ایس این جی پی ایل کی مبینہ سستی اورپراسس کو پیچیدہ بنا ئے جانے کے باعث پنجاب میں سی این جی اسٹیشنز مکمل طور پر نہ کھل سکے
مختلف مقامات پر جزوی طور پر سی این جی اسٹیشنز کھل گئے ، مکمل بحالی میں مزید دو سے تین روز کا وقت لگ سکتا ہے ‘ ذرائع
جمعہ 29 مئی 2015 19:40
لاہور( اُردو پوائنٹ اخبار تازہ ترین۔ 29 مئی۔2015ء) سوئی نادرن گیس پائپ لائنز کی مبینہ سستی اورپراسس کو پیچیدہ بنا ئے جانے کے باعث پنجاب میں سی این جی اسٹیشنز مکمل طور پر نہ کھل سکے ،مختلف مقامات پر جزوی طور پر سی این جی اسٹیشنز کھل گئے جبکہ پنجاب بھر میں مکمل بحالی میں مزید دو سے تین روز کا وقت لگ سکتا ہے ۔ حکومت کی طرف سے آٹھ ماہ کی طویل بندش کے بعد پنجاب کے سی این جی اسٹیشنز کو جمعہ کے روز دوبارہ سے گیس فراہمی کا اعلان کیا گیا تھا تاہم ایس این جی پی ایل کی مبینہ سستی اور پراسس کو پیچیدہ بنائے جانے کے باعث پنجاب میں سی این جی اسٹیشنز مکمل طو رپر نہیں کھل سکے ۔
ذرائع کے مطابق ایس این جی پی ایل کی طرف سے ایل این جی پر منتقلی کے باعث ڈیمانڈ نوٹس دئیے جانے میں تاخیر کی جارہی ہے ۔(جاری ہے)
ذرائع کے مطابق بعض سی این جی اسٹیشنز مالکان کے ذمے بقایا جات بھی ہیں جسکے لئے انہیں ادائیگی پر زور ڈالا جارہا ہے تاہم آٹھ ماہ کی بندش کی وجہ سے مالکان ادائیگی کرنے کی پوزیشن میں نہیں ہیں ۔ سی این جی ایسوسی ایشن کے ذرائع کے مطابق سی این جی اسٹیشنز مالکان سے دوبارہ ڈیمانڈ نوٹس کی مد میں رقم مانگنا زیادتی ہے لیکن اسکے باوجود مالکان ڈیمانڈ نوٹس دینا چاہتے ہیں لیکن سوئی نادرن گیس پائپ لائنز کی طرف سے کسٹمر سروس سنٹر سستی کا مظاہرہ کر رہا ہے جبکہ دیگر معاملات کو بھی پیچیدہ بنا دیا گیا ہے ۔
ذرائع نے بتایا کہ بہت سے سی این جی اسٹیشنز مالکان سوئی نادرن گیس پائپ لائنز کی انتظامیہ کے رویے کی وجہ سے تذبذب کا شکار ہیں وہ اس بات کا انتظار کر رہے ہیں جو مالکان پہلے ہی ادائیگیاں کرچکے ہیں انہیں گیس کی فراہمی اور انکا کاروبار چلنے کے بعد وہ ادائیگیاں کریں گے جسکی وجہ سے پنجاب میں سی این جی اسٹیشنز کی اکثریت بند پڑی ہے ۔ذرائع کے مطابق پنجاب میں مکمل سی این جی اسٹیشنز کھلنے میں مزید دو سے تین روز کا وقت لگ سکتا ہے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.