صفائی ستھرائی کی صورتحال کو بہتر بنانے کیلئے انتظامیہ تمام تر دستیاب مشینری و گاڑیوں کی درست حالت میں موجودگی کو یقینی بنائے،سلمان مجاہد بلوچ
بدھ 6 مئی 2015 20:42
کراچی ( اُردو پوائنٹ اخبار تازہ ترین۔ 06 مئی۔2015ء ) حق پرست رکن قومی اسمبلی سلمان مجاہد بلوچ نے کہا کہ بلدیہ غربی میں صفائی ستھرائی کی صورتحال کو بہتر بنانے کیلئے انتظامیہ تمام تر دستیاب مشینری و گاڑیوں کی درست حالت میں موجودگی کو یقینی بنائے ان خیالات کا اظہار انہوں نے ایڈمنسٹریٹر بلدیہ غربی سجاد احمد میمن اور میونسپل کمشنر اشفاق احمد ملاح کے ہمراہ دو(2) باب کیٹ اور ایک ٹریکٹرٹرالی مرمت کے بعد سائٹ اور بلدیہ زون کے حوالہ کرتے ہوئے کیا رکن اسمبلی نے کہا کہ تمام مشینری و گاڑیاں جو کہ کسی بھی خرابی کے باعث ناقابل استعمال حالت میں موجود ہیں اگر ان کی بروقت مرمت پر توجہ دی جائے تو کوئی وجہ نہیں کہ صفائی ستھرائی کے عمل میں کسی بھی قسم کی دشواری کا سامنا کرنا پڑے انہوں نے بلدیہ غربی کی حدود میں موجود تمام ندی نالوں کی صفائی کاکام بھی بروقت مکمل کرنے کی ہدایت دیتے ہوئے کہا کہ مون سون کی آمد سے قبل ندی نالوں کی صفائی اور ان پر موجود تجاوزات کے خاتمہ کیلئے اقدامات کو ہنگامی بنیادوں پر مکمل کیاجائے اس موقع پر ایڈمنسٹریٹر نے رکن اسمبلی کو یقین دلایا کہ انتظامیہ بلدیہ غربی خراب اور ناکارہ حالت میں موجود مشینری و گاڑیوں کی مرمت ودرستگی کیلئے ہر ممکن کوشش کررہی ہے ندی نالوں کی صفائی کے حوالہ سے کئے جانے والے اقدامات سے آگاہ کرتے ہوئے بتایاکہ تمام تردستیاب وسائل کو بروئے کار لاتے ہوئے ندی نالوں کی صفائی کا عمل شب وروز جاری ہے تجاوزات کے خاتمے کیلئے انتظامیہ کی جانب سے بھرپور کوششیں کی جارہی ہیں جبکہ صفائی ستھرائی کی صورتحال کو بہتر بنانے کیلئے تمام علاقوں میں صفائی کا عمل بھر پور طریقہ سے جاری رکھا جارہا ہے کچرہ وملبہ کی منتقلی کیلئے تمام ہلکی وبھاری مشینری کوبروئے کار لایا جارہا ہے اس موقع پر انکے ہمراہ بلدیاتی افسران بھی موجود تھے۔
مزید اہم خبریں
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.