ملک میں اسلام کے عادلانہ نظام کی راہ میں امریکہ بھارت نہیں حکمران رکاوٹ ہیں ،ملک پرطبقاتی نظام مسلط ہے عوام کواچھوت سے زیادہ اہمیت نہیں دی جاتی ،14 جون کو اسلام آباد میں روہنگیا مسلمانوں پر ظلم و ستم کیخلاف مظاہرہ کیا جائے گا
جماعت اسلامی کے مرکزی نائب امیر راشد نسیم کا تعمیر سیرت کیمپ کے تیسرے روز شرکاء کیمپ سے خطاب
بدھ 10 جون 2015 22:12
لاہور ( اُردو پوائنٹ اخبار تازہ ترین۔ 10 جون۔2015ء ) جماعت اسلامی کے مرکزی نائب امیر راشد نسیم نے کہا ہے کہ ملک میں اسلام کے عادلانہ نظام کی راہ میں امریکہ بھارت نہیں حکمران رکاوٹ ہیں وہ نہیں چاہتے کہ عام آدمی اُن کے برابر کھڑا ہو ۔ملک پرطبقاتی نظام مسلط ہے عوام کواچھوت سے زیادہ اہمیت نہیں دی جاتی۔14؍جون کو اسلام آباد میں روہنگیا مسلمانوں پر ظلم و ستم کیخلاف مظاہرہ کیا جائے گا جس کی قیادت امیر جماعت اسلامی و سینیٹر سراج الحق کرینگے۔
الیکشن ٹریبونل کے فیصلے کیخلاف ہائی کورٹ میں اپیل دائر کرینگے، دیر میں جماعت اسلامی جیتی تو خواتین کے ووٹ یاد آگئے جبکہ اس سے قبل ہونیوالے انتخابات میں بھی خواتین نے ووٹ کا استعمال نہیں کیا تھا ۔ ہماری جیت سیکو لرطبقہ اور مغرب کی پروردا این جی اوز کو ہضم نہیں ہو رہی۔(جاری ہے)
دنیا میں انسانی سرمایہ سب سے اہم ہے نوجوانوں کی تعداد مسلمان ممالک میں 60سے65 فیصد ہے مستقبل اُمت مسلمہ کا ہے۔
وہ بدھ کو فورٹ منرو میں تعمیر سیرت کیمپ کے تیسرے روز شرکاء کیمپ سے خطاب کر رہے تھے۔ انہوں نے مزید کہا کہ بجٹ الفاظ کا گورکھ دھندہ ہے عوام کیلئے اس میں کوئی ریلیف نہیں دیا گیا۔ انہوں نے کہا کہ افغانستان میں مجسمے توڑنے پر شور مچانے والے افغانستان ، فلسطین، مقبوضہ کشمیر ، بنگلہ دیش، برما میں مسلمانوں کا خون بہا جا رہا ہے مگر اب اقوام متحدہ ، انسانی حقوق کے چیمپئن کو سانپ سونگھ گیا۔ انہوں نے کہا کہ پوری دنیا میں مسلمانوں کیخلاف سازش ہورہی ہے مگر مستقبل اُمت مسلمہ کا ہے ۔ یورپ مغرب میں اسلام کے بڑھتے قدموں سے پریشان ہے ۔انہوں نے کہا کہ مہنگائی، بے روزگاری اور غربت کے مارے عوام پر بجٹ کسی ڈرون حملے سے کم نہیں ۔نائب امیر جماعت اسلامی پنجاب چودھری عزیر لطیف نے خطاب کرتے ہوئے کہا کہ جماعت اسلامی اقامت دین کی تحریک ہے ہمارے مسائل کا حل قر آن وسنت کے عادلانہ نظام کا قیام ہے ۔ بلدیاتی انتخابات میں بھر پور حصہ لیا جائے ۔ کارکنان جماعت اس کی تیاری کریں۔ جماعت اسلامی ہی لوگوں کی اُمیدوں کا مرکز ہے عوام چوروں ،لٹیروں ، ڈاکوؤں ، کرپشن لوٹ مار ، کرپٹ حکمرانوں اور ظالمانہ نظام سے تنگ آچکے ہیں وہ تبدیلی چاہتے ہیں ۔ جماعت اسلامی ہی حقیقی تبدیلی لے کر آئے گی ۔ انہوں نے کہا کہ ہمیں اپنے محدود دائروں سے نکل کر سوچنا ہوگا ہمیں اپنی خامیوں و کمزوریوں کا جائزہ لے کر آئندہ کی حکمت عملی اپنا نی ہوگی۔ انہوں نے کہا کہ قر آ ن کی ہدایت اور رسول اﷲ ؐ کی سنت کے مطابق زندگی ڈھال کر ہی کامیابی ممکن ہے۔ جماعت اسلامی پنجاب کے ڈپٹی سیکر ٹری جنرل شیخ عثمان فاروق نے خطاب کرتے ہوئے کہا کہ اﷲ اور اُس کے رسول ؐ کی پیروی کرنے میں ہی اصل کامیابی ہے دنیا عارضی ٹھکانہ ہے اصل منزل آخرت کی کامیابی ہے۔ دنیا کے راستے چلنے والے حلال حرام، نیکی وبدی ، اچھائی برائی کی تمیز کھو دیتے ہیں اﷲ کی پیروی کرنیوالوں کو آخرت بھی ملتی اور دنیا بھی ۔آخری نشست سے جماعت اسلامی پنجاب کے ڈپٹی سیکر ٹری جنرل راؤ ظفر اقبال، ضلعی اُمراء رانا عمر دراز فاروقی، پروفیسر قاضی عبدالسمیع، چودھری مبشر نعیم، ڈاکٹر طاہر چودھری ، ڈاکٹر عمران فاروق، ڈاکٹر خیر محمد ، چودھری ولید نے بھی خطاب کیا ۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.