چین میں کوئی مذاکرات نہیں ہوئے، افغان طالبان کی تردید، امریکی اخبار کی رپورٹ افواہ ہے اس طرح کی افواہوں کے ذریعے دشمن اپنے سکیورٹی اہلکاروں کا مورال بڑھانا چاہتا ہے،طالبان ترجمان ذبیح اللہ مجاہد
منگل 26 مئی 2015 00:00
کابل(اُردو پوائنٹ اخبارتازہ ترین - آئی این پی۔25 مئی۔2015ء) افغان طالبان نے چین میں خفیہ مذاکرات کے حوالے سے امریکی اخبار کی رپورٹ کو مسترد کرتے ہوئے کہا ہے کہ ان کے کسی عہدیدار نے افغان حکام کے ساتھ مذاکرات کے لیے گزشتہ ہفتے چین کا دورہ نہیں کیا۔غیر ملکی میڈیا کے مطابق افغان طالبان کے ترجمان ذبیح اللہ مجاہد نے بذریعہ ای میل بھیجے جانے والے ایک بیان میں اس ملاقات کی تردید کی ہے۔
ترجمان نے امریکی اخبار کی رپورٹ کو افواہ قرار دیتے ہوئے کہا ہے کہ اس طرح کی افواہوں کے ذریعے دشمن اپنے سکیورٹی اہلکاروں کا مورال بڑھانا چاہتا ہے۔ اس سے قبل امریکی اخبار 'وال اسٹریٹ جرنل' نے چند روز قبل اپنی ایک رپورٹ میں دعوی کیا تھا کہ طالبان نے رواں ہفتے چین کے شمال مغربی شہر ارمچی میں افغان حکام کے ساتھ مذاکرات کیے تھے۔(جاری ہے)
اخبار کی رپورٹ کے مطابق دو روز جاری رہنے والی بات چیت میں طالبان کا چار رکنی وفد اور افغانستان کی اعلی امن کونسل کے سینئر ارکان شریک تھے جن کی قیادت ملک کے نئے وزیر دفاع محمد معصوم استانکزئی کر رہے تھے۔
وال اسٹریٹ جرنل' نے اپنی رپورٹ میں کہا تھا کہ مذاکرات کا انعقاد چین کی حکومت نے پاکستانی فوج کی انٹیلی جنس ایجنسی کے تعاون سے کیا تھا جس کا مقصد طالبان اور افغان حکومت کے درمیان امن مذاکرات کے امکان کا جائزہ لینا تھا۔اخبار نے دعوی کیا تھا کہ 19 اور 20 مئی کو ہونے والے مذاکرات میں چین اور آئی ایس آئی کے حکام بھی شریک ہوئے تھے۔ دونوں ملکوں کے حکام نے تاحال اس خبر پر کوئی تبصرہ نہیں کیا ہے۔مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.