قطر غیرملکی مزدوروں کے لیے حالات بہتر بنانے میں ناکام رہا ، ایمنٹسی
جمعرات 21 مئی 2015 12:54
لند ن(اُردو پوائنٹ اخبار تازہ ترین۔ 21مئی۔2015ء) حقوقِ انسانی کی عالمی تنظیم ایمنٹسی انٹرنیشنل کا کہنا ہے کہ قطر میں کام کرنے والے غیر ملکی مزدوروں کے حالات میں نہ ہونے کے برابر بہتری ہوئی ہے اور قطر ان کے حقوق کا خیال رکھنے کا وعدہ پورا کرنے میں ناکام رہا ہے۔قطر سنہ 2022 میں منعقد ہونے والے فٹ بال کے عالمی مقابلوں کا میزبان ہے اور وہاں اس سلسلے میں جاری تیاریوں کے دوران غیر ملکی کارکنوں کے حالاتِ کار اور رہائش کے بارے میں خدشات ظاہر کیے جاتے رہے ہیں۔
ان تیاریوں کے آغاز کے چھ ماہ کے اندر اندر ہی انسانی حقوق کی عالمی تنظیم نے خبردار کر دیا تھا کہ قطر غیر ملکی مزدوروں کا استحصال روکنے میں ناکام ہو رہا ہے۔اس پر قطری حکومت نے وعدہ کیا تھا کہ آئندہ غیر ملکی کارکنوں کے حقوق کا خیال رکھا جائے گا۔(جاری ہے)
اس صورتحال پر مسلسل نظر رکھنے والی ایمنٹسی انٹرنیشنل نے اپنی تازہ رپورٹ میں کہا ہے کہ کچھ شعبہ جات میں حالات تھوڑا بہت بہتر ہوئے ہیں جبکہ کچھ میں اس سلسلے میں کوئی قدم نہیں اٹھایا گیا۔
قطری حکام کا کہنا ہے کہ سالِ رواں کے آخر تک اہم تبدیلیاں عمل میں لائی جائیں گی۔ایمنسٹی کی یہ تازہ رپورٹ ایسے موقع پر آئی ہے جب ورلڈ کپ 2022 کے دو بڑے سپانسر اداروں کوکاکولا اور ویزا نے بھی کارکنوں کے حقوق کے بارے میں خدشات ظاہر کیے ہیں قطر میں اس وقت 15 لاکھ غیرملکی کارکن موجود ہیں جن میں سے بیشتر ان تعمیراتی سرگرمیوں کا حصہ ہیں جو ورلڈکپ کی تیاریوں کے سلسلے میں جاری ہیں۔
ایمنسٹی انٹرنیشنل نے کہا ہے کہ قطر نے گذشتہ برس اس قانون کو تبدیل کرنے کا وعدہ کیا تھا جس کے تحت غیر ملکی مزدور ایک ہی آجر کے ساتھ بندھے رہنے پر مجبور ہیں اور انھیں ملک سے واپس جانے کے لیے بھی اس کمپنی کی اجازت درکار ہوتی ہے جو انھیں قطر لائی تھی۔حقوقِ انسانی کی تنظیم کے مطابق یہ وعدہ ابھی تک وفا نہیں ہو سکا ہے تاہم صرف ایک تبدیلی جو لائی گئی ہے وہ تنخواہوں کے تحفظ کا نظام ہے جو یقینی بناتا ہے کہ ملازمین کو باقاعدگی سے تنخواہ ملے تاہم اس کے نفاذ میں بھی سستی دکھائی جا رہی ہے۔رپورٹ میں ایک غیر ملکی کارکن کے حوالے سے کہا گیا ہے کہ اس نے ایمنٹسی کو بتایا کہ اسے قطر آئے پانچ ماہ ہونے کو ہیں مگر اسے تنخواہ نہیں ملی۔اس کارکن کا کہنا تھا کہ ’میں کام کر کے اپنے اہلِ خانہ کے لیے رقم کمانا چاہتا ہوں لیکن اپنے کفیل کی وجہ سے میں نوکری تبدیل بھی نہیں کر سکتا۔‘خلیجی ممالک میں کارکنوں کے حقوق پر تحقیق کرنے والے ایمنسٹی کے محقق مصطفیٰ قادری کے مطابق ’قطر غیر ملکی مزدوروں کا خیال رکھنے میں ناکام رہا ہے۔
‘انھوں نے کہا کہ ’فوری اقدامات نہ کیے گئے تو قطر کی جانب سے گذشتہ برس کیے گئے وعدوں کی ناکامی اور انھیں 2022 کے ورلڈ کپ کی میزبانی سے ہاتھ نہ دھونے کی ایک کوشش قرار دیے جانے کا خطرہ پیدا ہو جائے گا۔‘ایمنسٹی نے اپنی رپورٹ میں فٹبال کی نگران تنظیم فیفا سے بھی کہا ہے کہ یہ ’واضح طور پر اس کی ذمہ داری ہے کہ وہ قطر پر مزید اقدامات کرنے کے لیے دباوٴ ڈالے۔تاہم قطر کے وزیرِ محنت ڈاکٹر عبداللہ الکلافی کا کہنا ہے کہ ان کا ملک ورلڈ کپ کو تبدیلی کے موقع کے طور پر استعمال کر رہا ہے اور انھیں بڑی حد تک یقین ہے کہ مزدوروں کے بارے میں قوانین میں رواں برس کے آخر تک ترامیم ہو جائیں گی۔ایک اندازے کے مطابق قطر فٹبال ورلڈ کپ کے لیے کی جانے والی تعمیرات پر دو سو ارب ڈالر سے زیادہ رقم خرچ کر رہا ہے اور اس کا کہنا ہے کہ ورلڈ کپ کی وجہ سے ریاست بھر میں جاری تعمیراتی منصوبوں میں تیزی آ گئی ہے۔متعلقہ عنوان :
مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
کیڑوں مکوڑوں والی کافی پینے سے خاتون کی جان پر بن آئی
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.