پری سکین رپورٹ نادرانے نہیں دی ‘ الیکشن ٹربیونل سے ملی ہے ‘ عمران خان کی وضاحت
جمعرات 7 مئی 2015 14:09
اسلام آباد (اُردو پوائنٹ اخبار تازہ ترین۔ 07 مئی۔2015ء) پاکستان تحریک انصاف کے چیئر مین عمران خان نے کہاہے کہ پری سکین رپورٹ نادرانے نہیں دی ‘ الیکشن ٹربیونل سے ملی ہے ‘ سعد رفیق بھی کہتے ہیں ریٹرننگ افسران نے دھاندلی کی ہے ‘ ذمہ داران کو سزا کیوں ملنی چاہیے ‘ جو ڈیشل کمیشن کا فیصلہ قبول کرینگے ‘ نادرا رپورٹ جلد الیکشن ٹربیونل کے پاس چلی جائیگی ‘ آئندہ ہفتے دودھ کا دودھ اور پانی کا پانی ہو جائیگا میڈیا سے گفتگو کرتے ہوئے عمران خان نے کہاکہ نادرا نے مجھے پری سکین رپورٹ نہیں دی یہ ہمیں الیکشن ٹربیونل سے ملی ہے آفیشل رپورٹ الیکشن ٹربیونل سے ملی ہے اور چیئر مین نادرا پر ویسے ہی چڑھائی کردی گئی عمران خان نے بتایا کہ رپورٹ میں تین چیزیں سامنے آئی ہیں 30پولنگ اسٹیشن میں ڈپلی کیٹ کاغذ ملے ہیں اور وہ ایک ہی سیریل نمبر کے ہیں تحقیقات کے بعد پتہ چلے گا کہ کیوں اضافی بیلٹ پیپر چھاپے گئے ہیں انہوں نے بتایا کہ 50پولنگ اسٹیشن کے اندر کسی اور پولنگ اسٹیشن کے سیریل نمبر نکلے ہیں 34پولنگ اسٹیشن میں الیکٹورل لسٹیں غائب کر دی گئی جس سے پتہ نہیں چل رہا ہے کہ انگوٹھے کس کے لگے ہیں ؟نادراسے آئندہ آنے والی رپورٹ انگوٹھوں کی نشاندہی کریگی انہوں نے کہاکہ منڈی بہاؤلدین میں ایک امیدوار الیکشن میں درخواست دائر کررہا ہے اس کا موقف ہے کہ گور نمنٹ پنجاب نے الیکشن کے دور ان گیس پائپ ڈالنی شروع کر دی ہیں اس ساری پری پول دھاندلی ہے جو ڈیشل کمیشن کے قیام کے باوجود پنجاب حکومت کو کوئی فرق نہیں پڑا اور الیکشن میں دھاندلی کی منصوبہ بندی کررہے ہیں ایک وزیر گاڑیوں میں بیٹھ کر کمپین چلا رہی ہیں جو ڈیشل کمیشن میں تمام چیزیں سامنے آ جائیں گی انہوں نے کہاکہ این اے 125کے فیصلے کے خلاف حکومت سپریم کورٹ چلی گئی ہے انہوں نے کہاکہ سعد رفیق بھی کہتے ہیں کہ ریٹرننگ افسران نے دھاندلی کی ہے اور کہتے ہیں میں نے دھاندلی نہیں کی ہم کہتے ہیں جس نے دھاندلی کی ہے سزا ملنی چاہیے ایک سوا ل کے جواب میں انہوں نے کہاکہ جو ڈیشل کمیشن کے نتائج تسلیم کرینگے عمران خان ہمیشہ نیوٹرل امپائر کے ساتھ کھیلتا ہے ایک اور سوال کے جواب میں انہوں نے کہاکہ نادرا پوچھنے گیا تھا کہ رپورٹ ابھی تک کیوں نہیں نکلی ہے کیا آپ پر کوئی دباؤ تو نہیں ہے کیونکہ نادرا نے دو ہفتے پہلے کہا تھا رپورٹ آنے والی ہے انہوں نے کہاکہ اب نادرا کی رپورٹ ٹربیونل الیکشن کے پاس جائیگی انشاء اللہ ہمیں امید ہے کہ اگلے ہفتے دو دھ کا دودھ اور پانی کا پانی ہو جائیگا ۔
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
عمران خان نے2 ججوں کی یقین دہانی پر اپنا دھرنا ختم کیا،فیصل واوڈا کا انکشاف
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.