اپیکس کمیٹی اجلاس، کراچی کے داخلی راستوں پر رینجرز چوکیاں قائم کرنے کا فیصلہ

جمعرات 14 مئی 2015 16:22

کراچی(اُردو پوائنٹ اخبار تازہ ترین۔14مئی2015ء) آرمی چیف جنرل راحیل شریف کی زیر صدارت کور ہیڈ کواٹرز میں امن وامان سے متعلق اہم اجلاس میں اپیکس کمیٹی کے فیصلوں پر موثرعملدرآمد کیا جائے۔

(جاری ہے)

کراچی میں امن وامان کی صورتحال پر آرمی چیف جنرل راحیل شریف کی زیر صدارت اہم اجلاس میں ڈی جی آئی ایس آئی لیفٹنٹ جنرل رضوان اختر ، کور کمانڈر کراچی لیفٹنٹ جنرل نوید مختار ، وزیراعلیٰ سندھ سید قائم علی شاہ ، گورنر سندھ ڈاکٹر عشرت العباد خان ، ڈی جی رینجرز میجر جنرل بلال اکبر ، آئی جی سندھ غلام حیدر جمالی اور حساس اداروں کے سربراہان نے بھی شرکت کی ۔

اجلاس میں فیصلہ کیا گیا کہ کراچی کے داخلی راستوں پر رینجرز کی چوکیاں فوری طور پر قائم کی جائیں ، اس کے ساتھ کراچی میں قبضے کی زمینوں پر قائم مدرسوں کی نشاندہی ، پے رول پر رہا افراد کی فوری گرفتاری اور کالعدم تنظمیوں کے خلاف آپریشن مزید تیز کرنے کا بھی فیصلہ کیا گیا۔ ذرائع کا کہنا ہے کہ اجلاس میں کراچی میں مقیم لاکھوں افغان مہاجرین سمیت دیگر غیر ملکیوں کی فوری واپسی سے متعلق بھی اقدامات کرنے پر بھی غور کیا گیا ہے۔