قومیں جذبہ حب الوطنی کے بغیر زندہ نہیں رہ سکتیں، آج قومی یکجہتی کیلئے حکیم محمد سعید کے اخوت و محبت کے مشن کو عام کرنے کی ضرورت ہے‘ ترقی یافتہ ممالک علم کی بدولت ہی آج عالمی سرخیل بنے ہوئے ہیں‘قوم کے مستقبل نوجوان نسل کو نظریہ پاکستان سے روشناس کراناضروری ہے
چانسلر ہمدرد یونیورسٹی سعدیہ راشد کی صحافیوں سے بات چیت
ہفتہ 23 مئی 2015 22:02
اسلام آباد (اُردو پوائنٹ اخبار تازہ ترین۔ 23 مئی۔2015ء) چانسلر ہمدرد یونیورسٹی سعدیہ راشد نے کہا ہے کہ قومیں جذبہ حب الوطنی کے بغیر زندہ نہیں رہ سکتیں، آج قومی یکجہتی کیلئے حکیم محمد سعید کے اخوت و محبت کے مشن کو عام کرنے کی ضرورت ہے، ترقی یافتہ ممالک علم کی بدولت ہی آج عالمی سرخیل بنے ہوئے ہیں۔قوم کے مستقبل نوجوان نسل کو نظریہ پاکستان سے روشناس کراناضروری ہے۔
قومی وسائل سے مالا مال قائداعظم اور علامہ محمد اقبال کے پاکستان کا ہر فرد سچا پاکستانی بن جائے تو ملک دنیا کے ترقی یافتہ ممالک میں شمار ہو سکتا ہے۔ مختلف تعلیمی سسٹم قوم کو طبقات میں تقسیم کررہے ہیں۔ وہ گزشتہ روز یہاں صحافیوں سے گفتگو کررہی تھیں۔ انہوں نے کہا کہ تعلیمی انقلاب کے بغیر قومی استحکام کا تصور ناممکن ہے۔(جاری ہے)
تعلیم قوم کی پہلی ترجیح ہونی چاہئے۔
دینی اور دینوی تعلیم کا امتیاز غیر فطری اور غیر اسلامی ہے۔ پرائمری سطح پر تعلیمی نصاب مختصر ہونا چاہئے اور مقامی زبانوں کی ترویج بھی ضروری ہے۔ اردو کا فروغ آئین کا تقاضا بھی ہے۔ہمدرد کے اداروں میں شروع سے اردو زبان رائج ہے۔اعلیٰ تعلیم کو مزید ضابطوں کا پابند بنانے کی ضرورت ہے۔ ڈاکٹر عطاء الرحمان نے انقلابی اقدامات کئے، پھر ڈاکٹر جاوید لغاری کے بعد اب ڈاکٹر مختار احمد کی کاوش کے نتائج سامنے آرہے ہیں۔ حکیم سعید ایک وژن اور مشن کا نام ہے۔ وہ خود کو علامہ اقبال اور قائداعظم کا ایک سپاہی قرار دیتے تھے۔ انہوں نے نوجوان نسل کی تربیت کیلئے مدینہ الحکمت ادارہ قائم کیا۔ مقام ابراہیم پر دوران حج انہیں علم کے شعبہ میں کام کرنے کا اشارہ ہوا۔ کراچی میں 900 بچوں کویونیفارم اور کتب مفت فراہم کی جارہی ہیں۔ ہمدرد ویلیج سکول قائم کئے گئے ہیں جن میں دیہات اورگوٹھوں کے بچوں کو مفت تعلیم دی جارہی ہے۔ نونہال اسمبلی کے علاوہ انٹرنیشنل ہیلتھ کانفرنس منعقد کی جاتی ہے۔ حکیم سعید نے تحریر وتصنیف میں بھی بڑا کام کیا اور فلاحی شعبے کو بہت زیادہ توجہ دی۔ مدر اینڈ چائلڈ کا شعبہ قائم کیا جسے اب مکمل ہسپتال کا درجہ دیا جارہا ہے۔ 5 لاکھ کتب پر مبنی لائبریری قائم کی گئی ہے۔ اب اسلام آباد میں شہر علم و حکمت قائم کیا جارہا ہے۔ انہوں نے فروغ تعلیم کو تجارتی بنیادوں پر نہیں ایک مشن کے طور پر اپنایا۔ مستحق بچوں کو سالانہ چار کروڑ روپے کے وظائف دیئے جارہے ہیں۔ حکیم سعید نے بطور گورنر کوئی تنخواہ وصول نہ کی۔ پہلی مرتبہ چار یونیورسٹیوں سرسید، بقائی، فاطمہ جناح اور ضیاء الدین یونیورسٹی کی منظوری دی جبکہ اپنی ہمدرد یونیورسٹی کو خود چارٹر نہیں کیا۔ سب سے پہلے اردو کمپوزنگ جنگ اور ہمدرد میں رائج ہوئی، میرٹ پر سختی سے پابندی کی جاتی ہے۔ پی ایچ ڈی کا مقالہ چیکنگ کیلئے بیرون ملک بھی بھیجا جاتا ہے۔ انہوں نے کہا ہے کہ یونیورسٹی کا تصور مسجد نبوی سے لیا گیا ہے۔ دینی اور دنیاوی تعلیم میں تفریق مغرب کی نقالی ہے۔ نجی شعبہ تعلیمی کی فراہمی کے حکومتی فریضے میں معاون ثابت ہورہا ہے۔ حکومت اس شعبے کوریگولیٹ کرے اور گرانٹس بھی جاری کرے۔ نقل کے حوالے سے سوال پر انہوں نے کہا کہ علم کے بغیر نوجوان نسل کے ہاتھوں میں کاغذ کا ٹکڑا دینا قوم کے ساتھ بڑا ظلم ہے۔ اس طرح مستقبل کو غیر محفوظ کیا جارہا ہے۔ ناخواندگی اور جہالت کے خلاف جنگی بنیادوں پر پلان تیار کیا جائے، تہجد گزار حکیم سعید اکثر روزے سے ہوتے شہادت کے روز بھی وہ روزے سے تھے۔ وہ موت سے کبھی خائف نہیں ہوتے تھے۔ انہیں اپنے مشن اور پاکستانیت سے عشق تھا۔ ادارہ ہمدرد آج بھی حکیم سعید کے مشن اور وژن کے مطابق غیر سیاسی سوچ پر عمل پیرا ہے۔متعلقہ عنوان :
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.