وزیراعلیٰ خیبرپختونخوا نے نوشہرہ میڈیکل کالج کی بلڈنگ کے ڈیزائن کی منظوری دیدی
ہسپتال میں ناکافی یا نامکمل سہولتوں بارے بعد میں کوئی عذر قبول نہیں کیا جائیگا،پرویزخٹک
بدھ 10 جون 2015 20:15
پشاور(اُردو پوائنٹ اخبار تازہ ترین۔ 10 جون۔2015ء) وزیراعلیٰ خیبرپختونخوا پرویز خٹک نے نوشہرہ میڈیکل کالج کی بلڈنگ کے ڈیزائن کی منظوری دے دی ہے اُنہوں نے متعلقہ حکام کو ہدایت کی ہے کہ نوشہرہ کا نیا ٹیچنگ ہسپتال سرکاری انتظامیہ کے بجائے خود مختار بورڈ کے زیر انتظام شروع کیا جائے اور ہسپتال شروع کرنے سے قبل سو فیصد سہولیات پوری کی جائیں اُنہوں نے خبردار کرتے ہوئے کہا کہ ہسپتال میں ناکافی یا نامکمل سہولتوں کے بارے میں بعد میں کوئی عذر قبول نہیں کیا جائے گا یہ ہدایات اُنہوں نے بدھ کے روز وزیراعلیٰ ہاؤس میں نوشہرہ میڈیکل کالج اینڈ ٹیچنگ ہسپتال سے متعلق اجلاس کی صدارت کرتے ہوئے جاری کیں اجلاس میں خزانہ ، صحت ، سی اینڈ ڈبلیو کے سیکرٹریوں کے علاوہ وزیراعلیٰ کے سپیشل سیکرٹری ، نوشہرہ میڈیکل کالج کے پرنسپل، منصوبے کے کنسلٹنٹ اور دیگر متعلقہ افسروں نے شرکت کی اجلاس کو بتایاگیا کہ نوشہرہ ٹیچنگ ہسپتال تکمیل کے آخری مراحل میں ہے اور اس کا افتتاح دو ماہ کے اندر کیا جائے گا جبکہ نو شہرہ میڈیکل کالج میں آئندہ نومبر سے کلاسیں شروع کرنے کے اقدامات کئے جارہے ہیں وزیراعلیٰ پرویز خٹک نے ہدایت کی کہ ہسپتال میں جب تک تمام سہولیات اور عملہ سو فیصدپورا نہ ہو ہسپتال میں علاج معالجہ شروع نہ کیا جائے اُنہوں نے حکم دیتے ہوئے کہا کہ نئے ہسپتال کو سرکاری انتظامیہ کے بجائے شروع سے ہی خود مختار بورڈکے ذریعے چلایا جائے اور بورڈ میں اچھی شہرت کے حامل ایسے افراد کو شامل کیا جائے جو جدید تقاضوں اور عالمی معیار کے مطابق ہسپتال کو چلا سکیں اور اس کام میں کسی قسم کا سیاسی دباؤ حتیٰ کہ میری سفارش بھی قبول نہ کریں وزیراعلیٰ نے میڈیکل کالج کے ڈیزائن کی منظوری دیتے ہوئے محکمہ سی اینڈ ڈبلیو کو ہدایت کی کہ وہ تمام نئی سکیمیں ایک سال کے اندر مکمل کرنے سے متعلق صوبائی حکومت کی پالیسی پر عمل کرتے ہوئے نوشہرہ میڈیکل کالج کی عمارت کی تعمیر بھی ایک سال کے اندر مکمل کرے اُنہوں نے ہسپتال اور کالج کے ایمرجنسی شعبہ جات میں بجلی کی بلاتعطل فراہمی کیلئے سولر سسٹم نصب کرنے کی بھی ہدایت کی اور متعلقہ محکموں کو میڈیکل کالج کی عمارت کے تعمیراتی منصوبے کا پی سی ون ایک ہفتے کے اندر پیش کرنے کیلئے کہا۔
متعلقہ عنوان :
مزید اہم خبریں
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.