تحریک نجات کا راولپنڈی\اسلام آباد کو قبضہ مافیاء سے نجات دلانے کیلئے تحریک شروع کرنے کا اعلان
بدھ 6 مئی 2015 22:02
اسلام آباد ( اُردو پوائنٹ اخبار تازہ ترین۔ 06 مئی۔2015ء ) متاثرین قبضہ مافیاء نے قبضہ مافیاء سے نجات کے لئے باقاعدہ تحریک شروع کرنے کا فیصلہ کرلیا۔تحریک چلانے کے لئے ’’تحریک نجات قبضہ مافیاء‘‘کے نام سے باقاعدہ فورم تشکیل دے دیا گیا۔تفصیلات کے مطابق اسلام آباد میں قبضہ مافیاء کے متعلق ایک اہم اجلاس منعقد ہوا۔اجلاس میں بڑی تعداد میں متاثرین قبضہ مافیاء نے شرکت کی۔
قانونی معاونت کے لئے سینئرایڈووکیٹ سپریم کورٹ طارق اسدبھی اجلاس میں موجود تھے۔اجلاس کے شرکاء نے راولپنڈی اور اسلام آباد میں تاجی کھوکھر گروپ،بحریہ ٹاؤن گروپ اور راجہ علی اکبر گروپ کی جانب سے زمینوں پر بڑھتے ہوئے قبضہ کرنے کے واقعات پر شدید تشویش کا اظہار کرتے ہوئے قبضہ مافیاء کے اقدامات کی شدید مذمت کی۔(جاری ہے)
اجلاس میں فیصلہ کیا گیا ہے کہ راولپنڈی اور اسلام آباد کو قبضہ مافیاء سے پاک کرنے لئے باقاعدہ تحریک شروع کی جائے گی۔
اس حوالے سے ’’تحریک نجات قبضہ مافیاء ‘‘کے نام سے باقاعدہ جماعت بھی تشکیل دے دی گئی ہے۔تحریک نجات قبضہ مافیاء کا مرکزی صدر محمد صفدر کو مقرر کیا گیا ہے۔اجلاس کے بعد متاثرین قبضہ مافیاء نے ایک بیان میں کہا ہے کہ راولپنڈی اور اسلام آباد میں ہر طرف قبضہ مافیاء کا راج ہے بالخصوص تاجی کھوکھر گروپ، ور راجہ علی اکبر گروپ نے ظلم و جبر کی تمام حدیں عبور کردی ہیں۔لہٰذا اب فیصلہ کیا گیا ہے کہ راولپنڈی اور اسلام آباد میں کسی صورت قبضہ مافیاء کا راج نہیں چلنے دیا جائے گا۔راولپنڈی اسلام آباد کو قبضہ مافیاء سے پاک کرنے کے لئے ہرسطح پر جدوجہد کی جائے گی۔اس متعلق تحریک نجات قبضہ مافیاء اپنی حکمت عملی کا اعلان 9مئی کو دن چار بجے نیشنل پریس کلب اسلام آباد میں ایک اہم پریس کانفرنس میں کرے گی۔دوسری طرف نیشنل پریس کلب اسلام آباد میں قبضہ مافیاء کے خلاف آج (بدھ )کی طے شدہ پریس کانفرنس پیپلز پارٹی کے زیراہتمام نیشنل پریس کلب میں سیمینار کی وجہ سے 9مئی تک کے لئے ملتوی کردی گئی۔مزید اہم خبریں
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
پی ٹی آئی کا اسلام آباد میں جلسہ کرنے کا فیصلہ، انتظامیہ کو درخواست دے دی
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
-
پاکستان نے جوابی فضائی حملے کیے، طالبان افغان سرزمین سے حملے روکیں، امریکا
-
ایم کیو ایم پاکستان سے کوئی اختلاف نہیں، فیصل واوڈا
-
شاہد خاقان عباسی کے خلاف ایل این جی ریفرنس پر سماعت ملتوی
-
صدر اور وزیرِ اعظم نیب کے گریجویٹ ہیں،شاہد خاقان عباسی
-
گیس و بجلی کی قیمتیں بڑھا کر صنعتوں کو تباہ کرنے کی کوشش کی جا رہی ہے. ڈاکٹر حفیظ پاشا
-
راولپنڈی پولیس،9مئی مقدمات میں پرویزالٰہی اور مراد سعید کے وارنٹ گرفتاری حاصل
-
بھارتی انتخابات:پولنگ سات مراحل میں44دن جاری رہے گی‘ہرووٹرتک پہنچیں گے.چیف الیکشن کمشنر
-
بلند ترین شرح سود کے ساتھ کاروبار چلانا ممکن نہیں رہا‘شرح سود مہنگائی کم کرنے کے لیے بڑھائی گئی تھی.تاجر
-
بجلی کے بلوں میں عوام پر غیر منصفانہ ٹیکس لگائے جانے کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.