ننکانہ صاحب میں باا ثر افراد نے خاتون کی 12 سالہ بیٹی اور ساتویں کلاس کی طالبہ کو سکول واپسی پر اغواء کر لیا
جمعہ 8 مئی 2015 23:50
ننکانہ صاحب (اُردو پوائنٹ اخبارتازہ ترین - آئی این پی۔8 مئی۔2015ء) ننکانہ صاحب کے قصبہ ریحان والا میں باا ثر افراد نے مطلقہ خاتون کی 12 سالہ بیٹی اور ساتویں کلاس کی طالبہ کو سکول واپسی پر اغواء کر لیا ،پولیس نے 22 روز بعد مقدمہ درج تو کر لیا مگر مغویہ بازیاب اور کوئی بھی ملزم گرفتار نہ کر سکی ، اہل خانہ کی کوششوں سے گرفتار ہو نے والے مرکزی ملزم کو پولیس نے " معاوضہ " وصول کر کے چھوڑ دیا ،غریب خاتون غم سے نڈھال اور دربدر کی ٹھوکریں کھانے پر مجبور ،متاثرہ خاتون کی وزیر اعلیٰ پنجاب اور آئی جی پنجاب سے فوری نوٹس لینے کا مطالبہ تفصیلات کے مطابق تھانہ منڈی فیض آباد کے علاقہ ریحان والا کی رہائشی خاتون کوثر بی بی نے پریس کلب میں بتایا کہ اس کے خاوند نے اسے تین بچوں کی پیدائش کے بعد دوسری شادی کر لی اور مجھے آٹھ سال قبل طلاق دے دی تھی، میں نے اپنی دو بیٹیوں اور ایک بیٹے کو لاہور میں نجی فیکٹری میں محنت مشقت کر کے پالا، خاتون نے روتے ہو ئے بتایا کہ ایک ماہ قبل 13 اپریل کو میری 12 سالہ بڑی بیٹی کنزہ پروین جو کہ قریبی نجی سکول میں ساتویں کلاس کی طالبہ تھی کو سکول چھٹی کے بعداسی محلے میں رہنے والے منظور احمد نے اپنی اہلیہ اور ساتھیوں کے ہمراہ اغواء کر لیا اور موڑ کھنڈا کے قریب گاؤں ماسو شریف لے گئے ،کوثر بی بی نے بتایا کہ میں نے فوری طور پر متعلقہ تھانے کو اطلاع دی اور علاقہ کے مقامی افراد کو اپنی بیٹی کی واپسی کے لئے ترلے منتیں کیں مگر با اثر افراد نے میری بات سنی ان سنی کر دی ،میں اپنی معصوم بیٹی کی واپسی کے لے ایک ماہ تک در بدر کی ٹھوکریں کھاتی رہی ،پولیس تھانہ منڈی فیض آباد نے وقوعہ کے 22 روز مقدمہ تو درج کر لیا مگر تاحال پولیس کسی بھی ملزم کو گرفتار کرنے اور مغویہ کی بازیابی میں کامیاب نہیں ہو سکی ،کوثر بی بی نے یہ بھی الزام لگایا کہ تھانہ منڈی فیض آباد میں مقدمہ کے تفشیشی غلام قادر نے ہماری کوششوں سے گرفتار ہو نے والے مرکزی ملزم منظور احمد کو کاروائی اور تفشیش کی بجائے مبینہ طو ر پر رشوت لے کر با عزت بری کر دیا ،متاثرہ خاتون کوثر بی بی نے کہا کہ پولیس ان بااثرملزمان سے ملی ہو ئی ہے جو نہ ہی ملزمان کو گرفتار کررہی ہے اور نہ ہی میری بیٹی کو بازیاب کروایا جا سکا ہے ، کوثر بی بی نے وزیر اعلیٰ پنجاب اور آ ئی جی پنجاب سے معاملے کا فوری نوٹس لینے اور اپنی بیٹی کی بازیابی کا مطالبہ کیا ہے ،خاتون نے یہ دھمکی بھی دی ہے کہ اگر پولیس نے ملزمان کے خلاف کاروائی نہ کی اور میری بیٹی کو بازیاب نہ کروایا تو وہ وزیر اعلیٰ ہاؤس کے سامنے خود سوزی کرنے پر مجبور ہو جائے گی۔
مزید قومی خبریں
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
-
وزیر دفاع و دفاعی پیداوار سے ترکیہ کے چیف آف جنرل سٹاف جنرل کی ملاقات
-
وزیراعلیٰ سندھ نےآئی جی سے مانسہرہ کالونی میں دھماکے کی تفصیلی رپورٹ طلب کر لی
-
چیئرمین سینیٹ کی کراچی کے علاقے لانڈھی میں گاڑی پر ہونے والے خودکش دھماکے کی مذمت
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.