جھنگ میں قائم ہونے والی یونیورسٹی میں طالب علموں کو جدید سہولتیں فراہم کریں گے‘ ..
بند کریں
تازہ ترین ایڈ یشن کے لیے ابھی کلک کریں
جمعرات جون

مزید اہم خبریں

وقت اشاعت: 11/06/2015 - 18:14:09 وقت اشاعت: 11/06/2015 - 18:14:09 وقت اشاعت: 11/06/2015 - 18:11:54 وقت اشاعت: 11/06/2015 - 18:11:54 وقت اشاعت: 11/06/2015 - 18:10:09 وقت اشاعت: 11/06/2015 - 18:10:09 وقت اشاعت: 11/06/2015 - 18:08:30 وقت اشاعت: 11/06/2015 - 18:08:30 وقت اشاعت: 11/06/2015 - 18:04:45 وقت اشاعت: 11/06/2015 - 18:02:10 وقت اشاعت: 11/06/2015 - 18:02:10
پچھلی خبریں - مزید خبریں

لاہور

جھنگ میں قائم ہونے والی یونیورسٹی میں طالب علموں کو جدید سہولتیں فراہم کریں گے‘ راشدہ یعقوب شیخ

پوزیشن ہولڈرز کو گارڈآف آنر پیش کرنے کی روایت مسلم لیگ(ن) کی حکومت نے ہی ڈالی ہے ‘ پارلیمانی سیکرٹری

لاہور (اُردو پوائنٹ اخبار تازہ ترین۔ 11 جون۔2015ء)پارلیمانی سیکرٹری برائے ویمن ڈویلپمنٹ راشدہ یعقوب شیخ نے کہا ہے کہ شہبازشریف کے دور میں اہل جھنگ کو یونیورسٹی مل گئی ،پوزیشن ہولڈرز کو گارڈآف آنر پیش کرنے کی روایت پاکستان مسلم لیگ(ن) کی حکومت نے ہی ڈالی ہے اورآئندہ آنے والی کوئی حکومت اس روایت کو ختم نہیں کرسکتی ، جھنگ میں قائم ہونے والی یونیورسٹی میں طالب علموں کو جدید سہولتیں فراہم کریں گے،نوازشریف اور شہبا زشریف علم دوست اقدامات کررہے ہیں۔

کارکنوں سے خطاب کرتے ہوئے انہوں نے کہاکہ ہمارے نوجوان باصلاحیت ،ذہین اور پاکستان کا مستقبل ہیں۔ نئی نسل کو جدید علوم سے آراستہ کر کے ملک کو بانیان پاکستان کے تصورات کے مطابق جدید اسلامی فلاحی ریاست بنایا جاسکتا ہے ۔تعلیم ہر پاکستانی بچے کا حق ہے اور حکومت یہ حق اسے دے رہی ہے جھنگ یونیورسٹی کے قیام کا فیصلہ اسی سلسہ کی کڑی ہے ۔

پنجاب حکومت نے صوبے میں فروغ تعلیم کیلئے تاریخ ساز اقدامات کیے ہیں ۔پنجاب کے تعلیمی پروگراموں میں پنجاب سمیت پاکستان کی تمام اکائیوں کوشامل کیا گیا ہے جس سے قومی وحدت کا عمل مضبوط ہورہا ہے ۔پنجاب حکومت ہر سال پاکستان بھر سے پوزیشن ہولڈرز طلباء وطالبات کو کروڑوں ر وپے نقد انعامات کے علاوہ انہیں یورپ کے اعلی تعلیمی اداروں کے دوروں پربھی بھجوارہی ہے ۔

حکومت کے فروغ تعلیم کیلئے اٹھائے گئے تمام اقدامات کے نتائج کے حصول کیلئے تعلیمی نظام میں بھی اصلاح کی ضرورت ہے۔سال2014ء کے میٹرک اورانٹرمیڈیٹ کے امتحانات میں نمایاں پوزیشن حاصل کرنیوالے طلباء و طالبات میں پنجاب،سندھ،خیبر پختونخوا،بلوچستان،آزاد کشمیر،گلگت بلتستان اور فیڈرل بورڈ کے418 پوزیشن ہولڈرز میں 18کروڑ روپے سے زائد جبکہ بہترین کارکردگی دکھانے والے370 اساتذہ میں ساڑھے پانچ کروڑ روپے کے نقد انعامات اورتعریفی سرٹیفکیٹس تقسیم کیے گئے ہیں

11/06/2015 - 18:10:09 :وقت اشاعت