تحریک انصاف جس کمیشن میں بھی جائے گی اسے شکست کا سامنا کرنا پڑے گا، ڈاکٹر طارق فضل چوہدری
جمعہ 22 مئی 2015 16:46
اسلام آباد ۔ 22مئی (اُردو پوائنٹ اخبار تازہ ترین۔ 22مئی۔2015ء) پاکستان مسلم لیگ (ن) کے رکن قومی اسمبلی ڈاکٹر طارق فضل چوہدری نے کہا ہے کہ پاکستان تحریک انصاف جس کمیشن میں بھی جائے گی اسے شکست کا سامنا کرنا پڑے گا، پاکستان تحریک انصاف تحریک الزامات کی جماعت بن چکی ہے، پاکستان تحریک انصاف کے چیئرمین عمران کو چاہئے کہ الزامات کی پارٹی تو ختم ہو چکی ہے اب کسی نئی پارٹی کی تلاش کریں، تحریک انصاف کا الزامات کا سفر سابق چیف جسٹس سے شروع ہو کر پپو بٹ پر ختم ہو گیا ہے۔
ان خیالات کا اظہار انہوں نے جمعہ کو جوڈیشل انکوائری کمیشن کے اجلاس کے بعد صحافیوں سے گفتگو کرتے ہوئے کیا۔ ڈاکٹر طارق فضل چوہدری نے کہا کہ ایک کمیشن یہ ہے جس کی کارروائی آپ لوگ دیکھ رہے ہیں اور ایک کمیشن عوامی کمیشن ہے، پاکستان تحریک انصاف جس کمیشن میں بھی جائے گی اسے شرمندگی کا سامنا کرنا پڑے گا۔(جاری ہے)
انہوں نے کہا کہ ملتان کے عوامی کمیشن نے پاکستان مسلم لیگ (ن) کے امیدوار کو بھاری اکثریت سے کامیاب قرار دے کر ثابت کر دیا ہے کہ ملتان سمیت ملک بھر کی عوام وزیراعظم محمد نواز شریف اور پاکستان مسلم لیگ (ن) کی عوام دوست پالیسوں پر مکمل اعتماد کرتی ہے۔
انہوں نے کہا کہ ملتان کی اس نشت پر الیکشن 2013ء میں مسلم لیگ (ن) کا امیدوار پانچ ہزار ووٹ کی برتری سے جیتا تھا تاہم ضمنی الیکشن میں پاکستان تحریک انصاف کی منفی سیاست کے باعث 10 ہزار ووٹوں کی برتری سے کامیاب ہوا ہے۔ انہوں نے کہا کہ پاکستان تحریک انصاف تحریک الزامات کی جماعت بن چکی ہے، پہلے الزامات عائد کرتے ہیں اور پھر ثبوت تلاش کرتے ہیں۔ انہوں نے کہا کہ میں عمران خان سے کہتا ہوں کہ سیاست جذبات کا نام نہیں ہے وہ ہوش کے ناخن لیں اور پاکستان کے شہروں کو بند کرکے معاشی نقصان نہ کریں۔ ایک سوال کے جواب میں کہ پاکستان تحریک انصاف کے چیئرمین عمران خان نے کہا ہے کہ ابھی تو پارٹی شروع ہوئی ہے، کا جواب دیتے ہوئے ڈاکٹر طارق فضل چوہدری نے کہا کہ الزامات کی پارٹی تو ختم ہو چکی ہے، عمران خان کو چاہئے کہ اب کسی نئی پارٹی کو تلاش کریں۔متعلقہ عنوان :
مزید اہم خبریں
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
چین کا پاکستان میں دو بڑے ڈیم منصوبوں پر کام روکنے کا اعلان
-
پاکستان کو کم از کم 3سال کا نیا آئی ایم ایف پروگرام درکار ہے،وفاقی وزیرخزانہ
-
امریکی صدر جوبائیڈن کا وزیراعظم شہباز شریف کوخط ، نو منتخب حکومت کیلئے نیک تمناوٴں کا اظہار
-
وزیرِمملکت شزہ فاطمہ سے آذربائیجان کے سفیر کی ملاقات، باہمی دلچسپی کے امورپر تبادلہ خیال
-
پرویز الہٰی کو مزید چند دن ہسپتال میں رکھا جاسکتا ہے، ہسپتال ذرائع
-
پنجاب حکومت نے ٹوبہ ٹیک سنگھ میں بھائی کے ہاتھوں بہن کے قتل کو ہائی پروفائل قرار دیدیا
-
ملک سے سیاسی تقسیم اور افراتفری کا خاتمہ چاہتے ہیں، وزیر اعظم
-
اسلام آباد ہائی کورٹ نے عمران خان کی وکلا سے جیل میں ملاقات کی درخواست نمٹا دی
-
ریاست کی رٹ چیلنج کرنے والوں کے ساتھ سختی سے پیش آئیں گے،سرفراز بگٹی
-
سرکاری تقریبات میں پروٹوکول کیلئے سرخ قالین بچھانے پر پابندی عائد
-
علی امین گنڈا پور نے صوبے میں مستحق افراد کو 1 ارب سے زائد عید پیکیج دینے کی منظوری دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.