورسٹیز ایکٹ میں موجود اختیارات کے مطابق خوداپنے ملازمین کیلئے سروس سٹرکچر تیارکریں اور ان کی تنخواہوں میں اضافہ کریں تاہم وہ اپنے فنڈز میں خود انحصاری پرتوجہ دیں اور صرف حکومتی گرانٹس پرانحصار نہ کریں۔ گورنرنے پنشن کے اخراجات اورمستحق طلباء کو سہولتیں دینے کیلئے یونیورسٹیوں کو اپنے انڈومنٹ فنڈ قائم کرنے کی ہدایت کی اور کہاکہ یونیورسٹیاں تعلیمی وتحقیقی معیار میں بہتری لانے پربھی خصوصی توجہ دیں۔ گورنرنے زرعی یونیورسٹی پشاور اور خیبرمیڈیکل یونیورسٹی پشاور کے فاضل بجٹ کوسراہا۔ گورنرنے زرعی یونیورسٹی کے تحقیقی کام کوسراہتے ہوئے اس میں مزید اضافہ کرنے پرزوردیا اورکہاکہ اس کامیاب تحقیقی کام سے حکومت کو ملنے والے محصولات میں سے یونیورسٹی اور بالخصوص اس کے محققین کوبھی فائدہ ملناچاہئیے۔ گورنرنے محکمہ خزانہ کو ہدایت کی کہ وہ بجٹ سازی کے عمل میں یونیورسٹیوں کو ضروری راہنمائی فراہم کریں اور ان کی معاونت کریں۔متعلقہ عنوان :
مزید اہم خبریں
-
ایم ایل ون ملک کے مواصلات اور تجارت کے شعبوں کے لیے ناگزیر ہے، احسن اقبال
-
آل پاکستان کلرکس ایسوسی ایشن نے لیو ان کیشمینٹ بحال نہ کرنے پر 15مئی سے احتجاج کی کال دیدی
-
وزیرخارجہ محمد اسحاق ڈاراورازبک وزیرخارجہ بختیار سیدوف کے درمیان مذاکرات
-
امریکہ میں پاکستانی سفیر سے پنجابی سوسائٹی کے وفد کی ملاقات ، مختلف امورپر تبادلہ خیال
-
وزیرِاعظم سے ازبکستان کے وزیرخارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
وزیرِاعظم کی تکنیکی و فنی تعلیم کو یکساں کرنے،بیرونِ ملک پاکستانی افرادی قوت کے بہتر روزگار کیلئے پاکستان سکل کمپنی، سکل ڈویلپمنٹ فنڈ کے قیام ، تکنیکی و فنی تربیت کے شعبے میں اصلاحات کیلئے کمیٹی ..
-
نو مئی کی تحقیقات ہونی چاہیے اور ملزمان کو سزا ملنی چاہیے، جو ظلم کرے وہ بھی معافی مانگے.ڈاکٹرعارف علوی
-
امریکا کی جانب سے اسرائیل کو ہتھیاروں کی فراہمی روکنے کا باضابط اعلان سامنے آگیا
-
میں کیوں معافی مانگوں؟ عمران خان کا ڈی جی آئی ایس پی آر کو جواب
-
سی پیک کے پہلے مرحلے کے تحت 25 ارب ڈالر کے منصوبے پاکستان میں زیر تکمیل ہیں،احسن اقبال
-
نان اور روٹی کے سرکاری ریٹ کانیا نوٹیفکیشن بھی اسلام آباد ہائیکورٹ میں چیلنج
-
کینیڈا:سکھ شہری کو قتل کرنے کے الزام میںگرفتار 3 بھارتی شہریوں کو عدالت میں پیش کردیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.