کراچی : پولیس مقابلے میں عزیر بلوچ گروپ کے تین ملزمان ہلاک، ایک دہشتگرد سمیت دو گرفتار

ہفتہ 23 مئی 2015 16:03

کراچی(اُردو پوائنٹ اخبار تازہ ترین۔ 23 مئی۔2015ء) کراچی میں پولیس کے ساتھ مقابلے میں عزیر بلوچ گروپ سے تعلق رکھنے والے تین ملزمان مارے گئے ہیں جبکہ 2کو زخمی حالت میں گرفتار کر لیا گیاہے ، چھاپوں کے دوران کالعدم تنظیم کا کارندہ بھی پکڑا گیا۔ کراچی میں قانون نافذ کرنے والے اداروں نے امن کے دشمنوں کے خلاف کارروائیاں تیز اور ان کے گرد گھیرا تنگ کر دیا ہے ۔

لیاری کلری میں پولیس نے گینگ وار ملزموں کی موجودگی کی اطلاع پر آپریشن کیا ۔

(جاری ہے)

آپریشن کے دوران ملزموں نے پولیس پر فائرنگ کر دی ، جوابی کارروائی میں تین ملزمان مارے گئے جبکہ دو کو زخمی حالت میں گرفتار کر لیا گیا ۔ ایس ایس پی سٹی کے مطابق ہلاک ملزموں کا تعلق عزیز بلوچ گروپ سے ہے جن کی شناخت سکندر عرف سکھو ، سمیر عرف سمو اور جہانگیر کے نام سے ہوئی ہے۔ ملزموں سے دو دستی بم اور اسلحہ بھی برآمد ہوا ہے ۔ دوسری طرف پاپوش نگر کے علاقے سے کالعدم تنظیم کے کارندے راشد کو گرفتار کیا گیا ، ملیر ماڈل کالونی میں نامعلوم افراد نے فائرنگ کر کے ایک شخص کو موت کے گھاٹ اتار دیا ، مقتول کی شناخت صولت حسین کے نام سے ہوئی ہے۔

متعلقہ عنوان :