آئین کو منسوخ کرنے سے متعلق حمید گل کا بیان آئین کی کھلم کھلا خلاف ورزی اور جمہوری عمل کو پٹڑی سے اتارنے کی دعوت ہے، چیئرمین سینیٹ رضا ربانی
جمعہ 12 جون 2015 17:21
اسلام آباد ۔ 12 جون (اُردو پوائنٹ اخبار تازہ ترین۔ 12 جون۔2015ء) چیئرمین سینیٹ میاں رضا ربانی نے کہا ہے کہ کچھ دنوں سے آئین، پارلیمنٹ اور جمہوری نظام کو نشانہ بنایا جا رہا ہے، پارلیمان اس کو سنجیدگی سے نہیں لے رہی، اظہار رائے کی آزادی کا غلط استعمال نہیں ہونا چاہیے۔ انہوں نے ان خیالات کا اظہار جمعہ کو یہاں ایوان بالا میں سینیٹر عثمان کاکڑ کے نکتہ اعتراض کے جواب میں ریمارکس دیتے ہوئے کیا۔
انہوں نے کہا کہ آئین کو منسوخ کرنے سے متعلق لیفٹیننٹ جنرل (ر) حمید گل کا بیان آئین کی کھلم کھلا خلاف ورزی ہے اور یہ جمہوری عمل کو پٹڑی سے اتارنے کی دعوت ہے لیکن انہوں نے جن کے لئے یہ کہا ہے کہ وہ جمہوری عمل کو ڈی ریل نہیں کریں گے کیونکہ وہ اپنی ذمہ داری کو بخوبی جانتے ہیں۔(جاری ہے)
انہوں نے کہا کہ اس طرح کے بیانات نامناسب ہیں اور کچھ دنوں سے پارلیمنٹ، آئین اور جمہوری نظام کو نشانہ بنایا جا رہا ہے، یہ درست ہے کہ ہر کسی کو اظہار رائے کی آزادی ہے لیکن اس آزادی کو غلط استعمال نہیں کرنا چاہیے۔
سینیٹر سعید غنی نے کہا کہ حکومت کو لیفٹیننٹ جنرل (ر) حمید گل کے اس بیان کا نوٹس لینا چاہیے۔ سینیٹر فرحت اللہ بابر نے کہا کہ حمید گل سستی شہرت کے لئے ایسے بیانات دے رہے ہیں، پارلیمنٹ کو آئین کی بالادستی کے لئے قرارداد منظور کرنی چاہیے۔ سینیٹر عثمان کاکڑ نے کہا کہ حمید گل کافی عرصے سے اس طرح کے بیانات دیتے آ رہے ہیں ان کو سنجیدگی سے نہیں لیا گیا، اب اس کا نوٹس لیا جانا چاہیے۔ بیرسٹر محمد علی سیف نے کہا کہ لیفٹیننٹ جنرل (ر) حمید گل کے بیان کو سنجیدگی سے لینے کی ضرورت نہیں ہے تاہم میڈیا کے جو ادارے اس کی تشہیر کر رہے ہیں اس کا بھی نوٹس لیا جانا چاہیے۔ سینیٹر تاج حیدر نے کہا کہ حمید گل نے جو بیان دیا ہے اس پر ان کے خلاف کارروائی کا جائزہ لینے کی ضرورت ہے۔مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.