وار-ٹو کی شوٹنگ اگلے مہینے سے
فہد شبیر پیر 1 جون 2015 00:01
لاہور(اُردو پوائنٹ اخبارتازہ ترین۔31مئی۔2015ء)ڈائریکٹر – پروڈیوسر ڈاکٹرحسن وقاص رانا کی فلم ’یلغار‘ کے بارے میں کافی عرصہ سےخاموشی ہے ، البتہ اتنا ضرور معلوم ہوا ہے کہ وہ ان دنوں بلاک بسٹر ’وار‘ کے سیکوئل پر زور و شور سے کام کر رہے ہیں اور اگلے مہینے لندن میں ’وار ٹو‘ کی شوٹنگ بھی شروع ہو جائے گی۔ وار کے ریلیز ہونے کے بعد ہدایت کار بلال لاشاری اور وقاص رانا کے درمیان مالیاتی جنگ بھی چلتی رہی، تاہم اس مرتبہ وقاص رانا نے’ وار ٹو‘ پروڈیوس کرنے کے ساتھ ساتھ سکرپٹ رائٹنگ اور ہدایت کاری کی ذمہ داری بھی اٹھا لی۔
وقاص رانا نے ڈان۔ کام سے گفتگو میں تصدیق کرتے ہوئے بتایا کہ فلم کی کاسٹ اور کریو شوٹنگ کیلئے لندن جانے والا ہے۔ انہوں نے بتایا کہ شان شاہد اس مرتبہ بھی مرکزی کردار میں نظر آئیں گے جبکہ ان کے ساتھ بلال اشرف اور ایوب کھوسہ بھی ہوں گے۔(جاری ہے)
’ہم ان تینوں اداکاروں کے ساتھ لندن اور پراگ میں شوٹنگ کا پہلا مرحلہ مکمل کریں گے۔ہماری بعض عالمی اداکاروں سے بھی بات چیت جاری ہے اور جلد ہی اس حوالے سے تفصیلات عام کی جائیں گی‘۔
جب ان سے پوچھا گیاکہ آیا ہمایوں سعید اور عدنا ن صدیقی بھی فلم میں کام کریں گے؟ تو ان کا کہنا تھاکہ دونوں سے بات چیت ہوئی ہے لیکن ان کے کام کرنے کا دارومدار ان کی مصروفیت پر ہے۔ رانا نے بتایا کہ کریو میں مقامی اور انٹرنیشنل تکنیکی عملہ شامل ہے جو دنیا کے مختلف حصوں میں عکس بندی کے دوران اپنی ذمہ داریاں ادا کرے گا۔ ’یہ فلم برطانیہ، روس، یوگوسلاویہ، ترکی، کینیڈا اور امریکا میں بنائی جائے گی اور اگلے سال اس کی ریلیز کا منصوبہ ہے۔ فلم ’یلغار‘ کے بارے میں رانا نے بتایا کہ اس کا پہلا پرومو جون میں متوقع اور ریلیز رواں سال ہی شیڈول ہے۔مزید فن و فنکار کی خبریں
-
نازتھیٹر میں آفرین پری، فیروزہ علی اور زارہ خان کے درمیان سخت مقابلہ شائقین کی سیٹیاں اور تالیاں
-
وزیراعلی پنجاب کی طرف سے گلوکار غلام عباس کے علاج کیلئے مالی امدادکااعلان
-
کامیڈین ببو برال کی 13ویں برسی منائی گئی
-
ملائیشیا کی حسینہ سے ’بیوٹی کوئین‘ کا اعزاز واپس لے لیا گیا
-
رومانوی کردار ادا کرتے ہوئے ساتھی اداکار سے محبت ہوگئی تھی، نوال سعید
-
شادی کے بعد شوبز سے دوری اختیار کرلوں گی، مہوش حیات
-
اداکارسلمان خان کے گھر کے باہر فائرنگ پر پوجا بھٹ کا ردعمل
-
اداکار سلمان خان کی رہائشگاہ پر فائرنگ، حملہ آوروں کا خاکہ جاری
-
اداکارہ پریانکا چوپڑا کو اپنی کزن پرینیتی چوپڑا کی فلم ’’چمکیلا‘‘ بھا گئی
-
یہ صرف نذرانہ ہے، فائرنگ کے بعد سلمان خان کو نئی دھمکی مل گئی
-
فوٹوگرافرز کے پیچھا کرنے پر اداکار رنبیر کپور برہم
-
اکشے کمار اپنا پرانا کرائے کا مکان خریدنے کے خواہشمند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.