بلدیاتی انتخابات کے دوران بعض مقامات پر بدنظمی اور پر تشدد واقعات قابل مذمت ہیں،مشتاق غنی
سہ فریقی اتحاد کے کارکنوں نے پشاور سمیت صوبہ کے دیگر مقامات پر قائم پولنگ اسٹیشنز پر دھاوا بولا جس کی وجہ سے توڑ پھوڑاور پر تشدد واقعات رونما ہوئے ہیں صوبے کے بعض اضلاع میں خواتین کو حق رائے دہی سے محروم رکھنے کے واقعات قابل افسوس ہیں،،جن پولنگ اسٹیشنز پر خواتین کو ووٹ ڈالنے سے روکا گیا ان پولنگ اسٹیشنز کے نتائج کو کالعدم قرار دیا جائے،وزیراطلاعات خیبرپختونخوا
ہفتہ 30 مئی 2015 22:27
پشاور(اُردو پوائنٹ اخبار تازہ ترین۔ 30 مئی۔2015ء) خیبر پختونخوا کے وزیر اطلاعات و تعلقات عامہ اور اعلیٰ تعلیم مشتاق احمد غنی نے بلدیاتی انتخابات کے دوران صوبہ کے مختلف مقامات پر پر تشدد واقعات میں ہونیوالی ہلاکتوں پر افسوس کا اظہار کیا ہے۔ یہاں سے جاری ایک بیان میں صوبائی وزیر نے کہا کہ بلدیاتی انتخابات کے دوران بعض مقامات پر بدنظمی اور پر تشدد واقعات قابل مذمت ہیں، صوبائی حکومت نے صوبے کے حساس اضلاع میں پولنگ سٹیشنز پر سیکیورٹی کے سخت اقدامات کئے تھے تاہم الیکشن کمیشن کی جانب سے اٹھائے گئے انتظامات زیادہ تسلی بخش نہیں تھے، پولنگ اسٹیشنز پر بد نظمی اور پر تشدد واقعات کی جتنی بھی مذمت کی جائے کم ہے۔
انہوں نے کہا کہ سہ فریقی اتحاد کے کارکنوں نے پشاور سمیت صوبہ کے دیگر مقامات پر قائم پولنگ اسٹیشنز پر دھاوا بولا جس کی وجہ سے توڑ پھوڑاور پر تشدد واقعات رونما ہوئے ہیں۔(جاری ہے)
انہوں نے کہا کہ شکست کے خوف کی وجہ سے نام نہاد سیاسی جماعتوں کے کارکنوں نے پر امن انتخابات میں بد امنی پھیلانے کی کوشش کی جو کہ قابل افسوس ہے۔ صوبائی حکومت جاں بحق افراد کے لواحقین کے غم میں برابر کی شریک ہے اور مرحومین کی مغفرت کی دعا کرتی ہے۔
مشتاق احمد غنی کا کہنا تھا کہ صوبے کے بعض اضلاع میں خواتین کو حق رائے دہی سے محروم رکھنے کے واقعات قابل افسوس ہیں کیونکہ ووٹ خواتین کا آئینی و جمہوری حق ہے جس سے انہیں محروم نہیں رکھا جا سکتا تھا لیکن خواتین پھر بھی گھروں سے باہر نکلی ہیں اور اپنے ووٹ کا حق استعمال کیا ہے۔مشتاق احمد غنی کا کہنا تھا کہ صوبائی حکومت نے خواتین کو ووٹ ڈالنے سے روکنے کے واقعات الیکشن کمیشن کے نوٹس میں لائے تھے اور الیکشن کمیشن سے اپیل کی تھی کہ جن پولنگ اسٹیشنز پر خواتین کو ووٹ ڈالنے سے روکا گیا ان پولنگ اسٹیشنز کے نتائج کو کالعدم قرار دیا جائے۔متعلقہ عنوان :
مزید قومی خبریں
-
اٹک پولیس نے مرغوں کی لڑائی پرقمار بازی کرنے والے 10 افراد گرفتارکرلئے
-
اٹک ، سرکاری سکول سے سولرپلیٹس چوری کرنے والاملزم گرفتار
-
تین سالہ معصوم بچے اغواء کرکے جنسی زیادتی کرنے والا درندہ صفت ملزم اپنے ہی ساتھیوں کی فائرنگ سے ہلاک
-
رہنما پیپلز پارٹی آصفہ بھٹو زرداری کے ممبر قومی اسمبلی منتخب ہونے پرمسیحی برادری کا جشن
-
پیپلز پارٹی پنجاب کے ضمنی الیکشن میں ن لیگ کی مکمل حمایت کرے گی، رہنما پی پی پی راجہ پرویزاشرف
-
محکمہ ایجوکیشن کا سینئرکلرک رشوت لیتے رنگے ہاتھوں گرفتار
-
صوبائی وزراء خواجہ سلمان رفیق ، بلال یاسین کا حالات کا جائزہ لینے کیلئے گورنمنٹ میاں منشی ہسپتال کا دورہ
-
جیکب آباد، 30 سالہ نوجوان نے گلے میں رسی ڈال کر خودکشی کرلی
-
نومئی کے حملہ آور آج ملکی مفاد پر حملہ آور ہیں، عطااللہ تارڑ
-
وفاقی وزیر برائے وفاقی تعلیم اور پیشہ ورانہ تربیت سے برطانوی ہائی کمشنر کی ملاقات، تعلیمی شعبہ کی صوبوں کو منتقلی سے درپیش چیلنجز اور مواقع پر بھی تبادلہ خیال
-
چیچہ وطنی بوریوالہ روڈ پر منی ٹرک کی ٹکر سے موٹر سائیکل پر سوار دو افراد جاں بحق
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.