آم کی برآمد سے ہر سال ملک کو کثیر زرمبادلہ حاصل ہوتا ہے، ڈاکٹر انجم علی
ہفتہ 30 مئی 2015 21:34
ملتان۔30 مئی(اُردو پوائنٹ اخبار تازہ ترین۔ 30 مئی۔2015ء) ڈائریکٹر جنرل پیسٹ وارننگ زراعت پنجاب ڈاکٹر انجم علی بُٹر کی زیر نگرانی پنجاب میں آم کے پھل کی مکھی کے تدارک کے سلسلہ میں آگاہی مہم چلائی جا رہی ہے جس میں محکمہ زراعت پیسٹ واننگ کا عملہ فیلڈ میں جا کر ایک جنسی پھندا اپنے وسائل سے لگا کر باغبانوں کو اس کی عملی تربیت فراہم کر رہا ہے۔
یہ بات اسسٹنٹ ڈائریکٹر پیسٹ وارننگ اینڈ کوالٹی کنٹرول ملتان احمد نوید احسن نے شیر شاہ اور سلطان پور ہمڑ میں آم کے باغبانوں کے اجتماع سے خطاب کرتے ہوئے بتائی۔انہوں نے کہا کہ آم کی برآمد سے ہر سال ملک کو کثیر زرمبادلہ حاصل ہوتا ہے لیکن پھل کی مکھی کے حملہ کے باعث آم کا معیار بری طرح متاثر ہوتا ہے اس لئے اس کا تدارک ناگزیر ہے۔(جاری ہے)
باغبان آم کی بہتر اور پھل کی مکھی سے پاک پیداوار کے حصول کے لئے نر مکھی کے تدارک کے لئے میتھائل یوجینال (Methyl Eugenol) کے 6 جنسی پھندے فی ایکڑ لگائیں یہ عمل ہر 10 دن کے وقفہ سے دہرائیں جبکہ مادہ مکھی کے تدارک کیلئے پروٹین ہائیڈرولائسیٹ (Protein Hydrolysate) کے محلول کو ہر دوسرے پودے پر ایک مربع میٹر جگہ پر سپرے کریں اور یہ عمل بھی ہر 10 دن کے وقفہ سے دہرائیں۔
اس کے علاوہ پٹ سن کو بوریوں کے شیرے میں بھگو کر ان کے اوپر تھوڑی مقدار میں ٹرائی کلورفان کا دھوڑا کریں اور ان کو باغ میں سایہ دار جگہوں پر رکھیں تاکہ پھل کی مکھی کا تدارک ہو سکے۔ انہوں نے کہا کہ باغ میں گِرے ہوئے اور خراب پھل کو روزانہ اکٹھا کر کے باغ سے باہر زمین میں گہرا گڑھا کھود کر دبا دیں۔ اس موقع پر زراعت افسر پیسٹ وارننگ سید عصمت حسین بخاری نے اپنے خطاب میں کہا کہ باغبان اپنے آم کے باغات میں پھل کی مکھی کے کنٹرول کے لئے اس کے دیگر میزبان پودوں مثلاً ترشاوہ پھلوں، امرود، بیر، پپیتا، بینگن، بیل والی سبزیوں اور جڑی بوٹیوں پر بھی پھل کی مکھی کے تدارک کو یقینی بنائیں۔متعلقہ عنوان :
مزید اہم خبریں
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.