لاہور، شاہدرہ میں سنگدل چچا نے اولاد نہ ہونے پر 3بھتیجوں کو گلے کاٹ کر قتل ،ماں ..
بند کریں
تازہ ترین ایڈ یشن کے لیے ابھی کلک کریں
جمعہ جون

مزید اہم خبریں

وقت اشاعت: 12/06/2015 - 18:50:02 وقت اشاعت: 12/06/2015 - 18:44:04 وقت اشاعت: 12/06/2015 - 18:43:00 وقت اشاعت: 12/06/2015 - 18:37:20 وقت اشاعت: 12/06/2015 - 18:37:20 وقت اشاعت: 12/06/2015 - 18:34:49 وقت اشاعت: 12/06/2015 - 18:33:06 وقت اشاعت: 12/06/2015 - 18:33:06 وقت اشاعت: 12/06/2015 - 18:30:17 وقت اشاعت: 12/06/2015 - 18:30:17 وقت اشاعت: 12/06/2015 - 18:30:17
پچھلی خبریں - مزید خبریں

لاہور

لاہور، شاہدرہ میں سنگدل چچا نے اولاد نہ ہونے پر 3بھتیجوں کو گلے کاٹ کر قتل ،ماں کو شدید زخمی کر دیا

واقعے کے بعد ملزم موقع سے فرار ہو گیا، پولیس نے ملزم کو گرفتار کر کے آلہ قتل برآمد کر لیا ،وزیر اعلیٰ پنجاب نے نوٹس لے لیا

لاہور ( اُردو پوائنٹ اخبار تازہ ترین۔ 12 جون۔2015ء) لاہور کے علاقہ شاہدرہ میں سنگدل چچا نے اولاد نہ ہونے پر 3بھتیجوں کو گلے کاٹ کر قتل کردیا جبکہ ماں کو بھی چھریوں کے وار کر کے شدید زخمی کر دیا اور موقع سے فرار ہو گیا، پولیس نے ملزم کو گرفتار کر کے آلہ قتل برآمد کر لیا جبکہ وزیر اعلیٰ پنجاب محمد شہباز شریف نے بھی واقعے کا نوٹس لیتے ہوئے سی سی پی او لاہور سے رپورٹ طلب کر لی ۔

بتایا گیا ہے کہ لاہور میں شاہدہ کے علاقہ فضل پارک میں فریاد اپنے چھوٹے بھائی کے ساتھ رہائش پذیر تھاجس کے تین بچے تھے ۔فریاد کی کوئی اولاد نہیں تھی جس پر اس کا اپنی بیوی سے اکثر جھگڑا رہتا تھا ، گزشتہ روز بھی فریاد نے اپنی بیوی سے جھگڑا کیاجس کے بعد فریاد نے طیش میں آ کر اپنے تین بھتیجوں ایک سالہ شکیل ، 3سالہ وسیم اور 5سالہ عظیم کو چھری سے گلے کاٹ کر قتل کر دیا ۔

اسی دوران بچوں کی ماں موقع پر پہنچی تو ملزم نے اس کو بھی چھری سے حملہ کر کے شدید زخمی کر دیا اور موقع سے فرار ہو گیا ۔ واقعے کا علم ہونے پر علاقہ مکینوں کی بڑی تعداد موقع پر پہنچ گئی اور اطلاع پر پولیس کی بھی بھاری نفری واقعے کے مقام پر پہنچ گئی ۔ ریسکیو ٹیموں نے موقع پر پہنچ کر تینوں بچوں کی لاشیں اور زخمی ماں کو میو ہسپتال منتقل کر دیا ۔ پولیس نے بروقت کارروائی کرتے ہوئے ملزم فریاد کو گرفتار کر کے آلہ قتل برآمد کر لیا ہے ۔ دوسری جانب وزیر اعلیٰ پنجاب محمد شہباز شریف نے بھی واقعے کا نوٹس لیتے ہوئے سی سی پی او لاہور سے رپورٹ طلب کر لی ہے ۔

12/06/2015 - 18:34:49 :وقت اشاعت