راولپنڈی اسلام آباد میٹرو کا نام آج سے پاکستان میٹرو بس سروس ہے، راولپنڈی اور اسلام آباد کے درمیان میٹرو بس پر تین دن میں ایک لاکھ24 ہزار500افراد نے سفرکیا، شہریوں کو میٹروبس تک لانے کیلئے فیڈر سروس شروع کی جائے گی، میٹرو بس سروس سے شہریوں کو باعزت طریقے سے سفرکرنے کا موقع ملا،بدعنوانی کے خاتمہ کا تہیہ کررکھا ہے، چاروں صوبوں کی ترقی پاکستان کی ترقی ہے،وزیراعلیٰ پنجاب محمد شہباز شریف کی پریس کانفرنس
اتوار 7 جون 2015 16:17
اسلام آباد ۔ 07 جون (اُردو پوائنٹ اخبار تازہ ترین۔ 07 جون۔2015ء) وزیراعلیٰ پنجاب محمد شہباز شریف نے کہا ہے کہ راولپنڈی اسلام آباد میٹرو کا نام آج سے پاکستان میٹرو بس سروس ہے، راولپنڈی اور اسلام آباد کے درمیان میٹرو بس پر تین دن میں ایک لاکھ24 ہزار500افراد نے سفرکیا، شہریوں کو میٹروبس تک لانے کیلئے فیڈر سروس شروع کی جائے گی، میٹرو بس سروس سے شہریوں کو باعزت طریقے سے سفرکرنے کا موقع ملا،بدعنوانی کے خاتمہ کا تہیہ کررکھا ہے، چاروں صوبوں کی ترقی پاکستان کی ترقی ہے ۔
وزیراعلیٰ پنجاب محمد شہباز شریف نے اتوار کو راولپنڈی اور اسلام آباد کے درمیان میٹرو بس سروس پر سفرکیا، وزیر اطلاعات ونشریات سینیٹر پرویز رشید اور چیئرمین میٹرو بس منصوبہ راولپنڈی اسلام آباد حنیف عباسی بھی ان کے ہمراہ تھے۔(جاری ہے)
بعد میں پریس کانفرنس کرتے ہوئے وزیراعلیٰ محمد شہباز شریف نے کہا کہ راولپنڈی اور اسلام آباد کے درمیان چلنے والی میٹرو بس سروس کا نام راولپنڈی اسلام آباد میٹرو بس سروس نہیں بلکہ یہ آج سے پاکستان میٹروبس سروس ہے ۔
انہوں نے کہا کہ راولپنڈی اسلام آباد میٹروبس سروس کا موازنہ دنیا کی کسی بھی میٹرو بس سروس سے کیا جاسکتا ہے، تمام عمر اورمختلف شعبوں کے لوگ میٹروبس سروس میں سفر کررہے ہیں۔ انہوں نے کہا کہ پاکستان کے ہر علاقے کے لوگ اسلام آباد میں کام کرتے ہیں۔ اس طرح ہر علاقے کے لوگ میٹرو بس پر سفر کررہے ہیں۔ انہوں نے کہا کہ میٹرو بس سروس سے شہریوں کو باعزت طریقے سے سفرکرنے کا موقع ملا ہے جس کی وجہ سے میٹروبس سروس کے صدر سٹیشن راولپنڈی پر لمبی قطاریں لگی ہوئی ہیں۔انہوں نے کہا کہ مسافروں نے مجھے بتایا ہے کہ پہلے اسلام آباد جانے کیلئے تین گاڑیاں بدلنا پڑتی تھیں۔ میٹرو بس سے اسلام آباد کا نظارہ انتہائی دلکش ہے۔ وزیراعلیٰ پنجاب محمد شہباز شریف نے کہا کہ انہوں نے میٹرو بس کے ٹکٹ خریدنے کیلئے کاؤنٹرز بڑھانے کی ہدایت کی ہے۔ انہوں نے کہا کہ انہوں نے اسلام آباد اور راولپنڈی کے درمیان میٹروبس سروس کے روٹ کا مکمل جائزہ لیا ہے۔ میٹرو میں اچھا کام کرنے والی تعمیراتی کمپنیوں کی حوصلہ افزائی کی جائے گی۔ وزیراعلیٰ پنجاب نے کہا کہ حکومت سنبھالتے ہی بدعنوانی کے خاتمہ کا تہیہ کررکھا ہے، چاروں صوبوں کی ترقی پاکستان کی ترقی ہے، وفاقی بجٹ میں کراچی گرین لائن میٹروبس سروس کیلئے رقم مختص کی گئی ہے۔ انہوں نے کہا کہ میٹرو بس کے معیار پر کوئی سمجھوتہ نہیں کیا جائے گا۔ راولپنڈی اور اسلام آباد کے درمیان میٹروبس پر تین دن میں ایک لاکھ25 ہزار500 افراد نے سفرکیا۔ شہریوں کو میٹرو سٹیشنز تک لانے کیلئے تین ماہ میں فیڈر سروس شروع کریں گے۔ فیڈر سروس کیلئے نئی بسیں خریدی جائینگی۔ انہوں نے کہا کہ میٹرو روٹ پر68 بسیں چل رہی ہیں اور ضرورت پڑنے پر مزید بسیں چلائیں گے جبکہ فیڈر بس سروس کا کرایہ میٹرو بس سروس کے کرائے میں شامل ہوگا۔ وزیراعلیٰ پنجاب محمد شہباز شریف نے کہا کہ انہوں نے میٹرو بس اتھارٹی کو آگہی مہم شروع کرنے کی ہدایت کی ہے۔ میٹرو بس سروس ہر طبقے کی بس ہے ، پمز ہسپتال کے قریب میٹرو سٹیشن کا نام پمز سٹیشن رکھا گیا ہے۔ انہوں نے کہا کہ میٹروبس سروس میں سفر کرنے والوں کیلئے سیکیورٹی کا بندوبست بھی کیا گیا ہے۔ انہوں نے کہا کہ ہم نے زندگی کے ہر شعبے میں پاکستان کی تعمیر کا عزم کیا ہوا ہے۔متعلقہ عنوان :
مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.